شحالكن خواتي ان شاء الله طيبات وكل حد مرتاح
وكل عام وانتوا بخير واماراتنا بخير , و الله يديم علينا نعمة الأمن والأمان ان شاء الله .gif "13 (5)")
خواتي ابا اخذ رايكن وخاصة التاجرات .. لأني مستغربة من الموقف الي انا ما اعرف للحين كيف
أفسره وبشوو أفسره !!!
المهم , الله يسلمكم أنا من 3 أسابيع تقريباً طلبت نقاب من تاجرة وبدون ما أذكر النك
الحمدلله شفته وعيبني وخذتها عنها و وصلني تقريباً بنفس الفترة من اسبوعين جي
المهم انا استلمت الطلبية وعادي , من يومين وصلتني طلبية وأنا طالبة اغراض من اكثر من منتدى
ومشكلتي ما احفظ النكات يعني من توصلني طلبية ادفع بدون ما اشوف شو مكتوب ع الفاتوره
او اسم منو واغلب البنات جي اعتقد يوم توصلهن طلبات , المهم الله يسلمكم اني فتحت الطلبية
وشفت فيها 4 نقابات او شيل الله يعلم لأني ما فتحت الاغراض لأني مب طالبتنها ولما قريت
اسم الفاتورة بنفس اسم التاجرة الي وصلت لي الطلبية من اسبوعين ..
انا استغربت لأني ماطلبت والطلبية كلفت 630 بالضبط ..
قلت كيف ارمس المندوب يرد الطلبية مب حلوة وشركة التوصيل عليها تروح للعنوان المكتوب
والخطأ هم ما يتحملونة لأني سبق لي وتعاملت مع الشركات واعرف نظامهم .
وقلت مب حلوة اتصل للمندوب اقوله تعال انا هالشغلة مب لي ..
طرشت رسالة خاصة للتاجرة عن الخطأ الي صار واني ما طلبت والله يشهد اني ما طلبت منها
وآخر رسالة لها موجودة عندي في الصندوق الوارد و طرشتها لها مع الاقتباس باليوم والتاريخ
بس للأسف ما ياني جواب منها وما اعرف ليش , ومش محصلة جواب لسؤالي !!
هل هذا خطأ صاير او موقف متعمد ..
التاجرة الله يستر عليها وانا ما بقطع رزق حد , الله يوفقها بتجارتها بس بعد الواحد ما يعرف
ظروف الناس انا والدي متوفي ومعاشة منقطع يعني نصرف حالياً من دخل خاص
وانا مش متزوجة وأدرس في الكلية وتعرفون كيف المصاريف وانا تعودت مصروفي اشتري فيه
ما احب اطلب من الوالدة وايد ..
الحمدلله مستوانا المادي متوسط وعادي ومب قاصرني شي و وحدة غيري بتقول دفعة بلا
بس انا بعد أحب اقدر وضعي وما اكلف ع نفسي ومش مسؤوليتي ادفع مبلغ طلبية انا ما طلبتها
اتمنى التاجرة تقرى موضوعي و تصحح الخطأ
وانا مسامحتها ومب شايلة فخاطري شي .. .gif "12 (63)")
والسموحة
غاليتي هذا حقج بدون أي نقاش 
ما غلطتي في شي وكانت غلطة من التاجرة سبحان من لايسهو
ربي يوفقج أختي
ثنتان ما تردان :
( الدعاء عند النداء وتحت المطر )
رواه أبو داود وصححه الألباني في صحيح الجامع (3078 ).
لأنه بروحه مآ عنده خبر !!
آنتـي آصبري كم يوم !!
و آذآ مآ ردت عليج ! خلي حد من آلأآدآرة تكلمهآ !
و لآ آتصلي للمندوووب !!
<<< آصلأآ آلمفروووض من آلبدآية تكلمييين آلمندووووب !
إتصير في أحسن العايلات…
لو صلحت التاجرة خطئها " ونحسب على الله انها غير متعمة" ورجعت البضاعة ممتاز…..
ولو ما صلحت خطئها … اعتبري باقي القطع الزايدة وصلولك لحكمة من الله… سبحانه مسخر الأرزاق … صدقيهم لنسوة تعرفي انها فقيرةها اكيد وحتلبس او اهديها ارحام او اصدقاء لك.. وما تفكريش في الخسارة…
ربك كريم … ومعوضين ان شاء الله.. ويؤجر المؤمن رغم انفه…