خواتي الغاليات كتبت قبل كم اسبوع عن ولدي و مشكلته في عدم حبة لكتابة الواجب و كتابة الواجب عنده مشكلة عوووووووووووووودة اتصدقو اخر الاسبوع المعلمه عطتهم واجب من سبع صفحات الولد ماعاد شاف الدرب و اله ولا ياب لي طاري انه عنده واجب ولا اي شي و يوم دريت كانت الساعه 4 يوم السبت و قلنا يالله بنبدا نكتب شويه و نرتاح شويه لكن ياتني مشاوير ضروريه و طلعت و قت له يح بيبي اكتب و اذا سبقتني و انت خلصت قبل لا ارد البيت كلمني و بييب لك شي حلو وياي .
رديت حوالي س10و نص لاني طلعت و رديت مرتين للبيت المهم الولد ما كتب من السبع صفحات غير 4 سطوووور خلال هالكم ساعه و الله حسيت اني بصيح و ريحت يبت الخيزرانه و عطيته ضربه على مؤخرته و صاح فديته وقلت له اكتب الواجب الباقي ولا بتنضرب اكثر (و الله ياغاليات مو اسلوبي ويا عيالي الضرب و الخيزرانه موجوده للتخويف مو اكثر بس شو اسوي من جور ما بي منه)
و ياليت تهديدي و ضربي ياب نتيجه وياه هم بعد ما كتب شي .gif "12 (85)")
مو عارفه شو عاد اسوي وياه دلوني خواتي بارك الله فيكم و في عيالكم
هو صف ثالث ابتدائي و اباه يعتمد على نفسه في حل الواجبات
ياليت اللي عندها طريقه و مجربتنها ويا عيالها اتدلني عليها اختكم و الله هالولد غير اخوانه الله يبارك لي فيهم كلهم.
قولي له لو خلصت بعطيك حلاوه ولا بخليك تشوف التلفزيون حفزيه
وووواستشيري الاخصائيه فالمدرسه عن الحل