كيف ما تبينين حق الناس انج متضايجة منهم؟

شحاااااالكـــــــــــــن ، ان شاء الله بخيــــــــــــريييين

عندي كم من شي وابغي اخذ من خبرااااااااااااااااتكم ،

اذا انتي مثلاااا مب عاااايبنج تصرف ربيعتج ـ او وحدة تعزييينها ـ ويا ما نغزتييها بس ما تفهم ولا تحاول تغير الموضوع ـ وصارت الظروف انج حطيتي في خاطرج من تصرفااات ربيعتج وخاصة انج قلتي ما ترومين تغيرين هالشي ـ بس قمتي وايد تتنرفزيين من كلامها وقمتي وايد تعلقين عليها وقمتي تسويلها طاف
وهي ما تدري شو السالفة وتتحراج انج تغيرتي عليها ـ بس لا انتي ما تغيرتي عليها بس من الاشياء اللي حاطة في خاطرج هالاشياء قمتي تتنرفزين منها

المهم اللي ابي اوصله كيف تخلين عمرج عادية وياها؟! هل اسير اخبرها اللي في خاطري بصوبها ! بس اخاف تنجرح ! وخاصة هي حساسسسسة ـ وانا من النوع اللي على طول يدش في الموضوع دايركت ما عندي مقدمات فاحس هالشي بيزعلها بعد !

ولا اتم ساكتة احسن؟واذا تميت ساكتة كيف اخلي عمري عادية..!!!

المشكلة يوم انا اكره شخص على طول يبين من ويهي ومن تصرفاااتي واسلوبي ، اكون جاااااااااااااافة مع الشخص اللي مضايقني ـ ويوم اكون متضايجة من شي بعد يبين من ويهي ـ، يسألوني بلاآج اقولهم ما بلاي شي ـ وابغي اغير من هالشي ما ابي ابين لناس اني زعلاااانة وحاطة في خاطري علييييييهم …وساعات ابغي هالشي يكون بيني وبين نفسي ما ابغي الناس تعرف

والسمووووووووووووووووحة واتريا ردوودكن

لو مدير عام بحاله عااااادي

زين يوم الانسان مايخلي في قلبه

بس مااجرح الانسان او انعته بصفة بشعة

ولا اكشر في وجه عشان شكله ولا لونه مب عاجبني

عيب

اختي هاي الامور كل انسان وهواه وضميره

مافي طريقة لها

بس لازم تتذكرين ان كل انسان له نقصة ضعف

مساء الورد بنات
هلا حبيبتي عاشقة الغلا

أنا بخبرج عن تجربتي ويا ربيعتي من يوم فتحت عيني على الدنيا ( يسمونا طبج)
ماشاءالله عليها جميلة ومؤدبه واااايد تعز عليه،انزين وين المشكلة ؟؟؟

المشكلة يا طويلة العمر في دفاشتها لي صعب الواحد يتحملها وتعج الكلام عج،وإذا قلتلها إن اسلوبها يضايق تقول :زعلتي حبيبتي أنا أمزح ،،، شو هذا المزح لي ما حبه

المهم تكرر منها هذا الشي بكثره،في البداية سويت مثلج لأن الضيق يبين على ويهي ( شو أسوى مب مني ) هههه

بعدين قمت أطنهشا ،، بس بعد ما تغير شئ في اسلوبها وكل لي كان في بالها إني زعلانه أو مشغولة
وتبين الصدق ما هانت عليه ربيعتي ،، فقررت إني لازم أكلمها وما عرفت كيف،قمت وطرشت لها مسج في البداية ذكرتها بعلاقتنا القوية وإنا أعز إنسانه على قلبي وما ابدلبها حد لو شو ما صار بس في نفس الوقت ما أقدر أتعامل ويا أسلوبها ،، في البداية انصدمت

بس بعدين تفهمت قصدي ومب شرط يكون شئ غلط بس أحيانا الإنسان ما يتحمل شغلات معينة

وأنا مثلها لي هفوات بس أحاول قدر الإمكان إني ما أجرح شخص ،، بس إذا ما قدرت أتعامل وياه خلاص أسحب نفسي وأكون رسمية وأحتفظ بذكرى طيبة عن هذا الشخص

تحياتي