الوسم: الثانيه

السلام عليكم ورحمة الله وبركاته

شخباركن بنات

بغيت اتخبركن وين اقدر احصل ع فساتين حوامل حلوووه او عبي اعراااس

او حتى الي عندها ديزاينات عبي اعراس حلووه وفخمه اتساعدني..

ابااا مساعدتكن ظروري عرس اختي عقب شهر ونص وانا ما زهبت شي

سيري شارع الفساتين بتحصلين عندهم انا اكثر واحد يعيبني رتاااج احسه دووم اييب يديد..

انا مثلج ، دورت لين ما نقع راسي ، آخر شي سرت مركز البستان والحمد لله حصلت شغلات واااااااااااااايدة وعاد انتي اختاري اللي يعيبج

وبالتوفيق !

بس ودي افصل عباه لاني مابا اللبس فستااان فالعرس ويا هالكرشه احس شكلي بيكون مب حلوو

فياريت الي عندها ديزاينات عبي رااقيه اطرش لي

للرفع

هلا اختي

محل لايت مون في شارع الملك فيصل

مجابل بلدية راس الخيمة

دايما عندهم فساتين جديدة حق الحوامل فيها قصات وحركات …. ودوم ستايل وعالموضة

وعلى فكرة اسعارهم حلوووة وابدا ما بيالغون فيها

خواتي انا حامل للمره الثانيه بس عندي سؤؤؤال

يسوون خياطه في الولاده الثانيه ولالا ؟؟؟

وكيف اعرف متى اروح المستشفى لاني في الولاده الاولى سرت بدون الم وعطوني طلق صناعي لاني كنت متاخره

والحين مب عارفه متى اسير … يعني اصبر لين ماينزل عليي الماي عقب ارووح ولا ؟؟؟

مع العلم انا من اماره وبربي في اماره ثانيه

دخيلكم ساعدووني مالي غيركم

واعوا لي الله يسهل عليي ولادتي

حسب,,, يعني اذا نزل عليج الماي قبل موعدج سيري على طول,,, اذا طوفتي موعدج الدكتوره بتحددلج موعد الطلق الصناعي,,, عن الخياطه,,, اللي أعرفه في كل ولاده يسوونها

الله يسهل عليج الغالية

حبيبتي اذا نزل عليج ماي لازم اتسيرين
وحياتو الام الولاده ماترومين تتحملينه واتي كل ربع او 10 دقايق
والخياطه حبيبتي علي كل خياطه

هلا حبيبتي اولا الخياطه على حسب وزن البيبي وحجمه انا لين الثالت يسووني خياطه وفي حريم بس لين الثاني وفيه بس بالبجر
بالنسبه للولاده جوفي اذا ياج الويع كل 10 دقايق اول اقل روحي المستشفى بما انج تقولي انتي في اماره وبتربين في اماره ثانيه فلازم تسيرين من وقت فديتج وعن الماي في بعض الحريم من ينزل عليهم الماي على طول يربن
والله يسهل عليج ان شاء الله ويقومج بالسلامه

اميييي والله خفت

حسيت برهبه من هذيج اللحظه لاني في البجر تعبت وايد

ومشكوووووورات خواتي ماقصرتن والله يعطيكن كل اللي تتمننه

السلام عليكم
شحالكن
بنات حريم شورن علي شو اسوي ريلي يفكر يجيب حرمته الثانيه البيت عندي مع انه حالف انه ما يبها البيت واعدني وعد ويقولي وعد الحر دين انه ما بيبها واذا ما وفى بالوعد اسوي فيه الي اباه- والحين هو متغير علي وعلى بناتي وكلما اقوله شو فيك علينا يقولي انا السبب بس فشو ما ادري — وعلى اتفه الاسباب يسويلي سالفة بس انا احاول اني اكون هاديه لاني عارفه انه شي فراسه وما يبا يقول —
شورن علي شو اسوي اكون هادية ؟ او اقلب الدنيا على راسه؟ او اروح بيت هلي وما ارد له ؟ او اطلب الطلاق ؟ شو والله دار راسي احس اني بنتحر من هالريل الله يهديه؟

دعواتكن لي بالصبر

حبيبتي انتي مقصره وياه في شي

؟؟

شوفي الاسباب وكلميه وحاولي تتفاهمين وياه

فديتج والله

انتي كلميه قولي دام انت تزوجت علي صح هذا يزعلني و يضايقني بس لا تسويها و تييبها البيت

خل كل وحدة ف بيت احسن لنا بدون مشاكل ..

هذا ريلج وانتي تدرين شو تسوين .. ادري صعبة عليج انها تكون ف البيت

الغاليه لا تطلعين هذا بيتج وبيت عيالج وحاولي تتفاهمين وياه وذكريه بوعده لج والله يهديه يارب

اكيد لاتطلعين من البيت تخلينها تسرح وتمرح فالبيت ؟؟؟؟؟
صدق استغفرالله
شو بقولج يعني
الله يهديلج ريلج يارب

حبيبتي رمسيه اتفاهمي وياه واعرفي شو ف راسه ….
بس حاولي ماتخربين بيتج بايدج ……
…………………………..

الله يوفقج دنيا واخره