هلا ..
امم عندي مشكله بسيطه وابي نصيحتكم .. قولوا لي شو اسوي !
انا ادرس فالكلية هاي اول سنه لي .. انا من البنات الشاطرات الحمدلله والسير وايد يمدحني احس ان بنات كلاسي حاقدين علي مادري ليش .. !
وسالفتي الثانية هي .. ان ربيعتي حامل وبدايه الكورس ماداومت بس مرة وحده وقالت مااقدر اداوم .. كلمتها قلت لها بيعطونج الانذار الثاني وبيطردونج
قالت عادي انا عندي عذر ومادري شو قلت لها كيفج .. وداومت من يوميين يعني اشياا كثيره طافتها انا ماعندي مانع اشرح لها وافهمها .. بس هي طلبت مني اني اكتب لها الواجبات اللي لازم نسلمها يوم الاحد يعني 5 رسايل وسالفه ,,
يوم قلت لها ماقدر قالت لي انتي شاطره يلا اكتبي لي انا ربيعتج وحامل ماقدر
قهرتني والله الحين انا اذاكر ولا اكتب لها مايصير لازم هي تكتب عشان تتعلم
ماعرف شو اسوي لو ماكتبت لها بتزعل مني وبتقولي انتي انانيه ..
اممم سوري طولت عليكم بس بليز ابي نصيحتكم ماعرف شو اسوي وياها ..
و بالنسبه لربيعتج الحمل مب عذر يخليها تعتمد عليج بكل شي
و المفروض انها تحس شوي انتي بعد عندج مسؤوليات و امتحانات
حبيبتي ما فيها شي .. اتصلي لربيعتج و فهميها الوضع
ولو صدق تعزج بتقدر وضعج و ظروفج
وربي يسهل لج
و ربيعتج يوم حملت خلاص لازم هي تتحمل المسؤرليه انتي اشلج يعني احينه بتيلس تعايرج لانج شاطره
والله طاااف
وربي يوفقج يالغلا
و ييسر أمورج إنشاالله
ودامها عارفه هالشي و وافقت على الزواج والدراسه في ان واحد فالمفروض انها تكوون متحملة للاثنين
واذا تحس انها ماتقدر توقف الكورس
والله يكون بعونها يارب وبعونج
ودام انها بتزعل معناتها صداقة مصلحة هاي
عقب بتلوميني ع نقصان درجاتج
تدرين هالفترة انا وايد مشغولة في المذاكرة والبيت يعني مخي كم بيجمع فاكتبي انتي وانا بصحح لج الاخطاء
لكن ما اقدر اكتبه كله عن تنقصين وانا ظروفي ما تساعد
