شحالكن خواتي ؟
انا مختفيه عن المنتدى من يومين كان عندنا عرس في بوظبي اتولهت عليكم كتييير
و الحمدلله خلصنا من العرس و كنت كاشخة لول .. الله يسعدهم و يوفقهم و عقبالنا يارب ^^
المهم اليوم عندي سالفة قلت باخذ شوركن فيها ×_×
يمكن حد يقول السالفة سخيفه و حد يقول ما يسوى تحطينها بسس محتاره !
و بلييز يعني الفضوليات اللي يعرفوني معرفه شخصية مابا هذره زايدة عن الموضوع عند العيايز
الموضوع باختصار وحده من رباعتيه تحب واحد و يحبها و يبغيها من زمان بس أمه مب راضيه عشان سالفة الأصل والحسب والنسب >> وهذا مب موضوعنا لان كل انسان مسؤول عن تصرفاته و عقله في راسه و ماحد بيتحاسب عن حد !
بس المشكلة الريال اللي يحبها من معارفنا و تربطنا فيهم علاقة قوية من سنييين و عيايزهم دووم ويا عيايزنا
و هي تبغيني اساعدها في موضوع زواجهم بس من بعيد لبعييد .. و على فكرة البنيه مب ربيعتيه كلوز بس علاقتي وياها سطحية و هي طيبه و حبوبة و عـ نياتها و ما شفت منها الا كل خير و لها وقفات ويايه
انزيين الحين السالفة ومافيها أهل الريال كانت عندهم ملجة حد من عيالهم و طبعاً انا معزومه و قالتلي ممكن اسير وياج ؟ عشان يشوفونها و تتعرف عليهم
اممم انا كنت وايد متردده اني اتدخل في الموضوع بس بعدين غمضتني و شليتها ويايه قلت انا مب خسرانه شي و حالها من حال الضيوف و ماشي احسن من أجر توفيق راسين بالحلال
و انا قناعتي الشخصية ماشي انسان فالدنيا ما يغلط لان نحن بشر مب معصومين من الخطأ و مب عيب الواحد يغلط بس العيب انه يستمر في الغلط و ما يصلح غلطته و في حالتهم افضل حل للمشكلة هو الزواج عسب يستر عليها و ياخذون بعض بالحلال ..
المهم في الملجة أم الريال ما كانت حاضره بس خالته موجوده و كنت اسولف وياها و انا في البداية عرفتهم عليها على اساس انها ربيعتيه .. بس بعدين قلت حق خالته هذي هي البنيه اللي يباها فلان ولد اختج و هي رحبت فيها و قالتلي بسير اشوفها و استانست عليها يعني عادي عندها و طبعاً بتخبر اختها ام الريال
انزيين الحين مادري انا اللي سويته صح ولا غلط ؟ متردده الصراحة و محتاره
اخاف أمه تزعل و تاخذ فكره مب حلوة لني شليتها ويايه و عرفتها عليهم
و أمه وايد تحبني و تحترمني و هي عزيزة و غالية عليه و دوم تمدحني و تطريني بالخير ..
و نفس الوقت ربيعتيه وايد مستانسه و مرتاحة لني وقفت وياها و قرّبتها منهم
ماادري والله راسي داير ماعرف انا صح ولا المفروض اعتذر منها وما اتدخل فالموضوع ؟!
و حتى ولدهم اللي يبغيها يقولها قولي حق الغر تساعدنا و مستانس الحين على هالخطوة لانه صدق يحبها و يبغيها و شارنها
طبعاً يدتي يوم عرفت بالموضوع مسحت فيني الارض وانا ما يخصني اهيء اهيء
قالت اللي ما ياخذ شور أهله مافيه خير و هذا طايش ما يعرف مصلحته و نحن نربيهم و نتعب عليهم و آخر شي يطلعون عن شورنا و البنيه ما تستحي ليش عاقه عمرها عليهم و بعدين بيعايرونها و بتستويلها مشاكل وياهم لانهم من البداية ما يبغونها … الخ يعني من هالرمسه
انتو شو راايكم في الموضوع ؟!
و الله يوفقهم و يوفقج ان شاء الله
يعني لايخلونهم ياخذون اللي يبونهم ,,,
وعقبـ يخلونهم عيالهم يعرسون على هواهم وذوقهم هم ( اطري ذوق الاهل)
والعيال لاحول ولا قوهـ ,,
اذا اعترضوا قالوا ها عقوق الوالدين وانتـ ماتعرف مصلحتكـ ..
وعقبـ ينجبر الريال ياخذ اللي هلهـ يبونها ..
بيمشي حالهـ فترهـ وعقبـ بيخونها ولا بيرد ل حبيبتهـ او اي شي ..
ومنو اللي ياكلها ,,
اكيد الحرمهـ ههههه ..
وكل ها نتيجهـ الاهل وضغطهم على اعيالهم ..
الزواج مبـ لعبهـ ,, هاي عشرهـ عمر ,, خلوه ينقي ع راحتهـ دام البنيهـ ماعليها قصور ..
وانا ماحس موقفج غلط ابد ..
انتي بس شليتيها وياج بناءا على طلبها ..
العرس واايد ناس يحضرونهـ سواؤ غربـ ولا من الاهل ,,
يت عليها هي بس !
وبعدين غر انتي ماترومين اتيودين عمرج ههههه
لازم تقولين حق يدوهـ عسبهـ تنهزبين !!
سوي شي واسكتي ,, اذا صار نصيبـ صار ,,
واذا ماصار اللهـ كريم سويتي اللي عليج وزود ..
ها رايي الشخصي ,,
وان شاء اللهـ ربي يجمعهم بالحلال اذا شي نصيبـ من بينهم ^^
بالتوفيق
. . ربي يوفقهم و يجمعهم بالحلال عاجل غير آجل‘ !
بخصوص كنتي كاشخه فالعرس … أي صالون سرتي ؟ >> خخخ أختتتتتج متوهقه شوي