السلام عليكم ورحمة الله وبركاته
خواتي بغيت اعرف شوووو احسن مدرسه خاصه في العين؟؟؟
اريد اسجل بنتي عمرها في شهر تسعه بيكووون 3 سنوات و3 شهوور واريد احطها في KG
بس ما اعرف شوو احسن مدرسه
الشويفات
العين الانجليزيه
الصنوبر
المدار
الظفره
تراني محتاره ساعدووني
وجزاكم الله الخير
ام حمد
سلالالالالالام >>>,وانابنتي.السنه اليايه تروح kg1….أناحاطه عيالي في مدرسه الاتحاد الوطنيه الخاصه >>شوفي كل المدارس فيهن سلبيات وايجابيات وكله يعتمد عليج اذا يناسبج نظام المدرسه او لا…وبعدين حطي في بالج منطقه السكن والمواصلات..احسن شي تكون المدرسه قريبه منكم عشان ما تتبهدلين في التوصيل..واذا بتخلين بنتج في نفس المدرسه تواصل او بتنقلينها مدرسه حكوميه بعد ما تكبر انتي فكري واستخيري وسيري خذيلج لفه ع المدارس وبعدين قرري ..وسلامتج واذا عندج اي استفسار انا حاضره
هلا اختي جزاك الله الخير
مدرسه الاتحاد الوطنيه الخاصه وين هذي المدرسه جديده من كم سنه مفتووحه ؟؟
هذي المدرسه فرع من مدرسه الاتحاد الوطنيه الخاصه في دبي….وهي فاتحه في العين من اربع سنوات تقريبا…..اما الي في دبي فاتحه من اكثر من 25 سنه——-
موجوده في منطقه فلج هزاع خلف شارع المدارس وانتي رايحه صوب المرور اذا تعرفين مدرسه ليوا الدوليه بالظبط عدالها…
……
ليوا
فنانه
على طاري هالسؤال
بنات حد يعرف شو احسن مدرسة نموذجية او خاصة ابتدائية للبنات في بوظبي
أختي أم أحمد أنا بنتي السنة KG1حاطتنها في الصنوبر والصراحة تدريسهم فنان وتعاملهم راقي ويعلمونهم أستخدام أشياء من البيئة وصنع أشياء منها ويعلمونهم القرآن والحديث والسيرة والأغاني العربية والانجليزية + الحروف العربية والانجليزية والأرقام ……..إلخ وراح أحط ولديه السنة الياية إن شاء الله .