اللي عندها ليسن سيارة تدش رجاءا

السلام عليكم…
خواتي أنا أتعلم حاليا قيادة السيارة أوتوماتيك، فأبغي نصايحكم لأني مستصعبة السواقة…
و لو تذكرو لنا مواقفكم ويا اللي دربونكم القياة يكون زين…

أنا أتعلم فمدرسة تعليم فراك أسمها مدرسة مريم… لكن لما أخلي حد فالبيت يدربني ما أحصل إلا الهزاب…إهي إهي و أنحبط يعني لها الدرجة أنا غبية !!!

المشكلة عندي إني ما أعرف أحدد إذا السيارة عدال الخط الأصفر أو طالعة برع الشارع!

أرجوكم عطوني نصايحكم و أدعو لي أتوفق لأني محتاجة أتعلم القيادة ضروري..

مابتتعلمين عدل الا يوم بتخلصين من امتحان الباركنج وبيدربونج برا صدقيني وايد سهل وخلج ريلاكس وركزي وادربي وايد مع المدربه وامشي على القوانيين

ان شاء الله البنات يساعدونج

بالتوفيق يارب

حبيبتي كل شيء ايي بالماارسه

وبعدين شوفي المنظره الجانبيه بترومين تعرفين واذا الخط مابيبن في زر ف السيارة تقتدرين تحركين قياسات المنظره لين الخط يبين

ولاتستعيلييين المدربه مابتقصر وياج وبتعلمج

فديتج انا من عشر ايام خذت الليسن وكنت شراتج والله وااااااااااااااااااااااايد انهزبت

بس عقب صدقيني بتتعودين …

عن تجربة ..لاتحاتين بس ركزززززززززززززي

موفقه غناتي

الغااليه هااي الفتره حاولي تركزين ع القوانيين ومثل ما قالت الاخت ركزي ع المناظر الجانبيه والمنظره اللي بالنص اكثر شي… وثانيا الغاليه هب كل وحده خذت الليسن صارت سويقه من اول يوووم >>> مع الايااام وبالممارسه بتتعودين ع السواقه احسن >>> بالنسبه لي اخوي كان يعلمني ويعلم حرمته واختي الثانيه كل وحده فينا تقريبا ربع ساعه في اليوم وطبعا لو غلطنا غلطه يصيحنا هههههه بس انا كنت امسك دمعتي لاني كنت حابه السواقه >>> والصراااحه من هزاااب اخوي استوعبت كل شي اما المدربه كانت وحده عصبيه علمتني اسبوع بس واي خرابييط وسافرت توهقت الصرااحه وكان عندي امتحان مدينه بالاسبوع الثاني وانا كنت متوقعه اني ارسب لاني كنت اقول ما علمتني شي ولا فهمتني شي وكانت فيني صييحه بس الحمدلله وقت الامتحان فهمتني مدربه ثانيه اني اركز ع المناظر الجانبيه والوسطانيه والحمدلله خذت الليسن من اول تراااي^___^ حتى بدرجه اني كنت متوقعه الرسوب انه الشرطيه يوم زقرتني وقالت مبرووك نجحتي تمييت اصييح هههههه يدام خلق الله هههههه واختي تقول راسب قلت لا ناجح هههههههه قالت عيل ليش الصياح >>> اوني عااد دمووع الفرحه (اي الصدمه )خخخ والحمدلله بعد الممارسه صرت اوكييه بالسواقه وعندي الليسن من 4 سنوات والحين طبعا سواقتي الكل يتمدح فيها ما شاء الله

وبالتوفيق الغاااليه وان شااء الله تنجحين وحطي في نفسج حب السواقه صدقيني بتنجحين ولا تخافيين ابد ترا هب كل وحده خذت الليسن يعني سوييقه ^___^

شرات وحده الله يذكرها بالخير ويحفظها يوم اني اركب وياها اقول لها تبين الصراحه يوم تدوسين ع البريك تعقين قلبي ع الشارع ويوم تدوسين ع الريس تردينه مكاانه ههههههههه مع انها تسوق من 3 سنوات او اكثر

وبالتوفيق

مافي حد انولد و هو يعرف …….السواقة هذي مهارة و تحتاج الى ممارسة..الامتحان الحقيقي مب يوم تاخذين الليسن الامتحان الحقيقي يو تمين تسوقين روحج مافي حد وياج …عادي اتقبلي الانتقادات لأن اللي عرف يتحرى كل الناس يعرفون….