II تجمـ 2 ـع الطامحات للرشاقة والصحة واللياقة والمرونة!).,،.~

أدري مصختها بس السموحة وااااااااايد انشغلت هالكم من يووم ,,

هاا رابط الموضوع الأولي للي تباا تشوفه ,,

https://forum.uaewomen.net/showthread…166&highlight=

أولا حبيت أقولكم ان نحن اهنيه بعد ماا خذنا فترة نقااهه قررنا نرد بقووة وحمااس ,,

اهنيه بنهتم لصحتنا اكثر شي ,,

الرشاقة واللياقة والمرونة مبتغانا وهدفنا ,,

كل وحدة تمشي ع نظامها الخاص ماشي نظام موحد او محدد ,,

…………

واللي تسأل كيف بيكون نظام القروب هالمرة ,,

بقولكم أنا عبتني فكرة طومووحي المرة اللي طافت ,,

ان كل وحدة تحدد لعمرها كم بتنزل هالاسبوع وفي الشهر ,,

لان أصعب تحدي صدق ان نغل عمرنا ,,

وبنتم ع سالفة الشعارات وجي ^^

والي بتحقق هدفها نهاية الشهر بنلقبها لقب معين ألا وهو " المتميزة"

وأنا شخصيا بخط لي جائزة شهريا مثلا شوبيغ لو وصلت لهدفي أو بسوي تاان لان خاطري من فترة طوييلة ,,
…………

وبما أن تونا بس دشينا السنة اليديدة ,,

حبيت أبدا من أول ويديد و أشطب أشيااء سلبية من شخصيتي و أغيرها ,,

وقررت أغير وايد أشياء من نظامي سواء من الداخل أو الخارج ,,

وبعد شويه بعطيكم بالتفصيل الممل عن نظامي اليديد ,,

اهنيه الجدول يشرح كل شي عن حياتي اليومية قصدي روتيني اليومي ,,

أدري مب فاهمين شو الساالفة ,,

بس المهم هاا جدولي الاسبوعي وبمشي عليه حرفيا لان أنا مول مابيكون عندي وقت اني أضيعه ,,

الجدول بشرحه اهنيه عسب اعطيكم فكرة عن الموضوع لو وحدة حابة تسوي مثلي :

بقوم الفير سيدة بشرب لي مااي وبكون مجهزة الدبة بو 500 ملل حذال الشربية قبل ,,

اصلي وأتسبح وأجفف شعري وأخلص أموري وأتعدل وألبس وعقب أتريق وع الساعه 7 بالضبط أطلع ,,

يبالي مننص ساعه لـ 40 دقيقة لين ما أوصل الجامعه فطول هالوقت بحاول احلص الدبة الاولى ,,

أول ما أوصل بحاول احضر للمادة ع الاقل قرااية سررريعه لين الساعه 9 أو 8 ع حسب اليوم ومتمى كلاسي ,,

عقب تبدا كلاساتي من الاحد والثلاث و الخميس الساعه 9 الصبح أما الاثنين و الربعا الساعه 8

أخلص كل يوم الساعه 12 أو 12 وثلث وقبل الساعه 10 أخذ لي سناك 1 فواكه مشكلة مجهزتنه من البيت يايبتنه وياي في الشنطة ,,

الساعه 12 بسير أصلي وأتغدى خفيف من الكانتبين في الجاامعه بختاار أخف شي وماباخذ لا باستا ولا عيش ,,

الساعه 12 ونص لازم اكون ظاهرة وأسير الشغل لان يباله نص سااعه لين ما أوصله ,,

من الساعه 1 لين 5 شغلي والساعه 4 بخذ لي سناك 2 اللي هو لووز أو نسفيتا أو دايجستيف ,,

طبعا طول اليوم بحاول اشرب ع الأقل 3 دبات ماي 500 ملل ,,

بعد ما اخلص من الشغل برد البيت بصلي وبتمرن نص سااعه بس واذا حصلت وقت للسونا بيلت بحطه ,,

عقب بتم أحل اسايمنتاتي وبتعشى 7 ونص وأصلي وبدخل شويه المنتدى بحط تقريري وبرقد الساعه 9 فليل ^^

وصح بعد كل وجبة بشرب لي شاي أخضر أو مغلي البقدونس وي الزنجبيل ,,

……….

أما عن نظامي الغذائي فبحاول قد ما أقدر أبتعد عن النشويات والحلويات وغيره وبكثر من السلطات وشوربات ومشواي يعني الاكلات الصحية ,,

وهاا اكلي بشكل عاام كل يووم :

Breakfast at 6:30 am:
• Corn with egg / Nesvita/ Milk
• 2 toasted bread with cheese
• Cereal with milk/ Nesvita
• Omelet with vegetables and cheese
• Oatmeal with strawberry and milk
• Fresh barriers with yogurt / toasted bread
• Egg with tomato and pepper/ Nesvita/ milk/ salad
• Fruit salad/ Nesvita/ Milk
• B****a shake with milk/ toasted bead
• Chicken soup with lemon/ toasted bread
• Scrambled egg with green chili/ toasted bread
• Poached egg with Vegetable salad/ Nesvita / Milk
• Horlicks with milk/ toasted bread with nutella

Dinner at 7:30 pm:
• Vegetable salads
• Mashawi ( sheesh tawoo8 + chicken tekka ) sandwiches
• Tabbouleh
• Subway sandwiches
• Fruit shake with lacnor
• Fruit salad
• Single fruit with low fat yogurt

2 Snacks:
• Fruit salads
• Digestive
• Almond
• Gam

ومثل ما قلتلكم حبيت أعتني نفسي من الداخل والخارج فسويت لي جدول للعناية اليومية ,,

العناية اليومية (الخارج):

1. استخدام مجموعة اوباجي للبشرة مرتين في اليوم الصبح والمسا ( من طبيبتي حق الندوب ) + سان بلووك

2. الشامبوو البلسم العضوي + اللوشن والبادي واش حق الحساسية + بستخدم لوشن بالمرز بزبدة الكاكاو عقب السبووح حق جسمي كله عسب يمنع التشققات

3. سيروم حق الرموش والحواجب عسب أطولهن وأكثفهن,

4. بيرفيوم حق الشعر لترطيبه وعلاج للشعر من الجفاف و التقصف ,,

5. لوشن دووف واايد أحب ريحته ع ايدي في الهاند بااغ دووم

6. فازلين ع شفايفي طول اليوم وقبل النوم ,,

7. جيليسوليد احطه ع ريلي كل يوم قبل لا أرقد وألبس دلاغ ,,

8. فيتاميناتي اليومية لازم أخذها عسب ما تعب ,,

العناية الشهرية ( الصالون): طبعا كل ويك اند

1. مرتين في الشهر حمام مغربي

2. كل نهاية أسبوع حمام زيت

3. الحف و التشقير مرة أو مرتين في الشهر

4. فوت سباا وي بيديكيوور مرتين في الشهر + مرة في الشهر مانكيور من اتييني الحلوة ,,

5. مرة في الشهر تنظيف ويه في مركز طبي ^^

6. اذا حصلت لي مكان يسوي لي مساج تكسير الدهون بسيرله + وبعد لو أقدر خاطري أجرب الجاكوزي + وأما عن السباحة بشوف اذا قدرت أدور لي مكان اوكي

…………………..

اما التغيير الداخلي اللي أحاول أسويه أحين اني حطيت لي بادجيت أمشي عليه شهريا لاني لاحظت وايد قمت أصرف ,,

واهنيه فكرة عن الموضوع الي حابة تسوي شراتي :

1. حطيت فكرة الاظرف كل ظرف لشي (الصدقة + صالون + مصروف الاسبوع الأول + بترول + سالك + رصيد + سيرفس السيارة + الأكل في الجامعه أو برع)

2. اشتركت في جمعية عسب أيود بيزاتي و أيمع وأنا من أواخر الناس اللي بيستلمون البيزات عسب أستفيد ^^

3. اشتريت لي حصالة بحط فيها المدخرات من المجموع الكلي من مصروفي اللي يبقى منه قصدي,,

4. بخصص مبلغ من مصروفي ويحول تلقائيا لحساب توفير بدون بطاقة عسب ما أسحب منه ,,

5. الشوبينغ بس مرة في الشهر والعبي عندي ليميت بس مرتين في السمستر بفصل >> كل سمستر 4 عبي ..!!!

6. بحاول ارفع الجي بي ايه لانه نزل نزول فظييع هالمرة وبذاكر وبسوي الاسايمنت أول باول ,,

…………

عن الرياضة عندي نظاام يديد فنتك وخطيييييير الصرااحة ,,

في البداية كنت بقول لكم بس عقب قلت بجرب أنا اول عقب اذا شفت نتيجة بخبركم السر ^^

يالله كل وحدة تقول شو نظامها هالشهر وشو تبا تغير من نفسها ,,

اذا تذكرت شي بخبركم عقب