المووضوع يخص الايلتس اللي متلعوزين فيه…
بس ان شاء الله بتتيسر الامور انا مثلي مثلكم للحين اعاني ولكن حاليا اخذ دورة ايلتس عند مدرس والحمدالله علمنا صحح كيف ندرب والخ …وباجي اسبوع وبنخلص ان شااء الله وعندي السبت 1310 امتحان ادعوولي لانه للمرة 6 بيكووون…ولكني هالمرة اختلف تماما واثقة من عمري الحمدالله من بعد الدورة اللي اخذتها…
ولاني انا عانيت فيه وايد واعرف انه وايدين جي حبيت افيدكم واخبركم باللي اعرفه واحسه مهم جدا…
نبدي بأول شي اللسننق ..
اللسننق كثير يعاني منه لانه سريع ومايلقطوون شي لذلك ..
اجـــووبة اللسننق وهم يتكلموون يشددون ع الكلمة اكثر من غيرهاا انتبهوو لهذي النقطة افتحو مواقع وادربو انكم تلقطوون الكلمات المشددة يعني يرصوون ع الكلمة شووي ويطولون بأول حرف…
ثاني نقطة اوول تاسك وثاني تاسك يجزؤؤن لكم الاسئلة يعني مثلا السؤال يتكون من 10 اسئلة اول شي يعطوكم اول 5 اسئلة وعقب 5 الثانية…
حاولو تكسبوون هالشي وتضمنون فيه..
اول مايقوولون ريد ذا كوسشن شو تسوون..
مثال:
approx—–km <<<يعني تكتبون عدال هالسؤال بخط خفيف عدد.كيف عرفنا لانه مكتوبkm..ف نكون نعرف شو الجواب اكيد بيكون عدد الجواب…
النقطة الثالثة اللي يلخبط ويخلينا نكتب الكلمة غلط هو انه ينطقوون rبسرررعة…يعني اصلا مانعرف شو قالو..ف حاوولو تدربون ع الكلمات اللي تكوون فيها هالحرف مع سماعهم..افتحو اللسننق واكتبووو الكلمات اللي فيها حرف r..
النقطة 4 بين كل سؤال وسؤال يعطووكم وقت تراجعوون فيه اللي كتبتوه ف لاتضيعين عمرج وتراجعين لانه اللي راح راح استغلي هالوووقت انج تقرين السؤال اللي عقبه وتسوون شرات ماقلت لكم تكتبون حذاله شو المطلووب منه..
اساامي الدول تكتبونها بالكبتل لتر…
ادربو ع السبلنق مال الاايام والشهوور و الريوق والغدا والعشا لانه لازم اييي اللي مايعرف يكتبهم…
التاسك 2 غالبا يكون حوار بعد وسوو نفس الطريقة لكن حبيت انوه لشي مهم هني..يوم يذكروون عدد ساعة معينة مثلا 9,30 وعقب سمعتوه قال كلمةhalf pastيعني تكتبون 10,30 مب 9.30..
التاسك 3 يمكن يكون دوائر…هني شو تسووون تدورون الكلمات المهمة..key words..مفاتيح السؤال..مثاالthe car is required at—هني شو الكلمة المهمة تشوفون اللي ممكن تخبرنا شو الجواب من خلال شو نسمع..required..صح
ووممكن تكون اكثر عن كلمة ..
الصعب في الريدنق واللسننق هو انهم يستخدمون مرادفات للكلمات عسب جي تحسون عمركم ماتفهمون شو يقولون لانه غير الكلمات اللي تعلمنا عليهن.مثلrequiredهي شراتها كلمةneed..
ف سيرنا يزاه الله خير عطانا لستتة مرادفات للكلمات اللي ممكن اتي وبحطها لكم اخر شي…وتفيدكم ف ريدنق بعد اكثر من اللسننق…
-لازم تعرفون انه اللسننق اجوبته مرتبة يعني مستحيل اول شي يعطوكم جواب سؤال رقم 5 وعقب1 هالشي يسهل والحمدالله…
واذا ياكم رسمة او خريطة لمكان معين ويقعدون يوصفون وانتو لازم تعرفوون شو المكان المقصود يعني حددو نقطة البداية اول شي مهم جدا وبعدين يكونو عاطينكم بعض الكلمات في الرسمة اقروهن عسب تعرفون وين واصل في الكلام..يستخدمون كلمات معينة مثل you go along.behind.the place is opposite.walk past the.turn left.turn right.وغيرها من الكلمات..
اذا ياكم جدوول لازم تنتبهون كيف الاجوبة بطريقة افقية او عمودية…
اخر شي نصيحتي في اللسننق تدربو اقل شي 15 تمرين واحفظوو المرادفات اللي بعطيكم اياها قد ماترومون…
واللحين بنزل الريدنق ان شاء الله..
لاتنسوون ادعولي انجحح فديتكم…والله يوفق الكل..
اللي معقدني ومعقد المعظم ولكن مع تدريب والدراسة ان شاء الله الامور طيبة والحمدالله…
الريدنق يتكون من 3 اجزاء لمواضيع مختلفة واللي يقولك الاول الاسهل والثاني وسط والثالث الاصعب هالشي غلط مب شرط ساعات يكون اخر واحد اسهل واحد وتضيع علينا الدرجاااااااااااات..
لكل ريدنق خصصو 20 دقيقة..
مثل ماعلمتكم ف الللسنق اول 3 دقائق اقرو الاسئلة ع السريع وحطو شخط تحت الكلمات المهمة ف السؤااال..بعدين رجعي للفقرة ويكون عندج تقريبا فكرة عن الاجوبة المطلووبة ..
اذا في سؤال ماعرفتيه ودريه ولاتضيعي وقتج ابدا..
وعشان يكون عندكم وقت في النهاية اكتبو الاجوبة ع طوول في البوكلت مب لازم تكتبونها ف الدفتر اللي يعطوكم اياه لانه مب مهم ومحد يشووفه وجي اختصرتي الوووقت..
بييكم ريدنق يكون مجزء لاجزاء مثلا a.p.c ..لاتضيعين وقتج وتقرين البرقرف كله هني اقري اوول جملة لنقطة واخر جملة لنقطة وبتعرفين شوو الجواب في اغلب الاحيان ولكن احيانا يكون البرقرف صغير عادي اقريه..
اذا في الريدنق اللي يكوون مجزء الي اجزاء اول شي نسويه نقرا الاسئلة ع السريع ونحدد الكي ورد ثم نقرأ من الفقرة اوول جملة واخر جملة فقط..
الريدنق اللي يكون فيه سؤاال يعطونج جممل ويقولون في أي فقرة هذي الجملة ودري هالسؤاال وحلي اللي عقبه الصح والخطأ والفراغات وغيره ثم رجعي له لانج تقريبا بتكوني عارفة عن شوو تتحدث كل فقرة وبتعرفين تجاوبين اسرع ان شاء الله…
الصح والخطأ واييج بعد جملة مش موجودة..falseيعني كاتبين عكس الجواب الصح..
اذا ياج سؤاال مربع فووق مكتووب اسامي دول أوو اسامي اشخاص أوو اسامي شي معين..ع طول روحي للبرقرف حطي شخط ع الاسامي بشكل سريع وتكون مكتوووبة بكبتل لتر …
احفظوو المرادفات اللي بعطيكم اياها بتسهل عليكم الريدنق بطريقة ماتتوقعونها وان شاء الله خير..
بشكل عام فالريدنق غير مطلووب منج تعرفين معنى كل كلمة ..
اهم شي انتبهوو للوقت لكل برقرف 20 دقيقة ولاتضيعون اكثر حتا لو ماخلصتوو انتقلو للبرقرف اللي عقبه..
حطو شخط ع الدول والااسامي والسنين في البرقرف تسهل عليكم عملية البحث..
اخيرااا تدربوووو قد ماتروموون للريدنق ولاتقولون مايفيد صدقوني يفيد…
لي عودة للسبيكنق…الرايتنق بعدني مادرسته ان شاء الله اول مانخلصه بخبركم..
يتكوون من 3 فقرات
أول فقرة غالبا 4 اسئلة عن نفسج وعن منطقتج وعن هواياتج ووين تدرسين وشو تخصص وليش أو تشتغلين وشو نوع الشغل والخ..
اجووبتج لازم تكوون مب قصيرة ولاطوويلة وايد يعني تقريباا جملتين ونص .واذا سألج اسألة عن يوم كنتي صغيرة او يوم كنتي فالمدرسة لاتنسي تحولين للماضي الكلمات مثل is-was.
الجملة لازم تتكون من سبب ومثال..
البارت الثاني بيعطيج ورقة وقلم ودقيقة لتفكري في موضوع معين ..
سوي دائرة اوو مربع اللي يريحج وحطي فالنص الشي اللي اخترتيه مثلا كان مطلوب منج تحددي هوايتج الرياضية..
كتبتي فالنص فوتبوول على زوايا الدائرة اكتبي وين كان المكااان وزاوية ثانية وووين تاريخه ولا من متى مثلا وزاوية 3 ليش انتي اخترتي هالشي..وزاوية 4 ويا منووو تلعبين مثلا هاللعبة..
بعدين اشرحي بشكل مفصل شو تشعرين تجاه هاللعبة مثلا يوم كنت صغيرة كان ابوووي يلعب وياي ويوم سرت المدرسة شاركت في مسابقات والخ
اهم شي لاتسكتي اللى اذا هو سكتج حتا لو ماتعرفين شو تقولين قولي اي شي مثلا المكان كان كبير والخ لانه اصلا مب مهم يبون يشوفون انتي كيف قدرتج ع الكلام وكيف نطقج له..
تبدئين الجملة مثلا ب Idlike to talk about..
مش مطلوب منج كلمات صعبة ابدااا ف لاتخافي..
استخدمي كلمات الربط بين الجمل والكلمات المساعدة …
البارت 3 يكوون اسئلة عن قضية معينة مثلا والخ ونفس النصاايح ..
كل يوم سجلو عماركم وشوفو كيف ترمسوون..وتدربو ع الاسئلة بحط نماذج امتحانات ان شاء الله وشوفو الاسئلة والله يوفقكم.
اهم شي كونو واثقين من اعماركم واول ماتدخلون سلمو ع اللي بيسألكم وسألوه عن حاله والخ..
في انتظارج أختي …