مراحب خواتي
انا من العين ولا قد مرة صلينا في مسيد الا يوم كنا صغار وفي مسيد بعيد ما نندله الحين
اتمنى لو تدلوني على مسايد كبيرة في مكان للنساء او مسايد عليها اقبال يعني من الحريم عشان نصلي فيه ..
بس خبروني وين مكانه رجاء .. وهل الإمام خاشعة قراءته ؟؟
ويزاكن الله خير
اما اذا انتي مصممه تصلين في مسيد براحتج والله يوفقج..والسموحه الغاليه تراني مب من العين..
ان شاء الله البنات يدلونج..عيل ليش رازه ويهج يوم انتي مب من العين..خخخخ
عندج مسيد في فلج هزاع كبير بس ما أعرف أسمه
و فيه مسيد في عود التوبة عند دوار المندوس فيه مكان حق الحريم
و إن شاء الله البنات يفيدونج و السموحة
انا من العين و شراتج اصلي في البيت
يقولون أحسن للحرمة تصلي في بيتها
بس بعد اذا حابة تصلين جماعة اعرف ناس يروحون المسيد اللي في فلي هزاع بس زحمه يكون, و أي مسيد عدال بيتكم يكون فيه مصلى للنساء.
فأسير اصلي في مسيد سعووود والي يقري بوخاطر روووووعه واخشع واااايد وخاصه دعاء الوتر يعني اتحسين بشي غير سبحان الله .,,
ومثل ماقلوو خواتي البيت افضل ..
ادري صلاة الحرمة في بيتها ابرك وأفضل
بس الوالدة حبت انها تصلي كل خميس في المسيد لان الصراحة قبل كان خاطرنا نسير نصلي في مسيد
ولكن ما كانت عندنا سيارة والحين صرت اسوق والحمدلله شرينا سيارة فيعني حبينا نستغلها في شي مفيد
ونسير شرات الناس << قصة حزينة بالقوووو
المهم
للي سأل انا وين ساكنة .. انا ساكنة قريبة من توام ..
والاخت نيله اللي من الشارجة والله اغبطج على هالفرصة والله اتمنى اصلي في مكان يقرى فيه امام قراءته خاشعه مثل بوخاطر
سلامي للجميع واتمنى اقرا ردود اكثر وشكرا مقدما
