غلطانه أمي يوم على الطيب ربتني تحسب ناسي مثل ناسها طيبين

انتوا خواتي انا وحيدة امي وابوي بين الاولاد وماعندي افضفض له غيركم ياخواتي

الله يسلمكم في الدوام محد يحترمني كله يصارخون عليه انا ومعايه وحدة ثانية يوم تكلمني كأني اشتغل عندها يعني بصيغة الإمر وانا ماعندي هذاك اللسان اللي يلطلط كله اقول ان شاء الله وامري والله احط بقلبي واسكت عمري ماعرفت ارد على حد حتى يوم ارد على حد اتم بكبري انتفض
مب بس هيييه وايديين يشوفوني طيبة وماعندي لسان يرد يستقون عليه

موقف صار مثلا مرة اتصل فيها المدير محتشر على شغلة قمت انا مب باب اني اازرها دقيت لها ابى اطمن عليها واخفف عنها جان ترد تتصل فيني هالقد الواحد يتصل هااااه هالقد هالقد شو تبين قلت لها بغيت اطمن عليج قالت مافيني شي مشكورة قلت لها انا اسفة والسموحة انتي اخت عزيزة وغالية اتخيلوا مع اني والله كلمتها بكل ادب وحشمة وعقب هاليوم هيه طلعت اجازة انا قلت يمكن هيه كانت مقهورة او معصبة من شي بس بعد من ردت من اجازتها نفس الإسلوب ترمسني وكاني انا اشتغل عندها ومرة بتكون زينة ومرات بترمسني بها الإسلوب والله والله يابنات ساعات كان تقول لي ساعديني والله على شغلي اقول لها من عيوني ماطلبتي واساعدها وكانت تقول والله محد غيرج يساعدني والحين هذا اسلوبها معاي سجلي عندج هالطلب يلا بسرعة
تابعي هالموضوع يلا بسرعة يعني كاني مستخدم عندها

يعني مثلا اليوم انا مقعديني بمكان غير عن مكاني الإصلي عشان امسك شغل ربيعتي اللي عرست الله يوفقها والمكان اللي انا قاعدة فيه حاليا يعتبر اكبر سلطة في دوامنا لاني حالياً مع رئيس مجلس الإدارة بدال ربيعتي اللي عرست ومافي حد بمكاني الإصلي الحالي فاليوم متصلة فيني مديرة بالدوام اتقول اونه عند منو الرسايل اللي توصل قلت لها هيه من شغلي من انا بس حاليا عند البنت الثانية جان تقول اوجه حق منو لفت نظر حقج ولاحقها هاااه حقج ولاحقها!!!! قلت لها حقي وطبعا يلست تصااارخ وتصارخ وتصارخ وانا هيييه وهيييه وهيييييييه والله انا مب غلطااااانة يحملوني شغل فوق شغلي وفوق هذا هذيك اللي وياي مرتين طلعت اجازة وانا ولامرة طلعت اجازة ويوم هيه تطلع مهام شغلها تتوكل علييه
انزييييين ليش محد بالطابق يروح يشيك ويطرش هالقد فيهم هيازة يعني حد من اللي ويانا بالطابق ينش يشوف الفاكس حق منو موجه

والله والله يابنااااات واييييييييد ينغلط عليه وانا ماارد عليييهم وبس على قولة ان شاء الله وتأمرون

حتى المكان هذا على قد الظلم اللي فيييييه الموظفين قاموا يدورن اماكن ثانية يدوامون واييييد صارت استقالات وفيه الحين نقص وهم يحالون يغطون هالنقص بالموظفين ويضغطون علينا نحن

واسلوبهم مع السكرتارية كانه هالسكرتيرة خادمة حتى ساعات الود ودي ارفس الباب واطلع بعزة نفسي وكرامتي بعد مااشرشحهم بس ويييييين هالشي ووين شخصيتي اللي حتى اققق بحقي مااقدر اقولها

والله العظييييييم قمت اكره هالمكان كره العمى اكرررره واكرررره سيرته ولو رجع فيني الزمن لورا جان مادوامت فييييه والله اااااااااااخ كم كنت غبية اتحرا كل الناس طيبة شراتي ومناك كل واحد يقول يالله نفسي نفسي

ياااااااارب يرزقني بوظيفة ثانية واطلع ياااااقادر ياكريم