شخباركم عساكم بخير…؟
حبيت اكتب لكم موضوع صدمني اختي لي بالصف الاول ثانوي يت تخبرني
اختي في مدرسه خاصه من مدارس دبي ….
المووضوع ان عندهم طالبه اليوم بالمدرسه كانت مواعده واحد وقدرت تطلع من المدرسه بسهاله(وين الرقابه)
بتقولون لي كيف تعرفون شو سوت يابت معاها عبايه وشيله وبرقع واول ماوصلت سارت الحمام وحطت المكيب ولبست العباه والبرقع وطلعت تخيلوووووووووووووو ولا من شاف ولا من درى
طبعا البنت في صف اختي واختي تقول محد من بنات الصف رام يرمس ولاخبر عليها بالعكس الاغلب شجعها
لهدرجه وصل الانحطاط في بناتنا …؟
مو عارفه شو اسوي شكلي باجر بسير بخبر الاداره لان اكيد ان البنت بتسوي الحركه ع طوووول
اللهم استر ع بناتنا وبنات المسلمين
وين اهلها هذي ؟
اختي لازم تروحين المدرسسه ولازم يستدعون ولي امرها
البنات اكيد بيتعلمن منها والله اعلم بالي يآي
الله المستعاان
نــاس توجــه ذكاءها للإختراعات ..
ونــاس توجه ذكاءهـا للمعاصي
والله المستعــــــــان
وانت دورج تكثفين النصح لاختج تكون بالطرق المباشرة وغير المباشرة منوعه يعني لان سن مراهق ومايحبون النصح ويحبون التقليد ..
وكذلك لاتنسين تروحين الادارة او الاتصال بهم على الاقل تنبهينهم بهذه النقطة وتشددين عليهم ان الطالبات امانه عندهم وهم بدورهم لازم يخبرون اهلها لحمايتها من الذئاب البشرية
اسال الله ان يحفظ بناتنا وبنات المسلمين
قمة الانحطاط