السلام عليكم و رحمة الله و بركاته
اشحالكم يا حلوات؟ عساكم بخير ^_^
مادري لو تتذكرون الموضوع اللي كنت حاطتنه قبل
اللي هو Rediscover Your Closet
رديت بلوك يديد و طريقة يديدة ^_^
ان شاء الله يعيبكم الموضوع و اشوف متابعين اكثر عن قبل
و بليز اللي عندها سؤال او استفسار.. يكون ف الموضوع نفسه
و الاشيا اللي انا مب حاطة من وين.. يعني ما اتذكر..
بليز بليز بليز بليز.. مابا اشوف 10 رسايل تسال عن شي انا مب حاطة من وين
لاني لو اتذكر بحط و بعدين وايد اشيا طالبتنهم اون لاين و ما اتذكر المواقع
و صعب ايلس ادور عليهم = ) و حتى الاسعار
فبليز لا تحرجوني.. لاني قبل عانييييت من هالموضوع و صندوق رسايلي ينترس
بحاول قدر الإمكان اكتب اللي اتذكره
الصور كلها من تصويري.. فبليز اللي تنقل الموضوع تذكر المصدر
و مابا وحدة تنسب الموضوع لعمرها لانه موضوع متعوب عليه
التصوير و ال Edit وايد ياخذون وقت
و انا انسانة اشتغل و ادرس
بس رجعت لانه وايد طالبوني برجعة الموضوع ^_^
و حتى حضرت كم من لوك عسب يوم ما اقدر اصور لاي سبب من الاسباب
تكون عندي اشيا جاهزة اسويلها Upload و احطها ^_^
سوري رمست وايد.. هههه..
و صح اللي يعيبها موضوعي.. كفاية تدعيلي دعوة حلوة
و اللي مب عايبنها اقولها الناس اذواق و ترومين ادقين الاكس و تظهرين من الموضوع
شكرا مقدما ^_^
و تذكرت بعد شي.. لازم تتريون لانه وايد صور.. ^_^
كنت طالبة من موقع اون لاين.. وايد حبيت اللون
و فيه Sparkles كشخة
حتى ما استعمل الفرشاة.. بصبعي اوزعه و يظهر حلو
و بالنسبة لجحال Milani .. ماعرف لو عندنا هني.. يمكن ف لايف ستايل
بس الصراحة احسن جحال ف العالم و الوانه قوية و كريمي
ساعات تشترين جحال و تشوفينه ناااااااشف
حتى مجربة مال ماكس فاكتور.. بس Milani وايد احلى و ما يسيح
انا ما خذت وايد الوان.. قلت بجرب
بس صدق صدق حبيته و انا طلبته لانه شفته ع وحدة ف اليو تيوب
بس صدق صدق لونه غاوي
انا لون عيوني بني.. بس مب وايد غامج
يوم احطه احس وايد يبرز لون عيوني
صدق صدق حبيته
و سوري حطيت ال Swatches آخر شي
عقب تذكرتهم ^_^
.. خلصنا من اللوك الاول .. بنبدا باللوك الثاني ^_^
