كيف الحال انشاءالله الكل يكون بخير
بصراحة انا سجلت ولدي تسجيل متأخر بس للأسف ماحصلت مدرسة غير مدرسة الأرقم و بصراحة انا ما مرتاحة مع اني دخلت الصفوف و اتطالعت كل شي و سألت تقريبا عن كل شي بس مب مرتاحة
طبعا كلمت الوكيلة و بصراحة ترمس مثل (شامبيه اللي بشعبية الكرتون ) و ريليي كلم المدير و نفس الشي ، بصراحة اخاف المعلمين جذا بعد ! ليش جي ، بصراحة كنت ابا مدرسة المواكب بس اذا كل المدارس اذارتها جي خلاص بدخل ولدي حكومي،
وبعدين متى بيوزعون الملابس عالطلبه ؟
في حد مدخل عيالة كي جي 1 هالسنة الياية انشاءالله؟
بصراحة يا امهات شو تحسون بها
أنا محتاره مع اني كنت متشجعة ان هالمدرسة اتعلم القرآن الكريم بس اللي فيها ما يتقنون اللهجه المحليه
دخلت هالمدرسه كلش ما ارتحت لها
والمواكب فل
بس اذا ميزانيتج زينه انصحج بمردف الخاصه وااااايد حلوه بس انا عندي طفلين ف عسب جي لازم اشوي اركز ع الميزانيه
وعندج دبي الحديثه بس هالمدرسه ما طاعوا ياخذون ولدي لانه صغير
وبصراحه انا يايه من اماره ثانيه ومنتقلين ف عسب جي بعدني برد ادور غيرها
واذا حصلتي شي فيديني الله يخليج بس ع الخاص لان الموضوع شكله بيضيع
وموفقه يا رب
اب
اختي انا وايد دورت في مدارس دبي حق ولدي
والحمد لله توفقت في مدرسة ممتازة
هي دار المعرفة الخاصة
في مردف
مدرسة جديدة من ثلاث سنين
وعد طلابها اقل عن 200
يعني متفيقين حق الطلاب عدل
سيري شوفي المدرسة يمكن تعجبج
تحياتي