خواتي ابغي اشتري ان شاء الله مكواة بيبليس بس ابغي الاصلية
هذا اسمها من موقعهم Pro 230 Radiance Sleek هذي صورتها من الموقع الرسمي
بنات اللي في كارفور أصلية ؟؟؟وشو صناعتهاا؟؟
ونزيه بعد اللي عنده أصلية؟؟
لانه كل اللي اشوفه في كارفور صناعة صينية !!!!!!!!!!!!!
في الموقع مالهم كاتبين انه الموزع صيدليات بوتس و موقع امازن وموقع اخر نسيت اسمه
وهاي الصورة اللي حاطين في امازون استغربت مو نفس اللي في الموقع الاصلي !!!
وعندهم بعد نفس اللي فوق باسعار مختلفة
ياترى هذا نوع ثاني جديد؟؟
شكلي بتخبل من ورى هالمكواة واخرتها ما بشتري 
بس ما ابغي صيني ما احب صناعتهم الرديئة 
اترياااكم
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
لان اروع انواع المكواه ماركة ghd و هو امريكي
و سعره ب 800 و شوي مع التوصيل لباب بيتكم
طبعا مب انا اللي ابيع لوووول
المشاركة الأصلية كتبت بواسطة اناناسة 
هيه الغالية هالمكواة سمعت عندها في اليوتوب وايد يمدحونها
بس مب غالية حبتين؟ انا بصراحة ايغي في حدود 350 او 400
وترى الببليس بعد معروفة وزينة ربيعتي توها خذتها من كارفور بس كاتبين صناعةprc وايد ربيعتي تمدحها وتقولي خلت شعرها حرير ما شاء الله كانها سرته في الصالون
بس انا بعد خايفة تكون مب اصلية