ألا وهو موضوع الأكل
يمكن للمدرسة نظرة في بعض الجوانب الإقتصادية اللي تخصها لكن نحن كأولياء أمور يهمنا صحة أبنائنا.
أنا الصراحة عن نفسي أحب انه الطالب ياخذ وجبته من البيت لأنها أنظف وأظمن وفي نفسالوقت صحية أكثر وأشوف انه المدرسة بلا ما تبيع لهم سندويتشات تتياب لهم من المطاعم .
وبها الطريقة نحن نساعد أبنائنا انهم ياكلون أكل البيت الصحي .
طبعاً انتن في غنى عنى التعريف عن التعريف على أكل المطاعم وحال عيالنا مع أكل البيت.
أتمن من الكل انه يساهم في هالمضوع حتى يصير توعيه أكثر في موضوع تغذية الأبناء
بالفعل أكل البيت أظمن او انفع لليهال ويغذيهم اكثر
عن أكل المدارس ..ايسد اليوع بدون فايدة ..
بس لو اتلاحظين اليهال ايحبون اكل المدرسة
بس بعد هالشي يرجع للبيت من البداية ..او احلى ّاذا عودنا عيالنا ع اكل البيت ..
بيلتزمون اوبيحبون هالشي
مشكورة عالطرح الجميل
والصراحه مطبقين نظام وايد حلو وهو انه يتم تجهيز الوجبات داخل المدرسه ومحددين يوم في الاسبوع يكون الاكل من البيت اللي هو يوم الاثنيين والحمدلله عدى العام الدراسي بدون اي تغييرات في قرارهم في تغير نمط التغذيه الجديد في المدرسه وبعد مانعين اي طالبه إتييب وياها حلاوه وشبس وغيره اللي تيبه لازم يكون اكل صحييي
اشكرج اختي على طرحج للموضوع
عيالي توهم في الروضة واحينه بنتي بتسير اول ابتدائي
العاام كنت اريقهم في البيت ضرووووري يشربون حليب مع ساندويتشة
او بيضة مفورة….او جبن ويا اصابع البسكوت ماله……حيث انهم يشبعون في البيت
ولو ماااكلوا في المدرسة اكون مطمنة انهم شبعانين وبيدرون بيحصلون الغدا جاااهز
اكلهم في الروضة مب متنوع ومب شهي…اليهال ياكلون بعيوونهم
اذا ماعيبهم الاكل من النظرة ماياكلونه…..
ومااا اشجع اللانش بوكس لاني اشوف اليهال ماياكلونه وكله يتوزع امبنيهم ويفرونه ع الارض
اما المدارس الابتدائية مااعرف شو نظاامهم …هل مقصف هل وجبات من المدرسة !!!!!
واكيد متابعة للموضوع ولي عودة ان شاء الله
ولازم الفواكه ومدرستهم مانعه منعا باتا الحلاوه والجبس يعني كل مدرسه مسؤوله عن اللي في شنط الطلبه
لكن تعرفون فيني عيب واحد اني لازم اعطيهم مصروف اقول يمكن يشوفون شي في ايد الطلاب ويشتهونه
ومااباه يتم في خاطرهم تعرفون الصغاريه
لانهم لازم ينوعون في الاكل مايستوى كل يوم هالصمون والخمير اللي ينفخ الجبد حتى الصغاريه بيملون وبيكرهون انهم ياكلون وجباتهم