شخباركن بنات وكيف الدنيا وياكن
بنات بسرد لكم قصتي وابي كل وحده تدخل الصفحة تد علي لو كانت مكاني او مكان اختي الاصغر مني شو تساوي
قصتي الا وهي …
انا قبل 6 سنوات تقريبا تقدم لخطبتي ابن عمتي وكانت عمتي مكلمة اختي الكبيرة وخبرتني اختي من الوناسة … على فكرة هاك اليوم انا كنت بالمستشفى عندي موعد … عموما مرت الاياموولد عتي اشتط يبي يعرس وكل مرة اختي تعرقل الموضوع بان الموضوع يتاجل كل مرة يتاجل الموضوع شهوووور ولين مامرت سنين وانا ساكتة
حتى اذكر اجتماعات ولد عمتي وبنت عمتي واختي ببيت بنت عمتي على شروطي وافكاري وكان ولد عمتي موافق على كل شروطي …( على فكرة بنات للتاكد من صحة الكلام بنت عمتي كانت حاطة السماعة لتحت عشان اسمع كل شي باذوني واطمن باصدر قراري … وكانت علاقة اختي مع بنات عمتي ممتااااااااااااااازة .. لدرجة انهم كل يومكانو يكلمون بعض
حتى لدرجة ان عمتي كانت تستشير اختي في اشيا واااايده بناء على شخصيتها القوية …
عموما مرت السنوات وكل ما كان ولد عمتي يتكلم مع اختي بموضوعي كانت اختي ترد عليهم بتاجيل الموضوع … وفي احد المرات كنت بسافر مع اخوي للعلاج لتصلت فيني بنت عمتي تسلم علي وخبرتي بالموضوع خطوبتي وجدية اخوها وان كان متمسك فيني …
وجانا ولد عمتي بيوم سفرنا يسلم ع الوالد والوالده وطبعا انا ما طلعت ….
وبعد رجعتتنا من السفر كلم الوالد وقوا علاقته معاه وقاله ابوي كلم اختها الكبيره خلها تكلم امها (ابوي يبي المبادرة من ولد عمتي واون امي تبينا لاهلها من ابوها )فابوي ما بغى اي تش يصير بينهم بذات عقب سالفة اختي هذي كانت مالجة من ولد عمي وهي ما بغته وتم الطلاق من دون الدخول )
ومرت الايااااام وولد عمتي يحاول مع اختي وكله تاجل … عموما يوم قرروا خلاص وتعبوا من طبع اختي كلمتني عمتي وقالت لي السالفة جي جي قلت لها اوكي عموه انا صليت الاستخارة والحمدلله مقتعه فيه كزوج (وانا بصراحة ابدي له كل الاحترام لاني ماسمعت عنه شيء الحمدلله)
قالت لي عمتي خلاص راح نجيب المهر باجر ان شاء الله ماعرف ليش قلت لعمتي اوكي انا موافقه بس لاتخبرين اختي ولا تعطيها اي خبر ..اللي حلو بالموضوع ابوي بعد مايتكلم غير بينه وبين امي وامي كانت موافقه الحمدلله وبيوم اللي بييبون فيه المهر ما خبروا اختي لين ما تفاجأت ليلتها ان اليوم مهري وما حضروا حد ابوي تعقد من اخوانه وحب يكون الموضوع سكاتي …عموما بهاليوم اختي احتشرت وشلت المكان كيف تضين بواحد مو مكمل نفسه ولا مضبط اموره وبيلعوزج باجر وبيعتمد على بيزاتج وهو اعدادي وانتي جامعية وغيرها من كلام وسكتت
مرت سنة وانا اضطريت انشغل مع اخوي وعلاجه برع الدولة … ومن رجعت مرة ثانية بدت التطورات بعد ما طلع خطيبي من وظيفته الجديمة ودخل وظيفة ثانية ومن استلمها مباشرة خبروني عن الملجة اشتطت اختي وقالت بعده وقت اجلوه شهر 2 لين شهر 4 ومرة من مرات كنت اتفق مع بنات عمتي عن ترتيبات الملجة وباي صالة وغيرها حتى كنا نتصل ونستفسر جان ترد علي شو انتي مطيرة … كان الموضوع خلاص ماشي … سكتت عنها وماقلت شي … وقبها بايام كانت توصلي مكالمات ومسجات من خطيبي يقولي نبي نملج ونرتب كنت موافقه على رايه … ولاني تعقدت من اختي بعد ما طولت الموضوع 4 سنوات قلت له لا تكلمها شاور ابوي ورتب معاه كل شي … ورتب هو مع الوالد وكلمني ابوي وعمتي وكنت موافقه ورحنا وسوينا الفحوصات من دون علم اختي وعقبها ب3 ايام بالخميس كنا محددين يكون يوم عقد قرانا خبروا اختي لحظتها بعد ما ملجنا تصدقون حتى ما باركت لي قطعت علاقتها وياي وتقول كل شي عندكم بالدس وكرهت عيال عمتي كره البلا …
وعقبها باسبوعين المفروض نساوي الحفلة وقررنا انها تكون عائلية عشان الميزانية … بهذاك اليوم سوت فيني سوالف الدنيا كنا نتصور بالمجلس … تمت ادق الباب من قو من طلع رلي قالت له لو سمحت ابي ارقد بالمجلس (يعني افهمها اطلع برع) سكتنا انا وريلي وما خبرنا امي مابغينا نكبر الموضوع ومحد عرف بالسالفة لين يومنا هذا …
وتمت اختي قاطعة علاقتها فيني بالمرة لا تكلمني ولا تشاورني ولا حتى انها شاركتني بتجهيزات العرس لان كانت الفترة بين الملجة والعرس بس 3 شهور … حتى حرضت خواتي اللي اصغر مني ومحد كان ويااااي ولاحد ساعدني بتجهيزاتي (مالوم الصغار شو بيدهم لكن الدعم النفسي واجب)
كنا نطلع انا وريلي بس ونجهز كل شي … تصدقون حتى ما ساهمت بدرهم انزين خواتي الصغار محتاجين فساتين وحنا وغيره … عموما انا اللي طلعت وسويت لهم كل شي …
ويوك ليلة الحينة كانو الحريم مشغلين اغاني وكان المكان ربشة دخلت اختي واحتشرت على امي بان الاغاني حراااام (مع انها مو مدينه هاك الزود ) وسوت حشرة اونها تعبت وراحت المستشفى يتني امي تصيح اقولها اشفيج قالت اختج فضحتني ماعرف شو اساوي والحين اونها راحت المستشفى واون رقدوها والحين تكلم ابوج وبيساوي لنا حشرة قلت لها ليش …انا بكلم ابوي وبفهمه ..اتصلت بابوي وقلت له يبا لا تسمع لاختي اليوم ليلة حنتي وهي تبي تنكد علي وامي مالها علاقة ولاهي تعبانه ولا شي كله تمثيل قالي ابوي خلاص يبا هدي اخلي امج ادقلي وابوي يدق لامي واي ماترد من الخوف رجعت رديت انا قالت له يبا امي مع الحريم قالي خلاص اختج بتخل الحين البيت بس محد يكلمها وسكروا المسجل قلت اوكي ووطينا ع المسجل وقلت لامي لا تحاتي ابوي يقول كل شي تماااااااااام
نزين بنات باجر يوم زفتي وانا محتاجة حد وياي … ولكن لا حياة لمن تنادي يتني اختي اصغر مني كانت شوي وحلياها تساعدني بس ماكانت تعرف شي لانها كانت بالجامعة ومشغولة بالدراسات العليا واااااايد ( في اشيا يبسيطة تعرفها )
عموما رحت انا واخو واختي للصالة العرس وتجهزت والحمدللهكل شي تمااااام للنهاية … تعرفون بعد مخلص العرس وصعدنا انا وريلي لفوق يتنيا تقول لريلي هذا كلها امك السبب امك السوسة (ع فكرة عمتي الصراحة مول ماقصرت وياي بس عيبها شوي مادية… وي عمتنا بالاصل اخت ابوي )…
سكت ريلي وماقال شي مع ان كان وااااااااايد يحترم اختي ويقدرها
اسمحولي نسيت اقولكم بان فترة الملجة ريلي كان اييني تقريبا يوميا …المهم ماكانت تخلي ريلي ياخذ راحته بالميلس وكانت تقعد وما تطلع وشوي تقول برقد يعني طرده … لدرجة انا كنا نقعد بالسيارة برع لا ابوي ولا امي عاجبهم الوضع وجارنا تكلم عنا بس امي وابوي ماقالو شي …امي كله تقولي اسكتي لاتساوين مشاكل
قربت اخلص لا تحاتووووون
الحين اختي اصغر مني تخرجت من كلية طبية وماشاء الله معدلها حلو وقبلوها بوظيفة نفس المنطقة اللي انا ساكنة فيها ومميزاتها عاليه … وانا الحمدلله ضروفي تسمح اسكنها وياي وعندي دريول يودينا وايبنا للدوام وابوي موافق واخواني موافقين وامي استانست واااااااااايد وما خبرنا تختي الكبيرة لين ما خلصت اختي المقابلة ورخلاص بعدها بيومين لازم توقع العقد ابوي من الوناسة باللمة يوم السبت قال الحمدلله فلانه امورها تيسرت وبتستقر عندها اختها (انا) اشتطت اختي الكبيرة اون ريلي مو محرمها واحنا ما بناخذ راحتنا ع فكرة بيتي دورين الحمدلله واخوي ساكن عندنا وانا وريلي ثنتينانا موافقين شو المشكلة … عبت براس ابوي وقالت شهر 2 انا بوظفها بمنطقتنا ….ليش م فكرت فيها قبل ؟؟؟ اختي تخرجت وقعدت شهور بالبيت ليش ماسوت لها شي ؟؟؟؟؟
(على فكرة نسيت اخبركم اختي الكبيرة تزجت بعد زواجي ب شهرين وانا بشهر عسل انصدم بملجتها تخيلوا … بالعكس استانست لها لانها خذت ولد خالتي وكان يبها … وانا اللي كنت فاتحة الموضوع مع ولد خالتي قبل وقالي بان يبيها ومتمسك فيها وطبعا اناما ايوز عن حركاتي المهم تمسكوا ببعض وتزوجوا ومرتاحين مع بعض )
بس كافي حشرتكم صح
الحين النا واختي اصغر مني 5سنوات محتارين كيف نتعامل ويااااااااها … الصراحة انا سرت ما اطيقها بس يوم اقعد ببيت ابوي اعاملها عادي وهي اللي تبادر ماتبي تقطعني بس ماعرف ليش اتساوي فيني شذا
اللي حسيته من كلامج ان اختج من النوع المتسلط او انها اتعووددت على ان الكل ياخذ شوورها
وبعدين سالفة خطوووبتج وانا تاجلها اكييد اختج نبي تلمحلج شي من هالحركاات لان مستحيل اخت تسوي جي وانتي المفروض اذا الموضوع فيه زواج ولا شغل تستشيرون الاب والام ومن باب الاحترام الاخوات او الاخوان اللي اكبر منج بس ف الاخير الراي العود يرد لامج وابوجج
انتي عامليها بكل احترام بما انها اختج واكبر منج وعمره الظفر مايطلع من اللحم واذا حسيتي ان بدت تتجاوب وياج اجلسي معاها بانفراد وبعدها حاولي تفتحين الموضوع بكل سلاسة وباسلوب حلو
وف الاخير ادعييلها ان الله يهديييها
واتمنى اني افدتج حبييبتي
غاليتي 
خلاص الي فات مات انسيه ^^
وأختج شخصيتها جي أكيد ما تقصد لكن الله يهديها هي جي تفكر
انتي عامليها بالطيب واعذريها وخليها برايها تسوي الي تبغاه
انتي لا تتأثرين بتسلطها فقد احترميها والله يصلح مبينكم
و ربي يوفقج أختي
ثنتان ما تردان :
( الدعاء عند النداء وتحت المطر )
رواه أبو داود وصححه الألباني في صحيح الجامع (3078 ).
الحمدلله أنا تعاملها عادي ونسيت الماضي لكن من شفتها وقفت ضد اختي لانها بس لتستقر معايىتذكرت كل الماضي وتضايقت منهاة
حرام عليها تضيع على اختي الفرصة اللي يتها ففي هاي الحالة اختي الصغيرة بعد تخضع لها وترفض الوظيفة حرام هذا رزقها
ع فكرة نحن الخوات علاقتنا أوكي بس متخذين لخاطرها من تصرفاتها
شوركن وهداية الله
ها الدلع كله من امج وابوجً المفروض يهزبونهاً هزابً ليش الدنيا فوضى تمشي كل شي بشورهاً ما يستوي
ها الدلع كله من امج وابوجً المفروض يهزبونهاً هزابً ليش الدنيا فوضى تمشي كل شي بشورهاً ما يستوي
:: للرفع :::: للرفع :::: للرفع ::
^
^
^
