المشورة يا بنات

السلام عليكم ورحمة الله وبركاته

بنات بغيتكم تساعدوني بحل لقصة ربيعتي لاني ما اعرف شو اقوللها وكاسرة خاطري

القصة انها غلطت ودخلت موقع زواج بهدف الزواج المهم تعرفت على واحد وكان صادق معاها بخصوص الزواج وتعلقت فيه
لشهور تقريبا بس كان بينهم مكالمات فقط ..
كل يوم يقوللها مستعدة وجاهزة وهي كلها امل انه يتزوجها كل مرة كانت تضارب وياه عسب هالموضوع ويحلفلها انه يكلم امه وحست انه امه رافضة هالزواج …

بعد 4 شهور من العلاقة اللي اغلبها كانت ضرابه بينهم اكتشفت المصيبة العووودة انه متزوج وعنده ولد موووول ما حست بهالشي ابدددددددددددا

لان الريال صايره بينه وبين حرمته مشكلة وهي من 8شهور فبيت اهلها وطالبه الطلاق
بنات البنت نفسيتها دااااااااااااون متحطمة مووول قالتله مستحيل اكون زوجة ثانية مستحيل وهو يقوللها ما بيطلق حرمته لان بينهم ياهل …
انصحوها عسب اوصل لها الرمسه
الله يصبرها وتنساه ان شاء الله . . .

الله يهديها
قوليلها تنسى هالموضوع نهائي صح فالبدايه راح تتعب بس مع الوقت راح تنسى وربج بعوضها باللي احسن عنه
انا ما اعرف كيف البنات يدشون هالمواقع "الله يهديهن "

سبحان الله وبحمده

انا مع الاخت واذا تبغي تعرس تتقرب من ربها وان شاء الله يكتبلها نصيب هاي المواقع ما منها غير البلاوي

قوليلها الريال للي ما يعيبه شيء يسير لامه ويخبرها مايه دوريللي حرمه
ما يدش موقع زواااج او خطاطيب يعني سوالف اللف والدوران ما تطوف فبالهم
للي يدشو هالاماكن عايبهم شيء لو مب أشيااااااء
قوليلها هالرمسه باسلوبج وخليها تستوعب

يااااااااااااااا بناااااااات يااااااا عالم التطور مب تعارف بين البنت والولد
وللي فبالها انه التطور جي فادعي ربي يكبر بعقلها ويثبته فيها

خل تبتعد عن هالمواقع لان مواقع الزواج اكثرها تهدف للربح و كثير منها للتعارف ..
وعن الريال فعرفت حقيقته وماله داعي كل شي وهو مايباها بس كان يبا يتعرف شكله