دورة حياة الفراشة وسيلة تعليمية متميزة وصنع إيديه

مرحبا خواتي .. طبعا العام الدراسي ابتدأ والكل يبحث عن وسائل تعليمية متميزة وتفيد الطالبات والطلبة وفي نفس الوقت ترفيهية وغير عن الوسائل التقليدية
بخليكم مع الصور .. وطبعا ممكن نكتب باللغة العربية على حسب رغبتكم وبالألوان اللي تحبونها ..
وطبعا ميزتها انج اتخلين الطالبة ترتب الصور وتشرح في كل صورة خطوات نمو الفراشة

ومدام دخلنا في الفراشات عندي وسيلة تحفيزية حلوة ..
يكون عندج سلة فيها زراعة بلاستيكية أو طبيعية .. وتقسمين الطلبة او الطالبات إلى مجموعات وكل مجموعة يكون عندهم مجموعة من الفراشات اللي ممكن اسويهم لج وكل مجموعة لهم لون مختلف وتكون الفراشة مثبته على عود خشب حتى تقدرين تغرسينها في الزرع وكل ما خذت المجموعة نقطة يحطون الفراشة الخاصة بمجموعتهم في الزراعة ولين آخر الوحدة أو الفصل مثلا أو على حسب تقسيمج.. تشوفين أي مجموعة جمعت فراشات اكثر وتكون هي المجموعة الفايزة وشكلها بيكون حلو .. أو ممكن تخصصين لكل مجموعة اصيص للزرع وكل ماحرزت المجموعة على نقطة اتحطين في الإصيص الخاص فيهم فراشة
وممكن هالوسيلة التحفيزية تستخدمينها لأي درس عادي مش شرط الفراشات

تسلمين اختي والله فكره رائعه ومفيده

الله يعطيج العافيه

مشكورة اختي ياقوته والله يعافيج انشالله

يزاج الله ألف خير أختي مشكورة

مشكورة

مشكورات خواتي مريَه وبنت الشاطي على المرور

مشكور اختي
الله يعيان الصغار والكبار على المناهج