بسم الله الرحمن الرحيمـ .. تحياتي للبنات والامهات جميعا
بنات أنا عندي معاناه مخنوووقه فيهااا انا وااايد حساسه جدا جدا لدرجه يشوفون تصرفات يهال فيني
وأمي هي معاناتي اللي ما افهم لها كل ما حاولت اترقب منها واظحك بس للأسف ما وصلت لهاا
خواتي طبعن عندهم سياسه وسياستهم انهم يسايسون امي ويخلونها تسويلهم اللي يبونه
اما انا قلبي يعورني على امي ليش استغلها نفس خواتي >>> كل وحده طبعها غير صح
انا احب امي بس صدقوني امي ما احسها تحبني
ماعرف اتعامل ويا امي 
؟؟!!
على كل حال بس التفرقه اللي صايره في البيت ماعرفلها لوني السبب ولا شو المشكله انا في البيت اكثر وحده اجتماعيه واكثر وحده تتحرك فالبيت واكثر وحده اساعد امي في امور البيت مرات اقول انا سندريلا المظلومه
بس وين سندريلا ووين انا
انا الوحيده سمرا فالبيت مع الايام عرفت ان امي ما عايبنها لوني وماعندها مبالاه اني بتزوج بس مرات اسمع منها تقول الرياييل هالزمن يبون بيض يبون بيض يبون بيض البيضه ف عيوني صارت السعيده ولوني مايسوى يعني اقول امـــي سويلي جواز مال الحبش عشان اكون خدامه اذا ما عيبتكم كنسلو فيزتها
سامحونــــي ع الاطاله بس غصبن عني لني أعاني
امممممممممممممممم ما اعرف شو اقول لج
مع احترامي لأمج بس فديت السمر عيل انا البنت الوحيده بالبيت سمرا و عادي
لا تفرقا و لا شيء
الله يهدي أمج
الله كريم و عيشي حياتج و لا تتكدرين و لا شيء ^_^ خلج كوووول
بالعكس السمر أحلى وأقوى هع قوليلها امايا انا تشمست من روسيا وييت
هع
خلج من هالأفكار غناتي
ودبريلج ربيعات سنعات ولا تشغلي تفكيرج ب هالموضوع
وبما إنج حركية وحمااااااااسييشن إذا الغلط مب منج أكيد عندج هوايات والإبداعاااااات ما عرفوها
شاركيهم وياااج طيب دبووه
وأنا بكووووووووووون أول صديقة لج
سلامــــــــــــــوز شواااخ ^_^
بالاول حبي نفسج حتى لو كنتي سمراء او بيضاء
بعدين الناس بيحبووج …واهم شي تكون عندج ثقه بعمرج ووحاولي تهتمي ببشرتك وتكون نظره ومليانه حيويه حتى لو سمره
ومافي ام تكره بنتها بس اكيد افكار والدتج جي
حاولي تغييرين نظرتها ان البيض احلا او البيضه بتتزوج بسرعه
والله يرزقج بالزوج الصالح
انتي يمكن وايد حسااسه وبعدج صغيره وتفهمي بعض الامور بشكل غلط ….لاتخلي الشيطان يوسوسلج على امج
بس احيانا الاهل يكمن يميلوا لبعض الابناء يعني مثلا تلاقيهم يحبوا الكبيره ويستشيروها في كل شئ وتكون مقربه للام اكثر وتلاقيهم يدلعوا الصغير وهالشئ عادي او تلاقي الاب يحب اكثر يسولف مع بنته الذكيه وجيه عادي
بس صدقيني مافي ام او اب يكرهوا عيااالهم …
غاليتي
هدي ولا تحطيــن في خاطرج شي 
هاي حال أمهاتنـا كلنـا تقريبـا ..
امنو منا ما عاشت فاسرة تفرق بين عيالهـا للأسف عن جهل بالدين ..
صح ان القلب محد يدخل فيه بس على الأقل التصرفات لازم تكون نفسهـأ ^_^ !
بس انتي لازم تكبرين عقلج
وتعذرين الوالدة ومستواها الوعيي والثقافي
الجو الي تربو فيه أهالينا مب نفس جونـا
والتعلم الي وصلنـا له ولله الحمد ماكان نفسـه زمـان فلا تاخذين الأمور بحساسيــة ^^ ,,
مهما كان ترى أمج أكيد تحبج
بس للاسف التعبير مب واضـح حقج لإنج تتوقعين تعبير مباشر
والوالدة بتكون متعودة على تعبير من نوع ثاني
بس مافي أم في العالم ما تحب عيالهـا صدقيني
ويا حلاة السمر أختي لا تعقدين نفسـج ,, ترى أنا كنت دبدوبـة البيت والكل يزقرني بمسميــات شتى من سبيل المزاح ..
بس ما اسوي لهم سالفــة 
الله جميــيل يحب الجمــال
وخلقنــأ كلنا جميلات ,, لازم تكونين مقتنعـة بهذا الشي وإلا بتكونين تشككين في كمال خلق الله لنـا
وقدرتــه سبحــانه وتعالى يوم صور الإنســـأن
والي ما يعيب حد يعيب غيره ^^
النــاس اذواق وهذي حكمــة من حكم رب العالمين ^_^
خلج واثقـة من نفسـج ولا تشككين في جمالــج والجمال دايما لا يزكى إلا بجمال داخلي من أخلاق ودين وحسن تعامل
ورب العالمين ما بيخيب عبده الصالح
والله المستعان غاليتي قلبي ودعائي معك