Murgh Makhni مورغ مخاني | ماسآلا هندية عالأصول

يالله نبلش .. ترى سهله مره وخصوصا لو تبلتي الدجاج من
بدري

المرحله الاولى نتبل صدور
دجاج مقطعه مكعبات كبيره ( صحنين صدور
)..
بـ ملعقه صغيره زنجبيل طازج +
ملعقه ثوم مفروم + بهارات دجاج (شيكن تكا ) + ملعقتين زيت

تتبل ليله او اربع ساعات اقل شي

وقت التجهيز نقلبها في قليل زيت حتى تتحمر من برى وتستوي من الداخل
..
ونطلعها ونركنها على جنب

هذا هو البهار اللي استعمله

في نفس المقلاه ..
نحمر شرايح بصل (حبه كبيره )
وبعدها نضيف لها ملعقه زنجبيل + ملعقه ثوم نقلبهم دقيقه تطلع نكهتهم ونضيف لهم علبه معجون
طماطم وعلبه طماطم معلبه او
اربع حبات طماطم كبيره
مطحونه و نغطي القدر ونتركهم يتسبكون .. ونروح نغسل المواعين ثم نرجع نطلعهم
ونطحنهم حتى تصير الصلصه ناعمه جدا .. اذا كان فيه كتل ممكن تضيفين للخليط قليل ما
وتصفينهم بصفايه ..بس انا ماحس احتاج لهالخطوه الخلاط
ينعمهم بقووه ..

ونرجعهم للقدر
..(احلى شي ان القدر مايتغسل خخخخ )ثم نضيف لهم هذي
البهارات :
ملعقه كبيره توصوا فيها .. لكل من بهار شيكن كاري + بودره الكاري + بهار مشكل
مصالحه + ورق الحلبه وهو
اهم شي بالطعم وريحه تدوخ اللي ماعندها لاتجرب الوصف الين تشتريه هع .. + ملح مو ملعقه مليانه عادي حسب ذوقك
ههههههههه

ثم نضيف :

ملعقه عسل (وممكن رشه سكر) + كريمه طبخ علبه
ونص حجم كبير (500 مل) + ربع اصبع
زبده
الكريمه انتي مكن تقللينها حسب سماكه الصلصله اللي
تحبينها ..

ثم نظيف الكاجو المطحون مقدار كوب نتركه دقيقتين

واخر خطوه نحط عليهم قطع الدجاج ونسكر االنار ..

وتمتعي بوصفه من قلب الهند

هنا سويته قبل مره
ثقلت الصلصله .. ومره كانت خفيفه

اتمنى تعجبكم
وتححبونها وتدمنونها

منقول