خواتي المعلمات هل عندكن نفس المشكلة؟؟؟؟؟

خواتي السلام عليكن شحالكن إن شاء الله بخير ..
خواتي أنا عندي مشكلة واللي مشكلتها نفسي تساعدني أنا أدرس مجال1 أحس أني ماأمشي في المنهج في أيام الدراسة ولا بقادرة أوفق بين تدريس عيالي في البيت ولا بين تدريس الطالبات ،دايما أحس بتعب وأرهاق عندي ثلاثة أدرسهم في البيت ،،وفوق هذا حامل ،،كم مرة أفكر في الاستقالة لأن مهنة التدريس تأخذ صحة الواحد ،لكن أهلي وريلي مش موافقين أستقيل ؟ ريلي دايما يلومني ويقول وايد معلمات يدرسن ما يشتكن مثلج ؟أقوله وأنت شودراك بالمعلمات أكثر فئة تعبانة ..
خواتي بسألكن كيف تمشن الحصة ،ومتى توزعن أوراق عمل على الطالبات لأني أسوي أوراق عمل وأتعب في تصحيحهن ،أريد حد يساعدني وينظم لي كل شيء وجزيتن خيرا

أنا مثلج وايد فكرت أستقيل مع أنه ما صارلي وايد في التدريس و ريلي رافض فكرة الإستقالة….

ياطويلة العمر أنا عندي بنت صغيرة وبعد حامل…الصراحة أتعب وايد في الدوام خاصة إني أداوم إلين الساعة ثلاثوأرد البيت على صلاة العصر…وأنا تعبانة…أخاف أقصر في حق بنتي وريلي…أنا دايما أكون فاضية من الساعة 2 ألين 3 فأقعد أصحح أوراق العمل أو الكتب او الدفاتر اوالملفات وأحضر لباجر……مستحيل اخذ شغلي للبيت إلا للضرورة….عشان أفضى لزوجي وبنتي ولنفسي بعد…. مع إني أكون تعبانة بس شو أسوي….

ما أعرف كيف أساعدج بس نصيحة ما تاخذين شغلج للبيت…..

مشكورة أختي على الرد ،حالتج أحسن تعرفين ليش لأن عيالج صغار بعدج بتحسين بالتعب أكثر يوم يكبرون وتيلسين مع كل واحد ودرسي ،،الله يعطينا الصحة والعافية والله يخلي عيالج ويبارك فيهم ..

انا بنتي بعدها صغيرة و السنة الياية بتكون في الصف الاول … و الله يعيني ^_^

أنا أعاااني وااااااااااايد من التحضير والدوام خصوصا أني أدرس أولاد ويرتفع عندي الضغط وااايد منهم…

أبي أفتك وأستقيل وريلي مب راضي بعد…

فكرت أجهز الحين للسنه الجايه بس للحين أنا مب عارفه أي مرحله بادرس…

الله يهديها المديره رفضت توزعنا..

وألا كنت باجهز تحضيري عالكمبيوتر وناقص اسحبه بس عالطابعه…

علما أني معلمه لغه انجليزيه..

الله المستعان

خواتي انا اللي اعرفه ان التحضير جاهز بس ضيفي عليه لمساتج من اوراق او تقنيات الخ