عندي مشكلة أعاني منها ومأرقتني خلال هالأيام ومخلتني حتى ما أركز بدراستي
اللي هو الوسواس
وخاصة خلال هالسنة
مستوية وسواسية بدرجة فظيعة لدرجة المرض
قمت وايد أخاف على اهلي
امي وأبوي واخواني
لو مرض حد منهم بسم الله عليهم دايما اخاف ان يصير فيهم شي
لو مثلا سمعنا حد مسوي حادث باماراتنا على طول ايي ف بالي أكيد واحد من اخواني صار فيه شي
تعبت قمت حتى أدعي مادري لو كان يجوز هالشي أو لا
اني أكون اول المغادين واني اموت قبل اهلي
أنا ما اتخيل دنيتي من دونهم
أدري ان هالطريق الكل ماشي فيه ومحد بيدوم على هالدنيا غير ويهه سبحانه
بس خلاص تفكيري ذبحني
قمت حتى وانا راقدة أقوم من نومي بس عسب اتطالع الوضع في البيت هل فيه شي أو لا
بس هالسنة جيه حالتي
واذا تبون الصراحة مرينا هالسنة بمشكلة والحمدلله من عقب فرجت من الله سبحانه
والوضع تغير للأفضل
حتى قلت بتكتب لكم المشكلة وكيف انحلت مع ان كان حلها مستحيل بس مافي شي صعب على ربي سبحانه
تعرفون شو كان حلها مستحيل بلطف من الله وكرمه بعباده ولا جنه هالمشكلة موجودة والحمدلله انتهت على خير
بس شوي خاصة
ومن بعد هالمشكلة قمت أوسوس من كل شي
حتى يوم بيرن تلفون اي حد في البيت أيلس اتسمع وعيوني روحها تتجه ناحية الشخص اللي رن تلفونه
ويوم أتطمن ان ما فيه شي ارتاح
حتى لو شفت حد من اخواني ما يضحك وهادي أسأله أقوله شو فيك جيه مستوي هادي
هم روحهم يستغربون من سؤالي !!
تعقدت
هالمشكلة تركت أثر سيئ في نفسيتي
دعواتكم
ومابيصير غير الي رب العالمين كاتبه
تعوذي من الشيطان وعيشي حياتج
بس الحين خلاص ودرت هالشي الحمدلله
انا عانيت من ها الشيء فترة طويلة
بس اللي قضلى عليهم الدعااااااء
لا تيلسين بروحج فترات طويلة و يوم بتيلسين خلي القرآن مشغل او برامج دينية
يوم سرت العمرة ركزت على الدعاء اللهم اني اعوذ بك من الشيطان من همزه و نفثه ووسوته و الحمدلله رب العالمين
ادعي هذا الشيطان جي يسوي فيج كلما بتيج الوساوس ادعي