السلام عليكم و رحمة الله وبركاته..
شحالكم خواتي ؟؟
بغيت بطلب و اتمنى اتساعدوني .. .
عمي امسوي قسطره و ما نعين الاكلات اللي في دهون و زيوت وو ها السوالف ..
فبغيت أسألكم شو الأكلات يعني الريوق و الغدا و العشا شو ياكل ؟؟
يعني اكلات ما فيها زيوت و دهون ؟؟
ان شاء الله فهمتوني!!!
ادري ان الموضوع مخبص بس تعبانه و مو مركزه …
اللهم ,,
إني أسألك نعمة دائمة ,,
تفيض بها خيراتك ,,
وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,
وأعوذ بك ,,,
من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك
up up up
مادري اتوقع الاشياء المشويه اوكي حقه ؟
اختي الاكلات المشويه وااايد زينه باستثناء الكباب لأنه يوم ينشوي يطلع منه زيت فما ينفع … يعني سمج مشوي وااايد زين وبعد الأكلات المسلوقه وااايد زينه ومفيده حق الصحه يعني تقدرين تقطعين خضار مثل الجزر والكوسا والقرع وتقطعينه مربعات صغار وتضيفين عليها كزبره وشبت وبقدونس وتضيفين شوية ملح مع بزار عشان النكهه تكون زينه ويقدر يتقبل الأكل طبعا ياكله مع الخبز الأسمر لأنه صحي ومفيد وبتحصلين منتجات قليلة الدسم مثل الروب والحليب واللبن وعندج الفول المجمد الي يشبه الباجله بس حبتها صغيره تغلينها على النار عشر دقايق تقريبا بس طعمها وااايد حلو ….. بس بعد أنصحج باستشارة أخصائيين تغذيه فالمستشفيات الحكوميه بيعطونج ورقه فيها الأكلات الي تقدرين تسوينها فالريوق والغدا والعشاء لانه ادرى بالحاله أكثر ….
والسموحه
والسموحه
الله يعافيه إن شاء الله .. والإخت ما قصرت ..
يبيعون بالجمعيات و الكارفور قسم الاجهزه المطبخية جهاز.يطبخ كل شي على البخار ….انا عجبني كنت ابغي اشتريه
يقدر ياكل كل الي يبيه …بس تطبخينه على هالجهاز
هاي صور
يقدر ياكل كل الي يبيه …بس تطبخينه على هالجهاز
هاي صور
