الاحساس

احساس باللهفة والشوق ذابحنـي….للي على بالي ومجهول عنوانـه
أصدق احساسي ويرجع يكذبنـي…متشتتة فكري وعقلي على شانـه
اخاطب الاحساس :أرجوك فهمني….واعطف على حالي وقيس اوزانه
أقدار تاخذني صوبـه وتسحبنـي….والحب مكتوبي وغنيـت ألحانـه
زاد الوله فيني والخوف تاعبنـي….من حالتي مليت وأمسيت ولهانـة
أرسي على برك والموج غالبنـي….والا مـع التيـار أظـل غرقانـة
أعتب على الاحساس عيّا يجاوبني….والحيرة موالي والعيـن سهرانـة
أضحك نهاري بس الليل شاغلني….أسهر مع النجمة للصبح حيرانـة
لاني على حالـي لاهـم يشغلنـي….ولاني مع همي بالعشق سرحانـة
انشدك يااحساس وقّف وخبرنـي….لاعد تخليني في الحـب هيمانـة
العشق متمكـن فينـي وحابسنـي….ماينمحي ولو مر الدهـر وسنونـه
ماهو كلامٍ بـس لأجلـك يراودنـي….ولاهي تعابيـرٍ بالنفـس مرهونـة
النار في جوفي وبالصـدر تحرقنـي….من بعدكم عني النفـس مضنونـة
لانوم لي يهنـى ولاعـاد تسألنـي….عن حالتي دونك أو حالتـك دونـه
بس الجفا أحيـان منـك يخاطبنـي….يقتلني الاحسـاس اللـي ترسلونـه
مـادري تغلـي منـك والاتعاتبنـي….والا سحابة صيف بالجو مشحونـة؟
والاشعور الحب به الغيـر متهنـي….وأنت على الحبلين تتلـون بلونـه؟
والاقسـاوة قلـب منـك تجرّحنـي….حتى بسواليفك ماعـدت مسكونـة؟
مصيبه الاحسـاس لمـا يشككنـي….ويرجع يلخبط لي بأفكـار موزونـة
راح أسألك انت وأرجـوك جاوبنـي….هذرة سوالف أمس اللـي تذكرونـه
الصد لـي فيهـا أمسـى مأرقنـي….هل كنت متعمد صـدك توصلونـه؟
والاتجس النبض ان كنت شاغلني ؟….واحساس في بالك ودك تعرفونه ؟؟؟

نور الجنوب ……………..

احساس باللهفة والشوق ذابحنـي….للي على بالي ومجهول عنوانـه
أصدق احساسي ويرجع يكذبنـي…متشتتة فكري وعقلي على شانـه

مرحبا بج ملاييييين اختي نور الجنوب
نورتي قسم الشعر ..

صح لسانج ياالغاليه .. أبياتج في قمة الروعة .. تنبض بالاحساس والمشاعر الصادقه ..

تسلمين اختي نور ويعطيج ألف عافيه ..
ونتريا الزود منج ..

اختج … نبض الألم …

تسلمين عزيزتي على مرورك الحلو …

هلااااااااااااااااااا غاليتي نورتي صفحتي بمرورك الرائع ..

وعطرتي أبياتي بكلماتك الجميلة ..

مشكوووووووووووووووووووووووووووورة واتمنى ان تنال كتاباتي اعجاب الجميع …