كل ام عندها ولد في الصف الاول تدخل ارجوا من الجميع المشاركه عشان نستفيد وخاصه المعلم

كل وحده تدخل وتقول كيف الدرس ولدها اللغه العربيه و الدين ….افكار لحفظ الايات ؟؟؟؟؟

واول مايرجع ولدها من المدرسه لين ما ينام كيف جدوله…..

هلا اختي

والله انا احفظها سطر سطر وبعدين سطرين وعقب 3 لين اسمع لها الحديث او الآيه كامله مره وحده
وعقب ارد واحفظها بنفس الطريقه لين اتاكد انها حفظتها

السلام عليكم بصراحة تدريس الصف الاول مش سهل لكن انا احاول احبب بنتي ما انفرها لانها البداية ولازم نكون حريصين عشان ما يكرهون ويتهربون بصراحة انا اسوي لها اوراق مراجعة للعربي واخليها تحل لكن ادخل معاه صوره حلوه تجذبها اما التحفيظ كل يوم نقرا مع بعض السور اللي ياخذونها اذا ما قروا يسمعونها 3 مرات يوميا وجذيه ما يحسون انهم قاعدين يحفظون اما القراءة فقبل النوم اقول لهم قصة وبعدين اخليهم يقرون كتابهم عشان يحسون انهم يقرون مثلي لانهم يحبون التقليد بهذه الطريقة انتي تكونين درستي العيال بدون ما يحسون وبعد ما يملون وتذكري انها اهم مرحلة في عمرهم

هلا والله انا اولادي عدو الاول إبتدائي بس مسألة الحفظ عندهم وايد سهله يعني اذا فيه قصيده نقولها بطريقه اغنيه مع بعض الحركات المعبره عنها وبهالطريقه تثبت القصيده في بالهم مع التكرار والمكافأه إذا حفضها بسرعه له مكافأه ( ولا انسى فضل المعلمه لانه في الاساس إيي حافظ ولو بيتين ثلاثه ) اما الآيات القرانيه فهي في البدايه تكون من السور القصيره والي يكونون حافظينها اصلا في الروضه وكتثبيت للحفظ انا بشكل يومي ارددها معهم الصبح والمساء قبل النوم واسمعهم إياها في السياره خصوصا الذي يختص بالمنهج وهم والحمدلله يرددون مع المقرئ بشكل تلقائي .
التوفيق للجميع

بالنسبة للحفظ حفظيه قبل لا ياخذ السورة أو الحديث أو القصيدة بفترة

عشان إذا وصلوا الدرس يكون حافظنهن بإتقان

أما الشرح فاعطيه فكرة و خليه يستمتع بالشرح من المعلم أو المعلمة

أما بالنسبة لتعليمه القراءة فلو بديتي معاه قبل لا يدخل الصف الأول بيكون أفضل

لكن مب مشكلة عليج بالتدريب المستمر على تركيب الكلمات و ابدي وياه من الأسهل للأصعب

و كثري من التدريبات و الإملاء حتى يتأسس عدل لأن القراءة هي أساس العلم و وسيلة التعلم

و بعدين لا تدرسينه في وقت هو يستمتع فيه باللعب

نظمي وقته معاه .. خليه يشاركج برايه

و أتمنى إني أفدتج بشي
و أتمنى لولدج التوفيق و النجاح في كل شي