متزوجه وتدرسين في جامعة زايد أو كلية التقنيه .ادخلي ساعديني

اعرف وايد معرسات وماشاء الله ويدرسون عنا .. وماشاء الله تشوفينهم اشطر عن البنات ..!

الدراسه مابقولج سهله .. بس محتاجه دراسه وتركيز ..

والوقت على حسب الجدول بس الدوام طويل نوعاً ما مقارنه بكليه التقنيه ..

لو مكانج بفضل ادخل كليه التقنيه لأن الوقت ثابت ..

المشاركة الأصلية كتبت بواسطة AD Classic

في البدايه الغاليه انا بنيه مب معرسه بس ادرس في جامعه زايد

اعرف وايد معرسات وماشاء الله ويدرسون عنا .. وماشاء الله تشوفينهم اشطر عن البنات ..!

الدراسه مابقولج سهله .. بس محتاجه دراسه وتركيز ..

والوقت على حسب الجدول بس الدوام طويل نوعاً ما مقارنه بكليه التقنيه ..

لو مكانج بفضل ادخل كليه التقنيه لأن الوقت ثابت ..

هلا والله الغاليه…حياج ولو كنتي بنت…بفكر في كلامج الغاليه وبتريا ردود البنات ويزاج الله خير على الرد

المشاركة الأصلية كتبت بواسطة FFF

انصحج بالكليه لان سنواتها اقل

ليش الغاليه حتى الجامعه نفس الشي الا اذا كان فيه لفلات للانجليزي هذا اللي يفرق على حسب معلوماتي…وحياج الله في موضوعي

وهاي 2 سنه لي … اذا تبين شهااده اوكي ؟ ومستعده تتعبين شويه عسب ترتاحين بالاخير وتشوفين ثمرات تعبج وجهدج انصحج بجامعه زاايد ,, لانه مستقبلها وايد اوكي ..
شوفي صح الدراسه شوي شوي صعبه بس والله تنفعنا نحن اولا واخيرا ,, اتعرفين انا دشيت الجامعه وواجحهت صعوبات شويه لكن الحينه الحمدلله طوفت اللفلات واحس اني وايد تعلمت .. اتعرفين ربعي في الكلية احس اللي ياخذونهم وااااايد تافه بالنسبه لي انا ! من ناحيه البروجكتات والاسايمنات والرايتنج احس اني انا احسن .. صح اني تعبت وفالبدايه غلطت وايد لكن تعلمت بالاخير ..

فالزبده من رمستي اختيه .. انتي توكلي على الله واستخيري وشوفي المكان اللي تحبينه … وبالنسبه للجداول اذا كنتي اول سنه في جامعه زايد ونظام لفلات .. بيكون دوام كالتالي 3 ايام من الاسبوع تبدين 8 تخلصين 2 وشي بريك من 10 لين 12 ,,, ويومين من الاسبوع تبدين 10 تخلصين 4 وبريك من 12 لين 2 .., وعقب بيتغير الجدول في جنرال وبيكون ع حسب اختيارج انتي ..

والسموحه عالقصووور غناتي واي سؤال فالج طيب