.
السلام عليكن و رحمة الله و بركاته
شحالكن خواتي ربكن الا بخير و عافيه ^^
يزاكن الرحمن ألف خييـييير و لـآ هآن مقداركن ،
أنا سجّلت فـ معهد بوظبي للتعليم و التدريب المهني
على أمل انه يتم قبولي خلاف امتحان تحديد المستوى
بإذن الباري ،
كنّـــــــــــــه . . !!!
أنا ماحيييد عنه و لا طشه >< و اللي قريته فالكتيبات
و اللي جفته فالويب سايت مالهم ما فادني ذاج الزووود
فـ اللي بغيت أحيييده . . ><
اللي بغيته منكن الغوالي ، أي وحده تدرس فيه و لا انّه
تحيد حد م البنيات تدس فيه ، تساعدني ربي لا هان مقداركن
بغيت أعرررف
1- هل فعلا المعهد دراسته أووكي و وقويه ؟؟
يعني خلاف ان خذنا هالدبلوم بتكون تخصصاته مطلوبه جدا
و لا بنرقب وايد لين نلاجي شغل . . !!
2- الدراسه يبالها كراااف و لا مريحه يعني ما تتعب وايد
و تهلج ( أنا يايه م المعهد البترولي و متعوده عالهلااج و الكراااف ><
ف أبا أحييد شو النظام هنيييه ف هالمعهد ؟؟ )
3- هل بالفعل ممكن أخلّص خلال سنتين و نص ؟؟
4- شو نظام الكلاسات يعني جيف البريكات بينهن ؟؟
اللي عرفته انه الصباحي من 9 لين 2
يعني جم بريك بينهن ؟؟
5- شي صيفي و لا مـاشي ؟؟؟
6- شو أحسن التخصصات فالمعهد و اللي مرغوبه أكثر شي ،
يقولون فيه تخصصات مب موجوده وايد فالأماكن الثانيه ف شو هالتخصصات ؟؟
7- اممممم اللي تدرس فيه . . سمعتي اذا فيه قرار او شي جذه
لإدراج برامج الدبلوم العالي و البكالوريوس ؟؟؟
و السمووووووحه خواتي كنّه والله بغيت أعررف
لنّي ان الرحمن راد بحدر المعهد و أنا ما عندي خبر عن شي
ف خاطريه أعرررف ><
اللي تروم تساعدني لا تقصر يزاها ربي ألف خيرررر . . =)
و اللي بغت اضيف حاايه امررره ما عليها الا تجكجك عالكيبووورد عل مثواكن الفردوووس
خويتكن
. . . الع ـــــآشْ
.
.
انا ادرس ادارة مشاريع بالمعهد
المشاركة الأصلية كتبت بواسطة عويش الجابري 
.
1- هل فعلا المعهد دراسته أووكي و وقويه ؟؟
يعني خلاف ان خذنا هالدبلوم بتكون تخصصاته مطلوبه جدا
و لا بنرقب وايد لين نلاجي شغل . . !!
.
الدراسه اوكى فى تخصصات يديده فعليها طلب على قولتهم
المشاركة الأصلية كتبت بواسطة عويش الجابري 2- الدراسه يبالها كراااف و لا مريحه يعني ما تتعب وايد
و تهلج ( أنا يايه م المعهد البترولي و متعوده عالهلااج و الكراااف ><
ف أبا أحييد شو النظام هنيييه ف هالمعهد ؟؟ )
.
دامج من المعهد البترولى يعنى بيكون سهل بالنسبه لج
والكراف مو بكل التخصصات
اكثر تخصص فيه كراف "ادراه المشاريع"
المشاركة الأصلية كتبت بواسطة عويش الجابري 3- هل بالفعل ممكن أخلّص خلال سنتين و نص ؟؟
.
هيه اذا خذتى الدوام صباحى
المشاركة الأصلية كتبت بواسطة عويش الجابري 4- شو نظام الكلاسات يعني جيف البريكات بينهن ؟؟
اللي عرفته انه الصباحي من 9 لين 2
يعني جم بريك بينهن ؟؟
.
من 9- 11 بعدين بريك
من 11:45 -1:45 بيكون بينهم بريك للصلاه ربع ساعه
المشاركة الأصلية كتبت بواسطة عويش الجابري 5- شي صيفي و لا مـاشي ؟؟؟
.
حاليا ماشى
المشاركة الأصلية كتبت بواسطة عويش الجابري 6- شو أحسن التخصصات فالمعهد و اللي مرغوبه أكثر شي ،
يقولون فيه تخصصات مب موجوده وايد فالأماكن الثانيه ف شو هالتخصصات ؟؟
.
اللى اعرفه:
اداره المشاريع
السياحه والسفر
ادراه الفنادق
المكتبات
المشاركة الأصلية كتبت بواسطة عويش الجابري 7- اممممم اللي تدرس فيه . . سمعتي اذا فيه قرار او شي جذه
لإدراج برامج الدبلوم العالي و البكالوريوس ؟؟؟
.
سألناهم قالوا" المعهد تعليمى ومهنى "
و بيتواصلون مع الكليات والجامعات للى حابين يكملون دراستهم بعد التخرج
والسموحه منج
اى شى بخاطرج حاضرين
يعني خلاف ان خذنا هالدبلوم بتكون تخصصاته مطلوبه جدا
و لا بنرقب وايد لين نلاجي شغل . . !!
اختي اذا جامعه الامارات وهي من زمان في الدوله ولها مكانتها الكبيره
وشهادتها القويه وخبرتها ثم في المرحله الثانيه كليات التقنيه العليا
طلابهم مايلاجون شغل فـ مابالج بالمعهد اللي توه مفتووح
شوفي انا ما با احبطج واخوفج
بس اباج تعرفين اذا كان مكتوب لج بتشتغلين
سواء كان عندج دبلوم او بالكلوريوس
الوظائف حظوظ
حطي اهتمامج في الدرجات والعلامات المرتفعه
والله يوفقج
فديتج ما قصرتي عل مثواج الفردووس بإذن البااري ،
جاوبتيني ع أشيا وااايده ما كنت أحييد منو بيخبرني عنهآ . . ^^"
بس والله لو يحطّوون صيفي بيكوون الوضع ترتووووب
لنّه دبلووم و نبا نخلّص بأسرع وقت .
يعطيييج ألف عافيه ختيه . . =)
.
.
أم مغآوي
امررره ماعلى رمستج زووود يا ختيه و تراه أحيده كل شي
بيد رب العالمين و نصيب و مقدّر
كنّه بس اللي فخاطريه أحيد اذا هالتخصصات مطلوبه
و لّـا عادي يعني مالهآ أهميه زووود عن غيرها
تسلميييييين ختيه عل مثواج الفردوس بإذن الباري
ربــــــــي يحفظكن . . ^^
وحده من الاهل هناك,, ودراستهم سهله بس كله ريبورتات ع حسب التخصص
احين عندهم تخصص موارد بشريه,, بس احسهم بعدهم ماشي نظام يعني متى يبدون متى يخلصون
شي طبيعي لانه معهد يديد
الله يوفقج
الله يستر . . !!
ماحبّ الريبورتات خيييير شرّ
>< ، نكد أسمّيهن
عالعموووم مشكووووره ختيه { تعب حالي }
يزاج الرحمن ألف خير حبوووووبه ،
و لا هنتي عالمعلومه =)