شحالكن؟؟؟ شخباركن؟؟
عساكن بخير وعافيه..
المهم انا حبيت انزل موضوع يخص بنات الجامعه والكليه..
يعني ندردش.. كل وحده شو زهبت حق الجامعه.. وشو استعداداتها النفسيه..
لاني بصراحه كل المواضيع اشوفها تخص بنات المدارس……………
انا بقولكم عني..
انا فصلت عباه و3 شيل.. وباقي افصل عباه ثانيه وشيله ثانيه..
واشتريت شنطه حق اللاب توب والكتب… واشتريت نعله… وشوية ثياب….
عاد تدرون…. مفصله بسرعه.. لان محد بيطيع يفصل لي بعدين… بيقولون عندنا زحمه ما نقدر نفصل…
وبالنسبه لاستعداداتي النفسيه……. مب لين هناك….. بس تولهت على ربيعاتي..
وانتو؟؟
الصراحه موضوعج وااايد حلو لبنات الكليه والجامعه بس ماشوف اي مشاركات من البنات !!!
المهم انا برمس عن نفسي احم احم انا لين الحين ماخلصت مشترياتي للكليه بس خذتلي
نعول وفصلتلي عباة وحده واشتريت شيل وباقي بعد افصل عباه ثانيه يمكن باجر اروح انشالله…
وعندي شنطه للاب بس بعد باخذلي شنطتين ,, تدرين شنطه وحده ماتكفي خخخخخخ
وباقيلي ثياب واكسسوارات وووووووووووبسسسس…
نتريا مشاركتكم..
اممم مب مستعدة ذاك الزود ابا ارررررررررررررررررررررررقد بعدني ماشبعت خخخ
بس بصراحه مشتاقه لربيعاتي..
وعلييييكم السلاااااااااام ….
فديتج والله يا صادقة الاحساس … سويتنا سالفة نحن بنات الكلية والجامعة …..
تصدقون ما سويت ولااا شي … اشتريت بس كم بجااااااامة …>>>نسيت اخبركم انا من بنااااااااات جامعة الاماارات …بس ان شاء الله بروح هالاسبوع وبفصل عبي مسكرة وثانية مفتوحة …..
وبسييييييير الف ع مولات بوظبي ….. وبعد اسبوع بسير امارات مووووووول…. وان شاء الله احصل شي زين ….
اما الحالة النفسية فخليهااااااا ع اللله … ابد مب مستعدة …. ابي انااااااااام واسهر ع كيفي ..خخخخ
بس اكيد مشتاااااقة لحشرة السكن ….. والونااسة .. طبعا الكلية ابد ..>>>>غصب عني بتدرسين
والله يوفقنا كلنا ان شاااااااااء الله
أمممممم اانا من بنات الكليه
ماتشريت شي لحد ألحين أنا زعلانه بس أنا أحب أكون أخر الناس تتشرى خخخخخخخ مادري ليش؟؟
يوم بتشرى بخبركم بس ألي بتروح أتخبرني وين أحلى الثياب؟؟ صح نسيت فصلت عباتين مسكره..
نفستي وااااااايد مستانسه أحب ربعي ومتوله عليهم…
وبسسسسسسسسسس وربي يوفقج ياحلوووووووووين..
بس يا ريت كل وحده تدخل تقول هيه من اي جامعه او كليه…!!
أنا من تقنية الشارجه 
استعداداتي الماديه..
للحين فصلت لي عباتين مسكرات.. >> ماحب المفتوحات… وايد اتلعوز..
و جنط… ونعول.. >>> بعدني ماخذت…
أما بالنسبه لجنطة اللابتوب ماعرف كيف آخذها..
>> ياريت اللي خذت تحط لنا الصوره..
استعداداتي النفسيه..
مممم
عاااادي بس بعد أبا أكمل رقادي..
وانتووووو……….؟؟؟؟