التسجيل للسنة الدراسيه والسن المطلوب للتسجيل

هناك سن معين وهو ان لازم يكون الطفل من مواليد شهر اربعة سنة2019 للصف الأول الأبتدائي
وبنتي من مواليد شهر خمسة والمشكله انهم ما رضوا يسجلونها لانها قاصره شهر من المطلوب ..والحين شو أسوي وياهم والله حرام ان سنه كامله تضيع على بنتي والسبة شهر بس …ويبت لهم ان بنتي تدرس بكيجي ون بخاصة والحين حبيت اخليها بمدارس الحكومة..

والله مقهووورة :1 (27): :1 (49): وحليلها بنتي مستانسه على انها بتروح صف الأول

لا تضيعين عليها السنه يا اختي حرام والله
خليها تكمل بالخاص و انشاءالله خير يارب.

الله يوفق بنتج وان شاء الله تشوفينها من الشطار

فعلا اختي
خليها تكمل في الخاصه او شوفي مدارس النموذجيه .. يمكن يوافقوا
لكن اختى مايصير ابدا ان طفلة تنتقل من kg1 مبارشة الى صف الاول
لانهم في الخاصه في kg2 ياخذوا كل الاحرف و الارقام و يتعلموا كتابة الكلمات و الجمل

فحرام والله تظلمي الطفله لو ماكانت دخلت روضه ثانيه .. لاتنسين ان صف اول مش هين و هو صف تاسيسي

زين من فترة يانا ولي امر يبغي يسجل ولده في الروضة ،، تخيلي المنطقة رفضت تسجله عسب انه ناقص بس يوم واحد مب شهر ،،، في البداية خذنا اوراقه وطرشناها المنطقة التعليمية عسب يطرشون لنا استثناء لقبوله في الروضة ،، هم في البداية وافقوا عادي ،، بعدين يانا تعميم نرفض اي طفل ناقص يوم واحد ،، وحاول ولي الامر وتم يراكض للمنطقة بس ماشي فايدة

خليها تكمل في الخاصة

أو

سيري الوزارة واعتقد يقدرون يساعدونج

نصيحه خذيها مني , لاتدخلينها صف أول , لين تتمكن

من القرايه والكتابه عدل , لأن المناهج اتغيرت , قبل

صف أول يعلمونهم الحروف وتركيبها , المنهج اليديد

الطفل لازم يقرا , ويكتب ويقرا السؤال بروحه , فليش

مستعيله عليها , خليها تتقوى في الكي جي , والسنه

اليايه حطيها في أول , حرام حتى ايدها بعدها على الكتابه والكراف ,,