الوسم: الفحص

السلام عليكم و رحمه الله

شحالكن خواتي

شخبار العرايس ..

و الله اني خايفه من الفحص .. باجر او بعده او الاسبوع الياي بسير اسوي فحص

خااااااااااااااااااااااااااااااايفه و الله

شوه اجراراء الفحص و كيف ..

ادعولي بنات ..

ههههههههه واي ليش نحن البنات كلنا جي

انانفسج حبوبه وكل البنات جي اناعقب العيد بسير افحص

توني اخبر خطيبي قالي لاتخافين وطمني,,الريايل مايحاتون شراتنا ماشالله قلوبهم اقوى

حبوبه حاولي تسيطرين على اعصابج وفي وايد مواضيع متكرره عن نظام الفحص وجي

ونترياااا البشاااره ^^

الله يوفقج ياارب

اووويه ليش كل البنات يخافون من الفحص الا انا !!!!! شكلي مافيني احساس لول

حبوبه عادي ليش اتخافين الا هي جغة ابره ع قولتهم و خلاص احس ماله داعي كل هالخوف و فيه وايد مواضيع
تتكلم عن فحص الزواج ف هالقسم اقريها

و عادي لاتخافين مافيه شي يخووووف
و الله يتمم لج على خير

مب الابره اللي تخوف حبوبه

النتيجه @.@ هاااا اللي نحاتيه نحن يعني الواحد مليون وسواس ايي في راسه عرفتي

صح كل شي مكتوب والنعم بالله بس بعد شي يخليج تحاااتين غصبن عنج ولااذا على الابره طااااف ماتخوف لوول

هي والله صدق … ساعات يضرب خوف .. بس ان شاء الله مافي شي

اطمني حبووووووووووووبه مافيج الا الخير ..

السلام عليكم شحالكم وشخباركم

اليوم الحمدلله يارب افتكيت وسويت الفحص الطبي ><

بس انا مستغربه انه بس بس سحبو مني دم ،، يعني اللي قريته من تجارب العضوات انه خذو منهم الطول والوزن والضغط وبعض المعلومات

وغير جي حرمة اخوي قالت تحليل بول -اكرمكم الله- :$ !!

بس اليوم لما رحت بس طبعا قدمت لهم 3 صور شخصيه وصورة الجواز وبطاقة ثقه

وعقب نادو اسمي وخذو مني رقم التلفون بس وقالت لي روحي هذيج الغرفة لسحب الدم

والحرمه سحبت لي بس غرشه وحده >< الحمدلله كنت خايفه 2 وقالت خلاص ،، انا استغربت قلت مافي تحليل بول ،، مافي شيء ثاني ؟؟؟

قالت لاء بس هذا المطلوب حق عقد الزواج وهالابره سألتها حق شو قالت حق الله يحفظنا ويحفظكم الامراض المعديه الايدز وغيره من هالامراض

اما تحليل الدم حق الثلاسيميا والامراض الوراثيه قالت هذا حق الاهل الاقارب ،، قلت لها خطيبي مو من اهلي ،، جان تقولي احسن تسوينه اذا تبين ومو مطلوب عند عقد الزواج

يعني باختصار الملاج مايملج الا بعد مايشوف ورقة الفحص الخاصه بالامراض الخطيره ،، اما الوراثيه والجنينه لاء ؟؟؟

لانه اختي بعد عرست قبل سنتين ونفس الشيء ماخذت ابره الا مره وحده وماسووت التحليل الثاني للامراض الوراثيه ،، وانا قلت خلاص ماله داعي >< بروحي دخت من الابره

فأبي اتأكد اللي سوو فحص من قريب جي صار معاهم ؟؟؟

وخبروني انه النتايج تطلع الاحد الياي ،، يعني تقريبا 5 ايام ،، مو جنه وايد ولا تطلع قبل ؟؟ ومشكورين

ربي يتمم لج ع خير

بس بخصوص الامراض الوراثيه حتى لو مش من الاهل لكن يمكن نفس المرض الي عندكم وراثي عندهم .. الا وهو الثلاسيميا …
اعرف وايد بنات خذن من برع والمرض وراثي طلع لانهم حاملين المرض ف جيناتهم وهم مب اهل ولا يقربون لبعض

يعني لو سويتي الفحص بخصوص الثلاسيميا احسن لج مستقبلا

وبالتوفيج غلايهـ .. ~

تطلع النتايج عقب 3 اياام
وبس ياخذون فحص الدم ماياخذون شي ثااني
على حسب معلوماتي

شيخة بمعانيها يزاج الله خير ،،، ياربي والله كل ما اتذكر الابره خلاص مااتحمل >< ان شاء الله بفكر بهالشيء

الساميه مشكووره وقالو لي 5 >< شكلي بسألهم قبل

الظي ما شاء الله عالبركه اختي وعسى الله يوفقكم ويبعد عنكم الحسد والعين ويرزقكم من فضله العظيم

هيه الغاليه بس هذا هو المطلوب والتحليل الثاني للامراض الوراثية بمستشفى خليفة واختياري بس لو انتي حامله لثلاسيميا احسن تسوينه حتى لو مايقرب لج

الله يوفقهاااااااااااااااا ان شاء الله

سويت فحص زواج يوم الاربعا,,
والنتيجة يوم الاحد.. وانا خلااص تعب من التفكير..
بلييز ادعولي اتكون نتيجة الفحص سليمة.. واايد اوسوس,, حتى الليل ما ارقده من التفكير…
بليييز لا تبخلون عليي بدعائكم. انا صدق محتاجتنكم..

فحص شو ؟؟
ع العموم ان شاءالله خير فديتج ^^"

فحص زواج

يارب تطلع نتيجة الفحص سليمة والله ييسر لج امورج ويتمم لج على خير يا رب ^^

@@

لا فديتج مب فحص عادي,,
منو قالج هالكلام؟؟؟
اذا طلعت النتايج سلببية يمنعون الزواج..

وبعدين كيف عرفتيني؟؟؟

خواتي كلهم معرسات وعادي محد كان خايف جذي ومن قالج يبمنعونج من الزواج

إنت من العين صح