كيف الحال؟
انا اليوم ميته قهر وزعل من موقف صار لي
كنت اتمشى مع وحدة من صديقاتي في المول عند قسم الالعاب وفي لعبة كانت عبارة عن امير واميرة تعرفون العاب اطفال
فتقول صديقتي هذي صورتك انتي وزوجك الفاشل طبعا انا مب متزوجة للحين وعمري 27
فانا مارديت عليها وسكت بس حزت الكلمة في قلبي
هي ربيعتي من ايام الجامعة كنا ناخذ محاضرات ويا بعض ونطلع نتمشى وتفضفض لي مرات
بس مافهمت شو قصدها وحزت الكلمة في صدري ومارديت عليها
ليش يعني زوجي بيكون فاشل عشان شو ؟!
يعني كل ماتذكر الكلمة احس نفسي مااسوى
لدرجة اني اتمنيت انها ماتتزوج بعد الكلام هذا عشان اخذ حقي منها بس اخرها
احس بالذنب واقول حرام الله يهدي او ماكان قصدها
بس ليش؟مااعرف انا يمكن حساسة او كان لازم ارد عليها او يمكن هي معها حق لان انا للحين ماحققت شي في حياتي لا وظيفة ولا غيره! بس قاعدة اشكي حالي في المنتدى
بس كل انسان وظروفه يعني انا بدون واموري صعبة شوي مب مثل غيري وفي نهاية كله قسمة ونصيب
حطيت نفسي مكانك……. والله اني انقهرررررت
دوووم تمر علي مثل هالمواقف…….. بس بأشيااء ثانيه
اكررره شيء علي…… ان صديقتي تقول لي هالكلام وتغثني
احس دمها ثقيل…. ويمكن هي على بالها هذا مززح…….. بس الصراحه شيء يزعل…….
وماله خص…… اذا كنتي الى الان ماتزوجتي وماحققتي شيء… لا وظيفه ولا غيره
عشان تقول لك هذا انتي وزوجك الفاشل……
كل شيء نصيب في هالدنيا….. ورزق من عند الله
طنشيها,, وحقريها ..وماعليك منها
عامليها مثل ماتعاملك…
قهر والله ….وهذا وانتي صديقتها من ايام الجامعه … تقولك كذا
انا بعد احس اني حساسه مثلك شوي……
يوم احد يقول لي كذا او يستهزأ علي… وهم يمزحون
لاكن انا ازعل واحط بخاطري
…..
طبعي كذا حساسة…….
الله يهديها ……
ربي يوفقك ,,ويسعدك ,,ويرزقك بالزوج الصالح…….. اللي يكون فيه خير لك…….
يآآآآآآآآآآآآرب .
حبيبتي لـآ تتضآيجين ولـآ تكسرين بخآطرج . .
حطيلهآ أعذآر يمكن هي مآ كآنت تقصد شي بس جي مجرد رمسهـ ولو هي قصدهآ شي عآدي زوجج بيكون فآشل مب
زوجهآ هي شعليهآ كنتي رآدهـ عليهآ بكلمه الحمدلله . .
لـآ تزعلين والدنيآ ما تسوى شي . .
ربي يحفظج من كل شر ويوفقج ويستر عليج ويسعدج ويرزقج بالزوج الصالح المتفاهم اللي يستر عليج ويسعدج
دنيآ واخره إن شآء آلله . .~
اعتبريهاا مزحه و دعاابه و بعدين لو انها قالت فاشل بيطلع صدق فاشل الله يرزقج بامييير يتوج لج حياااتج و يسعدك.
ولا تحطين في خاطرج أكيد هي ربيعتج وما تقصد
صح طبعا الأسلوب مب زيرو ,, ماينس 10
بس انتي كبري عقلج وترفعي عن هالأشياء ^_^
ومب مهم الي هي تفكره عنج
المهم الي انتي تفكرينه عن نفسج
تذكري ان الله عند ظننا به 
صدقيني ما كانت تقصد كانت من باب الدعابه
احيانا الواحد يتكلم و يجرح صديقه من دون حاسيه او مب قصده شي
فلا تاخذين المواقف انه يزعل لانه شيطان شاطر يحاول يخرب بين ناس و بين ناس يلي نحبهم
اذا انتي ما عرستي و لا شتغلتي مش معنها انج ما حققتي شي في حياتج بالعكس
انتي حققتي في حياتج خوات في منتدي وحققتي اشيائ كثيره
والوحده اذا ما عرست ولا ما شتغلت مش معنها انها ما حققت شي
و الله يصلح حال كل مسلم و مسلمة