وهذا التنبيه سويت له نسخ من غير لا أزيد فيه ولا أنقص والله يشهد علي
السلام عليكم بنات .. والله انا مصدومه صدمة العمر صارلي اسبوع راجعه من ميونخ وبسولف لكم شنو صار.. انا حامل بالسادس قبل لا اسافر بيومين بشرتي بدت تتعب حيل اطلعتلي على اليمين واليسار بخدودي بقعتين حمر نفس هايدي الباباي مادري من شنو رحت بو حمره قالي اغزيما من الحمل وبنفس الوقت انا مغيره بودره الاساس وشاريه بودره ماك ستيديوfixالمهم بالسفر ومع استعمال البودره اليديده البقعتين صاروا جنهم حرق ؟؟؟ رحت دكتوره جلديه بميونخ والله قامت تهزأني وتصارخ علي يوم سالتني شنو نوع المرطب مع الفاونديشن اللي احطه ماااااااااااااتت يوم درت ماك قالتلي ماركه ماك (مليئه بزيوت الشحوم)اصلا هالماركه للآرتست اي الممثلين وللتصوير والكاميرات هالماركة دماااااااار للبشره محتوياتها من اثقل انواع الميك اب لانها تحتوي على شحوم ومن التخلف ان الوحده تستخدم هالماركه للاستعمال اليومي هذا هلاك للبشره ودمار للانسجه والله انها صج انصدمت يوم قلت لها … وبقلبي اقول عيل لو تشوفين باجي البنات عندنا بعز الصيف فاونديشن ويودره وبلاشر ماك والشمس ترقع فينا والرطوبه ؟؟؟؟ والله قالت اذا ما بين عليكم الحين باجر النفر والدمل ياكل ويوهكم انا مت من الخوف والله وقلت لازم ابلغكم لان والله العظيم فعلا اول ما قطعته بشرتي رجعت ما شاء الله احسن من الاول لا اغزيما ولا تأليف من دكاترتنا ولا بطيييييييييخ وديروا بالكم على صحه بشراتكم لان البشره بالذات حتى عمليات التجميل ما تنفع معاها .. وسلامتكم يارب
حتى انا دكتورة الجلدية سعاد لطفي حذرتني من الماك وقالت لي مايصلح لجونا الحار
منقول من إيميلي
بس الموضوع مكرر …
ومشكوره يالغلاااا على هالمعلومه ..
في شي ثاني احب اضيفه عن ماركه ماك .. حطي على ايدج من البودره يعني طبقه جنج اتحطين على ويهج وهاتي خاتم ذهب وفركي الخاتم مكان البودره وجوفو اللون الأسود اللي بيتكون لكم
انا كنت استخدمها وموليه مارتحت لها بس طبعا اذا بروح مناسبه الووووص الفيس ومن جفت هالتجربه قطعتها خير شر
مافي احسن من ان البشره اتكون طبيعيه والله ..
الله يعين
قامت تطلعلي حبوب ومن ودرته خفن عني …..