ماعرفت وين احط هالموضوع بس ابغي نشجع بعض بهالموضوع عشان نجمع بيزاتنا ليومنا الاسود ع قولتهم خخ بسم الله علينا من هاليوم الاسود .^.^. بس الاحتياط واجب و المسرفين اخوان الشياطين
فكرة الموضوع ان كل وحده ناويه تجمع تكتب هالشهر كم جمعت و بداية كل شهراو اسبوع على حسب اذا هي تشتغل او تاجره تكتبلنا التطورات و كيف قدرت تزيد المبلغ عشان الكل يستفيد
مثلا انا توني ابدا
راتبي سبع والحمدلله
جمعت 4000 مع اني من سنة تقريبا اشتغل
و حابه حد يشجعني
لان اعرف وحده راتبها 22019 لو جمعت 10000 كل شهر ب خمس سنين بيطلعلها 600000 يعني نص مليون والمشكله البنيه ماعليها مصاريف و مب معرسه خخ وين تطير بيزاتها الله اعلم
ادري فكرة الموضوع بايخه بس هدفي يكون وياي حد يجمع و يشجعني على هالشي
و كل وحده تقول كم راتبها و كم جمعت و اذا تاجره تقوللنا كيف نظامها .. واللي مايبغي يتكلم عن خصوصياته ع راحته .. بس كتبت هالموضوع عشان نستفيد
انا عن نفسي عطيت بيزاتي هالشهر حق اختي و كل ماابغي شي تعطيني خخ بس تسالني اول شي شوابا بالبيزات واذا لعبان لو المووت ماتعطيني حدها مية عن خاطري خخخخخخ جي جمعت بشهر 4000 ماشاءالله
1500 حق ابوي وامي والباجي مصاريف الاكل والدريول والحمدلله كفى و زاد
و مب محتايه عبي و ملابس لاني خسرت عليهم واايد يوم كان الراتب بايدي.. ف خلاص ستووووب
بس هالعيد بفصل مخورتين و عباتين و جنطة و نعال والعيد الثاني نفس الشي لين السنة اليايه . كبتنا بيرجع من الثياااب .. ياخي صدق احنا ليش جي مسرفين ><
.. في ناس تتمنى خمسمية درهم بايدها كل شهر و ناس اعرفهم بعد
اتريااكم
و لاتقولون صعب نجمع و مستحيل ترا كل شي يبدا صغير
عندي ربيعه ايام الدراسة بنت شيخ
تعرفون انها طوووووول الكورس جنطة و ساعه ماركه و عبيها كلها ساده !! و احنا اللي على قد حالنا مانصدق نشوف شي طايح بالسوق الا اشتريناه و خسرنا عليه .. و هاي بالسنه مرتين بس تغير جنطتها و ساعتها و تقريبا اهلها اللي ويانا كلهم شراتها و اللي يشوفهم يقولون صدق هذيل ناس راقيه .. ليش مانسوي شراتهم خخخخخ و خاصه بالشغل ليش نلبس الوان و سوالف .. لازم نتغير للاحسن !! صح ول لاء
والحمدلله أنا بالبداية ما كنت أجمع
لكن خذت درس في الحياة والحمدلله بديت أجمع
وان شاء الله أخبركم بالتفاصيل بالقريب
انا اغراضي بسيطة و ما اهتم بالماركات و اتسوق في محلات عادية ، هذا ساعدني أجمع فلوسي .
بالنسبة للعبي كنت اشتري عبي جاهزة بالاشكال الي تعجبني و الحجم الي يناسبني ، طبعا تعرفون التفصيل اغلى من شراء عباءة جاهزة . .. و افصل بعد
من السوق الصيني اشتري الشنط المقلدة الي تكون اشكالها حلوة وااايد و الشنط اغيرها من سنة لسنة
اشتري نعالين للدوام كل سنة و احاول ما اشتري نعال جديد الا اذا واحد من هالاثنين يخترب
بعد اول سنة لي في الشغل قدرت اشتري سيارة و دفعت المبلغ كاش
و بعد ثالث سنة لي في الشغل ركبت سيراميك الجدران على بيتنا بالكامل و الحمد لله و دفعت المبلغ كاش
انا ما احب شي اسمه اقساط و ما احب الديون اجمع فلوسي و احقق احلامي من غير اقساط او ديون
زميلاتي ما يرومون يجمعون مثلي و لكني اغبطهم تعرفيون ليش
لان عندهم اهل و حبايب و جيران و مناسبات و افراح و عزايم و زيارات و هذا كله يخليهم بخسرون الفلوس للملابس و الهدايا و الولائم ..اما انا اعيش في جزيرتي بهدوء من غير ……….. و من غير ……………….. و من غير ………………….
و الحمد لله على كل حال