بس عشان هي ماعرست وتحس بفراغ كبير شو تسوي ؟
يمكن يكون سؤال عادي والاجابة عليه واضحة ومعروفة بس للي ماتروم
شو تسوي ؟
بتقولون تقرأ كتب تشغل وقتها و تشتغل و و و و واايد اشياء بس قلت لكم
ماتروم يعني مو بيدها حياتها مالها معنى تعرفون ليش
لانها تعلقت بواحد وحبته وحطت كل امل الزواج فيه وفجأة تخلى عنها
والان تحس بانها ولا شي في هالدنيا صاكة على عمرها في الحجرة
وماتطلع مووول وغير جيه كله تصيح وحزينة شوية وتبوس ريل الي حبته
عسب يرد لها
بغيتكن تنصحوها لاني بطرش لها هالرابط ويزاكن الله خير وتذكروا
ان المسلم لاخوه المسلم في حزنة وضيقته والانسان لمن يحزن ويحس
عمره وحيد بيتاثر وايد بالكلام وممكن كلمة تغير حياتها من حزن لفرح
تقول انها مابتروم وان حياتها الياية بتكون صعبة وانها مابتروم تنسى
ياليت لو كلمة منكن تغير لها حياتها لانها واايد محتاية لوقفة ودعاء لها
ثانيا .. بكل صراحه عزيزتي .. مافي حد ممكن يموت بمجرد انه راح عنه شخص ؟؟ ولا شو رايج ؟؟
ياما ناس حبوا وفشلوا في هالشي وعانوا فتره وردوا لحياتهم الطبيعيه عقب فتره ..
يعني مسسسسسستحيل حد تتوقف حياته على شخص ثاني ..
قولي لربيعتج .. لو الشخص الي حبته صدق يستاهل جان ما خلاها ..
يعني بالمختصر ما يستاهل دموعها وحزنها عليه ..
المفروض تتحدا الي صار وترد اقوى من قبل …
خليها تذكر ربها وتستغفر وتتقرب من اهلها وصديقاتها ..
ومع الايام بتنسى الي صار وبتضحك على عمرها ..
الله يووفقها ويسعدها ويرزقها الريّال الي يستاهلها انشالله 
غاليتي
كيف ما تروم !
ما في شي بالحياة اسمه ما أروم أختي
كلنا نروم يوم نقتنع
إذا كل الناس خلونا أختي
لازم تكون عندنا ثقـة ان رب العالمين ما بيخلينا ^_^
أنا ما أعرف شو نوع علاقـة الحب الي كانت بينهم حلال أم حرام
بس الي أبغى أقوله أختي ان الإرادة هي أول خطوة للتغيير
خلها تقوم وتتوضأ وتصلي ركعتين
وتدعو رب العالمين يثبتها ويقويها
تشل كتاب الله وتقرأ ما تيسر من القرآن
وتشغل نفسها
مافي انسان ما يقدر يشغل عمره ^_^
إذا موت أغلى الناس ننساه مع المدة فما بالج باقي الأشياء
الحياة ايام معدودة أختي
ومحد منا يضمن يعيش يوم ثاني
فالإنسان يستغل يومه ويبتهج بما يرضي الله
يسعد ويبني طريقه للجنـة بالمستقبـل
خليها تشغل نفسها بالاشياء الي تحبها ,, من هوايات وغيره
وبعد تجمع نفسها بالناس الي يحبونها ويهتمون لها من ربيعاتها وأهلها
تحاول تشوف دكتورة نفسيـة مافيها شي تطلع لها الطاقـة السلبية الي فداخلها ^_^
وبدورها الدكتورة تعطيها حلول وتساعدها على تخطي هالكم من المشاعر السلبية
وترفع يدها لرب العالمين وتقول الحمدلله ,, يمكن يا الله خذت مني عبدك ,, لكن رزقتني الصحة والعافية
ورزقتني دينك الكريم
ورزقتنا نعمـة البصر عسب اشوف ابداعك في خلقك
ويا كثر النعم الي يشكر عليها الإنسان
وما تنسى تخصص وقت من يومها للاستغفار ,, وتقوم الليل وتدعي رب العالمين يثبتها ^_^
وتعيش الحياة تراها حلوة إذا شافتها حلوة
ربي يرزقها الي تتمناه
الله المستعاان كثري من الدعاء ةالاستغفار والله بيفرجها ان شاء الله
مابينفعها الزعل بشي
افضل لها تنسي نفسها تطلع تغير جو ويمكن يكون خير لها اللي صار
كانت عن هالسوالف وكيف يتجنبون او يطلعون من هالازمة العاطفية^___^
يا اختي شو الي بالشنها ابهالسوالف؟؟؟!!!!
يعني ازعلت وقت ماهو عندها وبعدها زعلانة على فراقه؟؟!!!
بقول ما عندها سالفة تراها بتزعل ان قرت ردي,,بس هذا الواقع
الي ما يباك لا اتصيح تبااااه وعيت النفس تبغييه
خلاص راح فحال سبيله
شو ودها اتبوس ريله ولا ايده ؟؟!!!!وين كرامتها؟؟!!!!انا مادري ليش البنات لا حبوا نسوا كرامتهم واخلاقهم ودينهم
الغالية الاولى في انها اتحبه هو ربها
هو اقرب قريب لها
هذا الحبيب الي ما راح يخونها
هذا الحبيب الي لا بغته شافته واقف وياها
هذا الحبيب الي لا وقت حاجتها راحت له ولا راااح يعايرها بيوم من الايام
ياما جحدنا فهالحبيب ولا زال هو يحبنا
قوليلها خل تختلي به فليل
خليها اتناجيه بدون ما يحس فيها حد
خليها تتقرب منه
يالغالية الانسان يكون تايه وضايع ويعيش حياة كريهه يوم يكون بعيد عن ربه لأن الدنيا تغريه بملذاتها
يالغالية قوليلها ربج يقول(ومن اعرض عن ذكري فإن له معيشة ضنكا)
انت اتعرفين شو يعني ضنك؟؟؟اتعرفين هالكلمة كمن معنى شايله؟؟؟!!!
الضاد(ضيق)
النون(نكد)
الكاف(كدر)
واربيعتج هذا الي فيها
ضيق ونكد وكدر وهم وغم ووووو
وهي الي شكلها حااابه اتعيش هالعيشة
هي الي امقوقعه نفسها ومبتعده عن اهلها
مستحيل اهلها بيعايرونها بدون سبب
هم ما بييبون هالطاري الا اذا هي ظايقتهم وهم مب عارفين يظايقونها غير انهم يذكرون هالشي جدامها
يالغالية خليها تصلح ذاتها
خليها تختلي ابعمرها
خل اتحاسب نفسها قبل ما اتحاسب اهلها على امعايرهم لها (على حد تعبيرها)
هي الي غلطت خليها تتحمل نتايج غلطها
الانسان هو الي يعيش نفسه بوهم ويركض ورى سراااب
خلاااص الريال راح
شويعني نهاية العالم؟؟؟!!!!!
خليها تدخل المنتدى والله بيظيع وقتها بدووون ما اتحس
بتلاقي وااايد امور اتفيدها سواء فدينها ولا دنياها
خليها تقرا هموم البنات
خليها اتشوووف كيف انها عايشة بنعمة احسن عن غيرها بمليووون مرة
وجان تبا صداقات ترى البنات اهنا ما يقصروون ^^كلهم خوات وكلنا انساند بعض وانسوولف مع بعض
والكل ينسى همه من يدخل المنتدى وانا اولكم ههههههه
والسمووحة عالهذربه الزايدة
الغاليه قوليلها لاتضايق بعمرها وتيلس اصيح … ترى اهو مستانس ويضحك ومافكر فيها .. ليش اهياا تتعذب واهو مرتاح بدنيااااه .. ترى الدنيا بعدها بخير وحلوه .. واذا ماخذته فالدنيا بتاخذه فالاخره ان شاء الله ^^
خليها تتقرب لرب العالمين وتقرأ قرآن وتكثر من الاستغفار .. وتشكي امرها لربها .. لانه بتحس بشعور وايد حلووووو
خليها تشغل عمرها بالتقرب لرب العالمين .. لاتحط في بالها اليأس ..
وياليت لو تقرأ كتاب لاتحزن لعائض القرني .. وااااايد بفيدهاااااااا .. ويتكلم عن هاي الحالات .. وهذي رابطته