الغاليات كنت أدور مدرسه في شارجه لبنتي أبغي أدخلها ماقبل الروضه علشان تتأقلم ويا جو المدرسه بس ما أبغي لعب ومادري شو لا أبغي تعليم بس على الخفيف…
مش مهم تكاليف الدراسه المهم عندي التأسيس الصح….
بلييييييز خواتي ساعدني
ماعرف في الشارجه بس حبيت أرفع الموضوع ^^
عندج حضانه بيبن بارك في الغبيبه .. وااااااااايد روعه بمعنى الكلمه .. وعن تجربه
ولدي كان فيها بصراحه تعلم الطفل كيف يكون اجتماعي و تعلمهم انجليزي و يكتبون ويلونون وعندهم سباحه وأنشطه متنوعه وحتى أعمال يدويه شرات براويز و تزيين لوحات وغيره .. شغلات حلوه ومسليه للطفل يعني
وعندهم فرع ثاني في الشرقان أظني بس مب بنفس المستوى اللي في الغبيبه أحسن عند المديره كريستين ^^
و القسط الشهري يعتمد على حسب الوقت أنا ولدي كنت حاطتنه في وقت دوامي من الصبح للظهر بـ 1350 بس والله يكفي عنايتهم واهتمامهم والمكان تووووووووب و سيري وشوفي بنفسج ^^
بس اذا تبين تعليم عندج الحضانه اللبنانية الدوليه في حلوان .. يعلمون الطفل ويشدون عليه تقولين صج مدرسه .. بصراحه أنا ما حبيتهم لانهم يعاملون الأطفال جنهم كبار ويبونهم يكتبون غصب .. طلعت ولدي لاني خفته يتعقد من القلم بسبتهم !! بس اذا تبين تودين بنتج تراها صج بيطلعون عينها بالكتابه بس بتتعلم ^^
و عندج بعد حضانه الطفل المبتسم جربتها لا باس يعني بس ما في وايد اهتمام بالاكل والنظافه و رخيصه بـ 750 و الحضانه البريطانيه الاسلاميه وااايد يمدحونها بس ما جربتها ^^
انا سجلت بناتي في حضانة بيبن بارك لاني سمعت عنها
و دخلتهم بس شهر و نص
و كانت فترة الظهر الين العصر وقت دوامي في الجامعة
يعني هالفترة ما شي تعليم بس لعب
التعليم يكون الصبح
حسيت تعلموا بعض الكلمات
بس لاني ماستمريت طلعت اجازة
و عقب ان شاء الله يوم برد الجامعة بدخلهم من الصبح
احس انهم فعلا يعلمونهم الصبح
و غير الرسومات و الاعمال اليدوية …
و المديرة واااااايد طيبة و حبوبة …..
و انا صليت استخارة قبل لا ادخلهم لاني اخاف ادخل بناتي اي مكان
و الحمدلله ارتحتلهم وايد ….