اتسكرت سالفه مهاري وخطبتها… وبعد كم شهر… راحت مهاري عند ميره في الشارجه.. اونه بتبات عندها الويكند وبيتغير جو.. مادرت انه الخافي أعظم…
مهري توها واصله بيت ميره.. وهي ادق الفت.. واقفه تترياه.. والدموع في عينها موب رايمه تمسك عبرتها..عدلت مهاري شيلتها.. ودشت اللفت.. اول ما بطل اللفت عفدت عليها ميروه تلوي عليها.. جان اتصيح مهاري ما رامت اتقول شي.. والطباخ نازل من الفوق العماره.. (( تراهم مسوين مطبخ ويلسه فوق في السطح))
الطباخ: ميرا .. مهرا. انتوا ليش صيح فيه حد موت!!
ميره وهي تضحك والدموع في عينها: يعني لازم حد يموت عشان انصيح انا من زمان ما شفت مهره..
الطباخ: والله انتوا بنيه زياده مجنون.. يزهر 4 قرن مشان ريال..
مهره: اسكت.. بعد يطول لسانه .. اقول خلينا اندش داخل..
((دشت مهاري شقت قوم ميروه..وسلمت على ام ميره.. وعقب لزن البنات المطبخ لان حريم بين ام ميروه.. ويلسن يطبخن كيك وبسكوت.. وكريم كارميل و وايد اشياء..وعقب ما خلصن البنات.. راحت ميره ومهاري الغرفه..لان مهاري تبا اترتب اغراضها في الكبت الي مسويتلها اياه ميره خصيصا حقها.. يوم اتي اتحط اغراضها فيها.. استوت الساعه 8 وتوهن واصلات الحريم اتلبسن واتعدلن البنات.. وصبت مهاري القهوه على الحريم.. وميره قامت اتحط الفواله واتقص الكيك واتوزع البسكوت.. تمن ما شالله الحريم.. لين الساعه 10 .. وعقب ما راحوا الحريم قامت مهاري اتنظف مع ميره.. واتشل الصحون والخدامات يخمن الزوليه.. ويساعدونهم.. دخلت مهاري وميره الغرفه وقفلن الباب وراهن..
في الغرفه..
ميره: بدشين تتسبحين!!
مهره: هيه ….
(( واتشل مهاري ثيابها وادش الحمام تتسبح وميروه سار غرفه امها تتسبح.. عقب ما خلصت ميروه السبوح راحت المطبخ اتسوي نسكفيه حقهن حق السهره وطبعا يابت الابتوب عشان يشغل الاغاني والنت.. يلسن البنات في الغرفه.. مهاري طيحه على الشبريه وو.. تسمع الغنيه . الي حاطتنها ميره.. وميره.. قابضه تيلفونه ترضعه..هههه اترمس حبيب القلب.. استوت الساعه 2.. ومهاري فاجه عيونها ما ياها رقاد ونهيان ما دش المسنجر… وما يرد على اتصالتها.. ولا مسجاتها جان اتقول في خاطرها الحينه شو صار بعد والله اني منحووسه..نحس عوذ بالله منه..
ميره: بلاج اترمسين عمرج..
مهاري: ما ارمس عمري نهيان ما يرد عليه !!
ميره: تبيني اتصله من موبايلي..
مهاري: يعني بيرد عليج!! اندوج هذا رقمه …((0000000))
ميره: صبري…
بعد 5 مكالمات نهيان رد.. على ميره..
ميره: الو ..
نهيان: هلا..
ميره: تيلفون حمد..؟؟
نهيان شو تتمصخرين!! جلبي ويهج انا موب فاضلج!!
(( ويسكر نهيان الموبايل في ويه ميره.. ))
ميره: خيبه مخلص!! الريال..
مهاري: ههههه .. الحينه بتصلبه الهرم
(( ويرن تيلفون نهيان… ومن اول 3 رنات رد على مهاري..))
مهره: وين انته؟.؟
نهيان : والله راقد وعتني من رقاد وحده مغلطه.. غربلات عدوها اوف ..
مهره: اووكيك تصبح على خير…
نهيان: لا خلاص طار الرقاد!!!
مهره: انا فيه ارقاد… بموت ما اروم اسهر..
نهيان: اووكيك خلاص انا ما ببند برقد معاج على الخط..
مهره: بعد شو هذا الخنث…. ترانا بنرقد…
نهيان: حبيبي اسكتي وغمضي عيونج..
مهره: والله انته عقب سكر انا مش متفيجه حق تيلفون عقب اوعى وابند.
نهيان: حبيبي.. اقدر اشوفج باجر..
مهره: هههه وين ..
نهيان: قولي حق ميره انكن بتسيرن صحاري ودشن الموفي اريد ارمسج اريد اشوفج اريد افتح قلبي حقج!!!
مهره وما يستوي الي في طالعه.. مادري بشووف!!
نهيان : اوكيك يستوي خير لين باجر غمضي عينج وارقدي!!
(( ورقدت مهاري على الخط وهي موب حاسه بعمرها.. وطبعا ميره تمت هذربان يمكن لين الفجر.. اول ما وعت مهاري من الرقاد جان اتشوف انه السماعه بعدها في اذنها… ههه وتمت اتقول في خاطرها عنبوه ثره انا رقادي رقاد الاموات.. م اتحرك ما انجلب عفان الله.. الي يرقد عدالي بيتحسبني ميته..هههههه))
(( وعت مهاري ميروه على الساعه 1 الظهر.. وقالتلها انها تبا اتسير صحاري عشان تشوف.. نهيان في السينما.. طبعا اول شي خافت مهاري انه ام ميره اتقول ما تسيرن بس الحمد الله وافقت عقب زور… واعدت ميره اربيعاتها في المول عشان يشوفون الفلم وعشان يتعرفون على بنت عمها الي دايمن ترمس عنها بس ما جد شافوها….((
اول ما وصلن المول…
ميره: اوف ما يردن عليه….
مهاري: اقولج اصبري انا اريد اسير دماس.. اريد اخذ قلب بحطه في سياره نهيان..
ميره: اوكيك سيري ..ليش انتي بتركبين معاه..
مهره: هيه… متوله عليه.. واايد .. وانا اعرف نهيان وتفكريه يعني ادريبه ما بيسوي شي..
ميره: انزين ثيابج موب لين هناكي.. صبري بناخذلج بدله سيكسيه!!
مهاري: يعني انا شو بتفصخ.. تراني بتم بعباتي..
ميره: حتى لو ما تدرين انتي يمكن يقولج بشوف لبسج .. وانتي لابسه جلابيه بيت خفيفه..
مهاري: اصلن حتوى لو قالي… هوه يحب الجلابيات ما يحب البناطلين..
ميره: اوكيك بناخذلج تنوره راقيه وبدي..
مهره: برايه انا مقتنعه بشكلي وبعدين.. بيتم يقولي ليش كاشخه تحت عباه مسكره.. ما فيه عليه..
ميره: على راحتج…
(( دخلت مهاري محل داماس وخذت من عندهم سلسلخ وقلب صغيروني على شكل دبدوب.. وسارت باريس غاليري.. وخذت عطر.. مع لوشن ماله حق نهيان الرجالي وحقها نسائي… طبعا قبل لا يوصلن.. اربيعات ميره.. مهاري راحت عن ميره
دبنهامز عشان تظهر من هذاكي الباب وبل مره تاخذلها لابس داخليه تاخذ حق نهيان اطقم فود.. وشموع لان هو يحب الشموع.. ويوم خلصت مهاري وكانوا يالسين يلفون الهديه… اتصل نهين وقال حق مهاري انه هو برع يترياها..
ظهرت مهاري وطبعا شاله يميع الاكياس والاكياس كبر وثقال.. فا نزل نهيان وساعادها.. وتم متحرطم منها لانه يايبه اشياء واايد..نهيان وهو يتحرطم..ومهاري اترد عليه…
نهيان: جان يتي صحاري كله بعد..
مهره: انزين جب… هاذي الاغراض موب حقك انا بعد ما خذتلي سامان..
نهيان: انزين .. شو خذتيلي انا…
مهره: ما بقولك.. انته فج السامان وطالع.. تعرف انه يعيبني يوم اخذلك شي..انته اتبطله وطالع صح…
نهيان: فديت حبيبي انا .. يعني ما خلا من هذا الويه…
مهاري وهي قافطه: حبيبي ..
نهيان عيون حيبي .. عمري غناتي انتي امري بس وطلبي..
مهره: حبيبي وين بنسير..؟؟
نهيان: شو رايج انسير البحر.. وبنطلب عشى ونتعشى.. وبنسولف وبقولج اني احبج واموت فيج؟؟ شو رايج يا م سعيد..
مهره: الشور شورك يا بو سعيد..
(( طبعا سار نهيان صوب مطعم وطلب اكل وطلبت مهاري الي تباه.. وهم يالين في السياره يتريون الاكل.. عفد نهيان في الكراسي الي ورا.. يبطل الهداياه..))
نهيان: حبيبي .. ام سعيد.. فجي السده الي جدامج بتلقين كيس هاتيه..
مهره: (( وهي تفج السده الي جدامه.. واطلع كيس .. مال مجوهرات المسعود.. وعطت الكيس نهيان..))
نهيان: حبيبي .. هذي الهديه كنت ماخذنها قبل لا اخطبج.. يوم انتي كنتي مسافره لبنان… بس ما صدف اني شفتج عشان اعطيج الهديه.. واسمحيلي … على الهديه البسيطه يا ام سعيد.. قدرج اهنيه عالي.. وهو ياشر على قلبه..
((مهره ودموع في عينها ونهيان يمد يده يعطيها الكيس.. ومهاري بس حاطه عينها في عينه.. عفد نهيان وحضن مهاري واستسمح منها على اي حركه خايسه هو سوالها ولا زعلها ابكلمه… وتم نهيان يصيح .. ومهاري اتزيده.. وخبرته انها هيه وايد مفتضحه فيه هله.. يوم ردوهم.. وو ان شالله بتلقى الحل مع ولد عمها.. وانها بتحاول تعرف منو الي خبره..طبعا عقب ما خلصت المناحه الي استوت في السياره.. فجت مهاري الهديه الي يايبنها نهيان.. وهي عباره عن قلب.. على شكل ورده روز.. كلها ألماس بالاحمر مع شغاباتها.. الشغابات روزه.. بعد بالالماس.. واايد عيب مهاري.. واتقفطت لانها هيه بس يايبه اشياء سخيفه..
((ويدق الدريشه راعي المطعم بيعطيهم الاكل.. ))
نهيان: حبيبي السده الي جدمج فيه بوكي حاسبي عن الاكل..
مهره: وهي اتفج السده واظهر بوك نهيان.. واترمس راعي المطعم.. كم حسابك..
…….: ميه وخمس درهم..
مهره: وهي تاخذ الاكياس .. ابو سعيد ما عندك خرده خمسيات والف… خني انا بدفع..
((وظهر مهره بوكها وتدفع عن الاكل ونهيان تم متحرطم لانه هو الي لازم يدفع عن الاكل موب مهاري…))
مهره: انزين شو الي بينك وبيني…
نهيان: وهو يظهر الفيزا من البوك… حبيبي خذي هاي البطاقه خليها حقج.. اذا انتي محتاجه شي.. ولا شي قاصرنج وتحتاجين بيزات.. ترا فيها من خيرات الله..
مهره: حبيبي بلاك جيه بس لاني دفعت اميه.. وبعدين انا موب قاصريني شي..
نهيان: انزين بس خليها في بوكج انا برتاح يوم بشوفها في بوكج..
مهره: اووكيك بس لا تتحسب اني بستخدمها يعني بس زينه.. وهي تضحك…
نهيان: ماعليه الحينه جيه اتقولين يوم باخذج بتخليني على الحديده يا الله يا نتن البنات.. تاخذن كل شي الي تبنه والي ما تبينه..
((وصلوا البحر.. ونزل نهيان.. وشل الاكل ومهاري وراه .. تمشي حط نهيان الاكل على السيف.. ورجع السياره ومهره اتقول في خاطرها.. ههههه جان ما يروح ويخليني اهنيه روحي.. وهي تزقر عليه من بعيد..))
مهره: وين ساير؟؟
نهيان: بسير ايب شي من السياره وراد انتي رتبي الاكل…
(( مهاري اتقول في خاطرها شو بيب لايكون مسدس وبيغتصبني.. وبيذبحني اهنيه.. وعقب بيتعشى وبيرد بوظبي.. ههههه وهي تضحك على الافكار السخيفه الي في بالها.. يوم وصل انهيان.. وهو حليله شال الشموع الي يابتهن مهاري.. والولاعه. واول ما شافت الشموع تمت تضحك… سالها نهيان ليش تضحكين.. قالتله الافكار الي في بالها. وتم يضحك ويقولها انتي مينونه مادري كيف اتي هاي الافكار في بالج.. ولع نهيان الرومانسي الشموع سوى دور ما داير عليهم.. شموع .. ومهاري مستانسه الا طايره من الوناسه.. وحطت مهاري الاكل جدامها وجدام نهيان وتموا ياكلون وهمه يسولفون ويضحكون عن اول ايام التقوا فيها.. والاشياء الي صارتلهم والاشياء السخيفه الي يضاربون عشانها.. ويوم همه يبوزون..))
نهيان وعقب ما مزر الكرشه .. ويالس يلقط باقي الاكل يحطه في الكيس… ومهاري اتساعده.. يلس انهيان على . السيف .. وظهر الزقاره ويلس يدوخ .. ومهاري حاطه راسها في حضنه..
نهيان وهو يبوس راس مهره : حبيبي والله مالي غيرج في هاي الدنيا .. ولو اموت ما اريد اخذ وحده غيرج!!
مهره: وانا بعد حبيبي.. احبك ومحد بيملي عيني غيرك…
نهيان: ارد اخطبج مره ثانيه .. يمكن عمي يوافق!!
مهره: لا لا… حبيبي اصبر.. اريد اعرف شو الي في راس خالد وشو الي يفكر فيه. انا ما اريد ابويه يعرف اني انا احبك.. اخاف العنز ادق في راسه وما يوافق..
نهيان: شو بتسوين !! اريد اعرف اريد اكون في الصوره..
مهره وهي اتشل راسها من صدر انهيان..شوف حبيبي.. الي مخبر خالد حد متعني يعني هو الي طاق ومتصل حد منقهر انه انا وانته انحب بعض وبناخذ بعض..
نهيان وهو يظهر الصلب الثاني من الماربورو: انتي في منو اتشكين..
مهره وهي تتحرطم على نهيان بسك دواخه: انا بعدني ما حطيت حد في بالي..بس محد يعرف عن علاقتنا غيري انا وميره وشما..
نهيان: احيد قبل يوم ارمس شما كانت اتقولي اي ثنينه يحبون بعض احب افرقهم.. يمكن هيه وكانت تحاول اتفرق بيني وبينج وقالتلي انج انتي اتحبين ولد عمج.. الي في بوظبي راشد.. ومن انتي صغيره تعشقينه ولن يومج…
مهره: هيه قبل لا عرفك كنت اميل حق ولد عمي.. يعني احب اسلوبه كشخته رمسته.. بس ما كنت احبه هو… بس هذا الي كان يجذبني.. ولو انا كنت حاطه راشد في بالي ما بعطيك ويه من الاساس..
نهيان وهو يحط راسه على ريل مهره … ومهره تلعب بشعره..
مهره: انا حطيت شما في بالي وبحاول ادور اي خيط .. علشان امسكها..
نهيان: وشو دراج يمكن مروه حاقده عليج بعد وهي الي مسويه هذا الشي..
مهره: لا لا ميره ..الي فيها مكفيها… ما تيب المشاكل حق عمرها.. وبعدين شما دومها جيه عقربه.. تلدغ من بعيد.. وما تخليك اتشك فيها..
(( على الساعه 10 ردت مهاري المول .. وخلت درول قوم ميوه اي ويشلهن طبعا عقب ما سلمت على اربيعات ميوه.. ويلست معاهن في ستار بوكس.. ام ميره كانت وايد معصبه لانهن اتأخرن.. فا استسمحت منها مهاري لانه هيه كانت السبب في تاخرهن.. واول ما وصلن البنات البيت .. تمت اتسولف مهاري مع ميروه واتقوللها شو صار… وطبعا ميره كانت تعرف سالفه الخطبه.. وولد عمها..
ميره: اصلن هذا خالد جلب.. ليش جيه يسوي ؟؟
مهاري: مادريبه الحيوان بس صدقيني ..فيه حد موقض الدبر؟؟
ميره: شو قصدج ؟؟
مهاري: انا حسيت من كلام نهيان اليوم انه يريد يوصلي معلومه. بس ما رام يقولي اياها بشكل صريح..
ميره: انزين منو ضنج ؟؟ يعني .. شموه؟؟
مهاري: ترا قبل ما حاولت فيج انتي وو الحب مالج!!
ميره: هيه..صح .. هاذي اصلن حقوده..
مهره: والله لو كانت هيه … لسويلها شي عمرها ما شافته..
ميره: ولو ما ظهرت هيه..
مهره: هيه وانا متاكده لان منو يعرف عن نهيان غيرج وغيرها..وبعدين فطوم من زمان ما تدري عنا يعني في حالها.. هيه واربيعاتها .. وتخلت تراها عن الشله محد بقى غيرنا نحنا الثلاث..
ميره: والله كلن عنده مشاكل ويباها اتخلص.. الا هيه اتسوي المشاكل حق عمرها..
مهره: اصلن انا ما الومها فيها خلل ..موب صاحيه..
((طاحت ميره ومهاري على الشبريه وعرفت ميره سالفه نهيان والخطبه ويالسخيف خالد….الي وقف في ويها .. وعرفت مهاري مشاكل ميره وانه بعد حبيب القلب يا
خطبها مره ثانيه… ههههههه.. وابوها سكر الباب في ويه.. وسمعت مره يوم كانت بدش غرفت امها انه في حد خاطبنها… وان شالله بيتقدمون اقريب.. وما تعرف شو اتسوي.. فكرت ميره.. وهي اتقول حق مهاري.. ههه شكلي بشرد.. وبسوي فلم هندي.. مهاري تضحك عليها ..
مهره: ليش ما تصلين استخاره؟؟
ميره: انتي صليتيها..
مهره: المره الاوليه.. ما صليت بس الحينه اذا رد خطبني نهيان بصلي انش الله..والله بيجدم الي فيه الخير..
ميره:انا فقدت الامل في الحب مالي والله قلبي يعورني كل ما يخطبني يردونه خلاص اذا يا خطبني هذا بصلي الاستخاره وبتوكل على الله…
((ميره شغلت الابتوب وتمت تسمع اغاني.. ومهاري اتصلت حق نهيان اترمسه.. اتشوفه اذا وصل ولا لا.. طبعا مهاري تمت حايره واتفكر في خالد ونهيان وفي المستقبل وفي كل شي..))