][Chicken Tikka Masala][

هذا كان غدانا اليوم

و طلع طعمه حلو

و قلت احطلكم إياه أتجربونه

هذي صورته في الموقع الأجنبي

و هذا فيديو الطريقه

How To Make Chicken Tikka Masala Recipe (Food & Drink: Indian Cuisine)

المقادير:

– 3 قطع صدور دجاج
– 4 ملاعق طعام زيت زيتون أو زيت نباتي
– 5 حبات هيل
– عود جرفه
– حبه و نص بصل
– ملعقتين شاي زنجبيل مفروم
– ملعقتين شاي ثوم مفروم
– ملعقة شاي كمون
– ملعقة شاي كزبرة مطحونة
– 1/4 ملعقة شاي كركم
– نص أو ملعقة شاي فلفل أحمر حار (هذي على حسب الرغبة)
– ملعقة طعام بابريكا (فلفل احمر حلو)
– ملعقة شاي غرام مسالا
– طماطه كبيره
– ملعقة شاي معجون طماط
– 150 مل ماء
– ملح حسب الحاجة
– روب (زبادي) أو حليب جوز الهند
– كزبرة لتزين

الطريقة :

– في البداية يتم تقطيع الطماط لمكعبات صغيره و بعده يفرم البصل
– و يتم تقطيع صدور لمكعبات متساوية و ترشون عليها ملح بس
– الحين أنيب مله و نخلط فيها الثوم و الزنجبيل و البهارات إلي هن ( كمون،كزبرة بودرة ،كركم،فلفل احمر حار،بابريكا،غرام مسالا) و يترك جانبا
– في وعاء على النار نصب الزيت و انخليه يحر شوي و بعدين انحط فيه عود الجرفه و حبات الهيل و نحركهن اشوي علشان الزيت ياخذ ريحتهن يعني جي لمدة دقيقه و بعدين أنطلعهن من الزيت و انحط البصل فيه و أنحمره لين ما يأخذ اللون الذهبي
– و أنضيف على البصل البهارات إلي خلطناهن و أنحرك لين ما أتشوفون أن البهارات غطن البصل عدل و أتضيفون عليه الطماط و معجون الطماط و تحركون لمدة دقيقه
– أتضيفون 150 مل ماي و تحركونه اشوي بعدين أتذوقوه و شوفوه إذا يحتاج ملح
– و عقب ما أتضيفون الملح أتذوقوه مره ثانيه و إذا كان ذوقه اوكيه ضيفو عليه قطع الدجاج و خلطوه عدل و خلوه لمده 12- 15 دقيقه مع التحريك المستمر
– و عقب طلعو قطعة دجاج و قصوها نصين علشان تتأكدون إذا استوت و لا بعدها
– و أخر شي أتضيفون الروب و أنا حطيت روب و تخلطونه و تخلونه على النار لمدة 5 دقايق

– و أخر شي التزينونه بالكزبرة
و بالعافية

و هذي صورة إلي أنا سوينه

جربوه و لا تنسوني من دعواتكم