نتيجتي في الآيلتس

شحالكم !
ان شالله منيحين ^^ !!

انا امتحنت الآيلتس تاريخ 5 / 15
والصراحه مادري شلووون !!

كنت خايفه وعارفه روحي ماحليت عدل

بس الحمدلله على كل حال .. والصراحه ماتوقعت اييب هالنسبه

(( وللتوضيح انا ابا الآيلتس حق الكليه عشان مادرس الانجلش ويحذفونه مني
وطالبين مني فالاسكلز 5 وفوق .. والباند 6 وفوق ))

المهم

يوم الخميس طلعت النتايج
واتصلوا فيني .. بس تعايزت ارووح أو بالأصح مابغيت انصدم فالنتيجه

يوم الاحد يلست من صباح الله خير
جفت الساعه كانت جريب الـ 9

قلت خلني اتوكل على الله وأروح اييب النتيجه ع الاقل اكون عارفه مستواي

ورحت .. وطول الدرب اصلي ع النبي وأقرى ايات

خذييت النتيجه ومافتحتها الا فالسياره .. " خفت يستوي فلم هندي فالجامعه^^ "

والحمدلله الحمدلله .. اللهم لك الحمد ولك الشكر
النتيجه كنت راضيه فيها كل الرضا .. صح اني لازم اعيد الامتحان مره 2
بس الحمدلله يعني علاماتي اوكي وماتوقعت اصلا اني بييب هالدرجه .. كنت حاطه فبالي اييب 2 ولا 3

listening = 5.5
reading = 5.5
writing = 4.0
speaking = 6.0

overall = 5.5

واللي خرب عليّ الرايتنغ .. بس راضيه لاني ماحليت فيه ولا شي

:
:

حبييت اخبركم بنات وافيدكم من تجربتي
ونصيحتي لكم توكلوا على الله في كل شي .. ولا تفكرون واايد بالامتحان خلي كل شي على رب العالمين