السلام عليكم ورحمة الله وبركاته
كيف الحال بنوتات وامهات وكروشات
حبيت استفيد منكم انا ماعرف اذا الموضوع في مكانه الصح او لا
المهم انا تزوجت و دراستي ماكلمتها وصار الحمل الحمدلله وربي رزقني ببنوته فتره الحمل حبيت اكمل لكن ساءت حالتي ووحامي كان متعب فاضطريت انتظر فتره بعد الربى شفت انه البيبي صغيره وقلت اجابلها وسمعت كلام ريلي يوم قالي شو تبين تصغطين عمرج المهم قعدت وبعد ماكملت بنتي 10 شهور يعني الحين ربي يحفظها حملت بالثاني والي ماتوقعت احمل لان الدوره اساس مايتني بس هذا رزق والحمدلله و هالمره فيني اصرار اني اكمل دراستي يابنات ورباي بيكون ان شاء الله في اكتوبر يعني على بدايات السنه الدراسيه فقررت اخلي مولودي ان شاء الله يطلع بصحه وعافيه اني اخليه عند يدته وحماتي الي موقفه دراسه و بنتي اخذها لحضانه لانها بتكون سنه وست شهور ان شاء الله وطلبت خدامة ومحتاره الحين وايد احاتي انه كل الي خططت له مايصير بس بعد هالحمل عطول بركب لولب ان شاء الله
عندكم جدول ثاني اسويه ؟
لحد يقولي لاتكملين وتمي عند البيبي لان ظروفي تحتاج دراسه وشهاده ابا اتوظف بشهاده جامعه او كليه ان شاء الله
طوفت سنتين مابي اطوف اكثر
شو رايكم ؟
خبروني انتو كيف جداولكم مع عيالكم الصغار وكيف تتصرفون
لان الحين شهاده التعليم العالي صارت هي المطلوبه وباقي الشهادات الثنويه يالله يالله و انا ابا وظيفه زينه ولاني افكر لبعيد مش ل اليوم وباجر
والسموحه
المشاركة الأصلية كتبت بواسطة غرووب 22 
شكرا على الرفع
مركبين كيمرات في كل البيت و من تلفونها تجيك 24 ساعه و هي في الكلاس
فسوي ها الشي في حالة بتخلين الطفل عند الخدامة
و نصيحة وقفي الحمل 5 سنين لين ما تخلصين الجامعة عسب ترتاحين و تكملين عدل
خلي البيبي عند عمتج او الوالده وبنوتج ف حضانه
وكملي الدراسه الشهاده ضروريه هالايام
المشاركة الأصلية كتبت بواسطة Cobon مركبين كيمرات في كل البيت و من تلفونها تجيك 24 ساعه و هي في الكلاس
فسوي ها الشي في حالة بتخلين الطفل عند الخدامة
و نصيحة وقفي الحمل 5 سنين لين ما تخلصين الجامعة عسب ترتاحين و تكملين عدل
فعلا مجبوره اوقف حمل وان شاء الله اكمل دراستي وهالي بسويه بحط كيمرا بس عمتي موجوده الخدم بيسون كل شي وهي تشوف الياهل اهون من الخدم وبنتي لو ماقدرت ع الحضانه بضطر اخليها عندحميتي او الخدامه
– – – Updated – – –
المشاركة الأصلية كتبت بواسطة khaleejiya خلي البيبي عند عمتج او الوالده وبنوتج ف حضانه
وكملي الدراسه الشهاده ضروريه هالايام
هيه والله وايد ضروريه الايام اليايه كل شي بيتغير مانعرف شو بيصير عشان جي الواحد يظمن
كملي و بتتسهل الامور بإذن الله