بان الفجر

حبك سكن بالقلب واحتل @@ بين الـحـنـايـا شيد اركان

صوتك شفى للعوق يا خل @@ افـــرح به لو كنـت زعلان

سـحـرتـنـي وانسيت الكل @@ فـكـري معك غادر لوطان

قلبي عليك مول ما شل @@ على الخيانه اغراك شيطان

ياك بسلوب جميل ومثل @@ من قبل لا تشوفه بالعيان

من بعدها ما رمـت تفل @@ الله بـــلاك وكان لي كان

الحين يا روحي استحمل @@ خلك معاهم افعل احسان

بعد التعب الراحه بتهل @@ وبنعيش عمرنا دون احزان

بنعيد هاك الـوقت لول @@ دام الـغـلا شــروات طوفان

افــرحـنـا يا رب تكمل @@ ويـرحـل عنا احـقـد انسان

دخل وكل همه يحتل @@والـحـيـن وقـت رحيله حان

بان الفجر لو الليل طول @@ يا مرحبا بك عد ما بان

ما شاء الله واااااايد حلو .. بارك الله فيك

هلا بالعزيزه الغاليه جوهره

اشكرك على احساسج وكلامج الجميل

والدنيا فيها فرح وفيها حزن والحمدلله اللي فرج عني الهم والكدر هذا من دعاء الناس الطيبين لي بالسعاده
اشكرهم جميع والله يسعدهم ويبارك فيهم

جوهره لج مني كل حب واحترام وتقدير على جهودج الطيبه وتواصلج مع الجميع
والله يجمعنا على المحبه والكلمة الطيبه

ودمتي بحفظ الله

كلوفر

عيونج الحلوه فديتج والله يسعد قلبج ويدوم تواصلج

حـــــــــــــــــــــــــــــــــــــــلوه حــــــــــــــــــــــــــــــــيل
الله يوفقج