الدوا الي يسمونه حبة الجمال
يرجع البشره 10 سنين وري
و يضعف الخشم
و ينشف الدهون
استمريت عليه 10 شهور و نص
* للعلم كان عمري 15-16 سنه لما تعالجت به*
الحمدلله ويهي صفا و بشرتي تحسنت
بس الي لاحظته والكل لاحظه علي
– طولي وقف
– صدري ما قام يكبر
قريت في اكثر من موقع اجنبي
وطلع صدق انه واحد من الاسباب
الي يوقف الطول و يسبب صعوبه في
كبر حجم الثدي مع الايام .. * معنه احس مايخصه*
رحت للدكتورة مره ثانيه .. قالت الطول مب مشكله
لانه طولج مناسب لوزنج .. اما الثدي
اذا تبين بعطيج حبوب تغير في الهرمونات و تكبر الثدي
في فتره قصيره و عطتني اسمها
قريت عن هالحبوب طلعت حبوب منع الحمل !!!
و تكبر الصدر بحيث تحسين فيه ماي *هاللي فهمته*
خواتي شوروا علي .. صدري مب كبير و مب يالس يكبر
جربت الحلبه ما نفع وياي .. مابا استعمل حبوب من الغش الي شفته
قمت اخاف و اتردد .. اما عن التمارين ف سمعت انه مب دوم تكبر
في ناس تصغرلهم ..
ياريت الي عندها حل ما تبخل علي ..
اللهم عافها واعفوا عنها و اغفرلها و ارحمها و وفقها و يسرلها امرها
برحمتك يا ارحم الراحمين
والسلام عليكم و رحمة الله و بركاته
وما اعتقد يعني ان يوقف حجم الصدر لان دواء ووقفتيه ترى بيظهر مفعوله من جسم عقب ماتوقفين العلاج
يمكن وراثه عندكم الصدر الصغير
ومثل ماقلت لج جربي المساج والتمارين ^^
الشي اللي لازم يطلع من الجسم لازم بيطلع بس نظفووه حبوب حفر رؤوس سوداا موب زين تمنعون هالشي
المهم اللي صار صار هههه بس لازم اطلع حرتي
اختي لا تااخذين حبوب ولا شي بتلعب في هرموناتج موووووووب زييين >_<
ماعليه صبري لين مايخوز من جسمج ودمج هالدواا يباله شهووور او يمكن سنين ولااا تلعبين في هرموناتج لانه ماتعرفين شو بيستوي عقب >_<
خلج ع الطبيعي و بس
دامج بتشربين الحبوب وبتصبرين عليها س ب اشياء طبيعيه ^^ دهني دووم بزيت الزيتون عقب السبوح وقبل النوم كمساج وحركات دائرية وبتشوفين نتيجه حلوه ^^ بس واصلي
والله يحفضنا ويحفض الجميع ^^
اصبري كمن شهر وعقب بتلاحظين ان الامور ان شاءالله ترجع للوضع للطبيعي
بس معلومه للخوات: حبوب منع الحمل ما تستخدم فقط كمانع للحمل
بسبب مكوناتها الهرمونيه (نسب مختلفه طبعا كل نوع غير عن الثاني9
ولكن توصف أيضا كعلاج لتنظيم الدوره و علاج للحبوب في الوجه والظهر وعلاج للتحكم في غزارة الدوره
يعني في النهايه الدكتور هو اللي يقرر العلاج لاي وحده وكم المده وباي نوع من هالحبوب
نصيحه للخوات: اللي بعدها بنت والدكتور يكتب لها هالنوع من العلاجات لازم تخبر امها وخواتها بهالشي عشان ما يحصل سوء فهم لا قدر الله مثل ما شفنا في حالات وايد