السلام عليكم ورحمة الله وبركاته
شحالكم خواتي؟
انتشرت الفترة الأخيرة تسريحة البف و حجاب بو نفخة فقلت لازم اعلم البنات كيف يسوونها ع
اوصولها.
أول شي لازم تيبين اي شي ثقيل و ينفع و ترفعين الشعر و تحطينه تحته مثل ها الصورة
وتذكري عزيزتي كل ما كان أكبر كل ما كان أحلا
ولاتنسين الغالية أنه مع الاناقة لازم يكون في تضحية وألم فالرجاء تتحملين وتستمرين
]
صدقيني بتكونين فاتنه و خلابه لدرجة انه حتى أهالي ماوراء البحار "و الكواكب و المجرات" بيلاحظون
اختي الغالية أعتقد أنه الغرض من موضوعي واضح و اتمنى انج تستمرين وتقرينه للنهاية لأنج
لو وقفتي فالنص و طلعتي ها بيكون دليل انج مب واثقة من نفسج و تعرفين حكم اللي تسوينه
صدقيني لولا خوفي عليج جان ماتعبت عمري و نزلت الموضوع بس انا قلبي يحترق عليج يوم
أجوفج بهالمنظر ,انتي غالية جوهرة ثمينه و بنت زايد مب هاي فعايلها .
كيف هانت عليج نفسج اتهينينها هي نعم تهينينها و تخلين اللي يسوى و اللي ما يسوى يتفكر فيج
وشو الجمال في سنام الجمل اللي أبعد ما يكون عن الانوثة .
معقولة ؟؟ معقولة؟؟ انتي بنت الاسلام ؟ انتي اللي باجر تربين أجيال؟؟ انتي اللي المفروض تكونين من امة يباهي في خير لخلق محمد صلى الله عليه وسلم.
لا لحظة لا تطلعين بعدني ماخلصت, ماعليه دوسي ع نفسج شوي و تحملي الشيطا اللي يزم ويقولج
اطلعي من هالموضوع البايح!!
تبين تعرفين ليش قلبي ينحرق تبين تعرفين ليش يوم أخر مرة جفتج بالمول بغيت أوقفج و ارمسج
مرة كان حجابج سافر بس لا انتي بنت ناس و المرة اللي بعدها كنتي متحجب وبقمة الجمال لكن
اااه اااه منه السنام اللي ارتفع لي ما وصل السقف . ظنيتي انه يحليج لكنج ما جفتي الشاب اللي وراج
وا ستهزئ وما جفتي الهندي اللي صد واستغرب وما جفتي بعد صحيفة أعمالج اللي انحطت فيها سيئات
تبين تعرفين اللحين أحكام البف اوكي خليني اقولج اياها
ما حكم أطواق البف ، والتي هي طوق بلاستيك يوضع تحت جزء من الشعر ثم يعاد الشعر عليه بحيث يوحي بكثافة الشعر وكثرته ، وهل يدخل في الوصل ؟ . ونسأل الله أن يكتب أجركم ، ويشكر سعيكم ، وأن ينفع بك الإسلام والمسلمين .
الجواب :
الحمد لله
" أطواق البف " – ويطلق عليها " أمشاط البف " : فهي تعمل على تكبير الرأس ، وتسمَّى العملية : " نفخ الشعَر " ، و " حشْو الشعَر " ، وحكمها : المنع والتحريم ، ودخول ذلك في وصل الشعر الذي لعن رسول الله صلى الله عليه وسلم من فعلته ليس بعيداً .
عَنْ قَتَادَةَ عن سَعِيدِ بْنِ الْمُسَيَّبِ قَالَ : قَدِمَ مُعَاوِيَةُ الْمَدِينَةَ آخِرَ قَدْمَةٍ قَدِمَهَا فَخَطَبَنَا فَأَخْرَجَ كُبَّةً مِنْ شَعَرٍ قَالَ : مَا كُنْتُ أَرَى أَحَدًا يَفْعَلُ هَذَا غَيْرَ الْيَهُودِ إِنَّ النَّبِيَّ صَلَّى اللَّهُ عَلَيْهِ وَسَلَّمَ سَمَّاهُ الزُّورَ – يَعْنِي : الْوَاصِلَةَ فِي الشَّعَرِ – . رواه البخاري ( 5594 ) ومسلم ( 2127 ) .
قال الحافظ ابن حجر – رحمه الله – :
وهذا الحديث حجة للجمهور في منع وصل الشعر بشيءٍ آخر ، سواء كان شعراً أم لا ، ويؤيده : حديث جابر : ( زجر رسول الله صلى الله عليه وسلم أن تصل المرأة بشعرها شيئاً ) أخرجه مسلم … .
وأما دخول استعمال الطوق في النهي الثاني – وهو جعل الرأس كأسنمة البخت – :
فعَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( صِنْفَانِ مِنْ أَهْلِ النَّارِ لَمْ أَرَهُمَا قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ ، وَنِسَاءٌ كَاسِيَاتٌ عَارِيَاتٌ مُمِيلَاتٌ مَائِلَاتٌ رُءُوسُهُنَّ كَأَسْنِمَةِ الْبُخْتِ الْمَائِلَةِ لَا يَدْخُلْنَ الْجَنَّةَ وَلَا يَجِدْنَ رِيحَهَا ، وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا ) رواه مسلم ( 2128 ) .
شو رايج الحين ؟؟ اضايجتي صح بس ما عليه بعده عندج فرصه ترى صدقيني الدنيا ما تسوى و شو
ها المشط الي يستاهل تلتعنين وتنطردين من رحمة ربج عشانه باب التوبة مفتوح عزيزتي وربج
مازال باسط ايدينه يتريا رجوعج له عشان يكفر سيئاتج ويتوب عليج خلينا اليوم نبدا من يديد ونقول
لا لكل موضة هدامة
اسمحولي لو طولت عليكم وامنتكم الله اللي تقرا موضوعي ترد عليه برايها و اتمنى التاجرات بعد
ينتبهون لها الشي وما يبيعونه فالمنتدى عسب ما يوصلهم الاثم
و الرجاء للمشرفات العزيزات ما ينقلون موضوعي لقسم ثاني لانه ها المكان الوحيد اللي ممكن
البنات اللي يسون جي يجوفونه فيه و شكرا على جهودكم
