كيف الحال خواتي ؟
بس حبيت اسالكم ؟
انا مرت علي فتره وكنت دوم اشتكي من قصص صارت معاي مع ربيعات لي وكيف كانوا يستهزؤون بي وغيره
ولكن الحمدلله الحين صار لي راي في الحياه العامه واتكلم وماسكت مثل زمان وقطعت الشله القدميه والحق هم بس بنتين
وحده هي من نفسها قطعت وهي اكثر وحده مستهزئه بي وثاني نص نص بس انا قطعتها عشان مايكون في بيني وبينهم اي علاقه وتواصل
وبعد مرور سنين التقيت مع بنات ثانيات مب ضروري كل شي بيرفكت اومثالي بس ارد مرات عليهم يعني العلاقه اكثر صحيه من قبل الحمدلله
ولكن لاحظت الناس اذا شافت شخص ضعيف ومايتكلم او مطنش تستهزئ به وتخليه مسخره لها ليش؟؟؟
اذا انتم ناس قويه ليش تستغلون الانسان الضعيف؟ ليش ماتروحون للانسان القوي؟؟؟؟
حتى لما كنت اشتغل كنت اواجه نفس الصعوبه مع الكل حتى المسؤول
ليش الناس يوم تشوف انسان مسكين او ضعيف تروح تستهزئ به وتشوه سمعته بين الناس
وتقول عنه كلام انه انسان فاشل حتى لو كان قدامه ومن وراه بعد!!!!!!! شو السبب
اذا انت فعلا انسان قوي ليش مادور ناس القويه وتواجهم في الكلام عشان تعرف ردت الفعل شو؟ بدل مادور انسان على قده
ولا هم الناس هذه عقد وخلاص
انا اعرف ان شخص ضعيف عنده مسؤوله انه يدافع عن نفسه ولكن بعد ليش الطرف الثاني هذا طبعه ماتصور انه مبرر
ان الواحد يقول والله هم جي! ضعيفين وانا اعاملهم بالمثل!!! عيب
انا اتكلم بشكل عام اختي الحين الحمدلله صرت احسن رغم اني شايله شوي في قلبي على بعض الناس بس الحمدلله صرت اقدر اتكلم ضمن حدود معينه
بس بشكل عام الناس تستهزئ
يعني على شكلك على دراستك على عملك على اهلك على اي شي فيك بحجة انهم يقولون في الوجه! لاحظت هذا الشي انا كنت اطنش بس الى متى
بس هم طبعا مايرضون عن نفوسهم يعني لو قلت كلمه عنهم بحسن نيه الرد رشاشات من ناحيتهم!!!
واكتشفت في الاخير انهم كلهم عقد نفسيه يعني هم يعانون من نفس العقد ويحاولون يجدون شخص يضعون فيه عقدهم
ولكن انا اتكلم بشكل عام حرام اي حد يشوف شخص على نيته او مسكين يحاول يتلاعب به
انا اتكلم بشكل عام اختي الحين الحمدلله صرت احسن رغم اني شايله شوي في قلبي على بعض الناس بس الحمدلله صرت اقدر اتكلم ضمن حدود معينه
صح هم يحدون عندهم فالإنسان الضعيف
الخبرة فالحياة تخليج تقري العيون ومن الأول تعرفين الإنسان على حقيقته
بالعكس لازم تفتخرين باخلاقج انج مب منهم وحمدلله انج احسن منهم
قليلون من هم شراتج ..مب لازن تردين بمثلهم
خليج على ثقه بنفسج انج على حق وصواب وهم يستطفلون برايهم لاتهتمين له
انتي ادرى بنفسج بشكلج باهلج
وترى من عاب ابتلاء …
والله بيأخذ لج حقج… بإذنه سبحانه
سموحه ع القصور…
بعطيج نصيحه كنت اسمعها من ربيعاتي ومن وايد ناس حولي ابدا ابدا ابدا لا تشكين ظروفج لحد تفهمين هالشي؟ ودوم بيني انج من نفس المستوى لا تحسسين عمرج بالدونية وهم احسن عنج ، يمكن هم بالظروف المادية احسن عنج بس حتى ولو بيني لهم حالج حالهم
انا مره كنت طالعه ويا ربيعاتي من ايام الجامعه وكنا شلة بحدود ال 5 ومرن صوبنا بنتين قعدوا شوي ويانا ويوم سارن بدا الحش انا ما اعرفهن لانهن ربيعات ربيعاتي وتموا يتكلمون عن المادة والمستوى الاجتماعي هذا بنت فلان ونحن من قوم العلان انا وايد تضايقت لاني ما احب هالمواضيع اصلا بس لان هالبنتين كانن دوم يتشكن فخلاص حصلوا موضوع عليهن يسولفون ويحشون فيه
فتحملي يا شعاعو تتشكين لحد او تحسسين انج اقل عنهم وشوفي كيف بحطونج فوق راسهم