الزواج مب لكل البنات

حبيت اتكلم عن موضوع حساس شوي بس صراحه هذا اللي ملاحظتنه …. ادري ان الزواج قسمه ونصيب …. بس يا بنات انا اللي ملاحظتنه ووايد ناس ملاحظينا مثلي ان البنات من العائلات الكبيره والمعروفه واللي امكانياتهم الماديه اوكي ما يعرسن!!! اكثر البنات اللي يعرسن هن من الطبقه الوسطى واللي تحت الوسطى لا تفهموني غلط انا والله مب قصدي استصغر من الناس بس في كل بلاد الناس مستويات في طبقه وسطى وعليا واقل من الوسطى …. البنات اللي من عايله معروفه وامكانياتهم الماديه زينه كلهن معنسات هذا اللي الاحظه … ادري بتقولولي الزواج نصيب …. بس صراحه لو فكرتن شوي وتذكرتن الناس اللي تعرفونهم ناس من عايلات وجذي بتلقون ان بناتهن كلهن مب معرسات وقليل اللي يتقدمولهم …. بس البنات اللي من الطبقه الوسطى واللي تحت الوسطى ماشالله اللهم لا حسد يتزوجن بسرعه محد يتم منهن ليش جذي يا بنات ؟ والله شي يحزني انزين شو ذنبنا نحن يعني؟ وهالعايلات مب كلهم طلباتهم وايده طلباتهم معقوله مثل اي حد ليش جذي

وربي يوفقج غاليتي

المشاركة الأصلية كتبت بواسطة bellegirl

الله يرزقج الزوج الصالح عاجلا وليس آجلا

غاليتي

نصيبج مكتوب لج باذن الله

ولا جاه ولا مال بيمنعـــه

ارادة رب العالمين فوق كل شي ,, واذا قسم لج بريال بيكون من نصيبج

خلج متفاءلــة ولا تحكمين على الزواج من اي نقطــة

لإن الزواج بالخصوص سبحـــان الله ما نقدر نتوقع منو يتزوج ومنو بيتأخر زواجه ^_^

وكقصـــة واقعيـــة

في عائلــة أعرفهـــا عدل ماشاء الله وظروفهم زينــة

وفي أخت فيهم ماشاء الله آآآآآآآية في الجمال

كل خواتها العاديات عرسن وهي لا

رغم ان الي يشوفهم يقول ها أول وحدة بتعرس ^_^ !

ها القدر اختي

الانسان يحمد ربه على النعم الي هو فيها

ويقدر حياته ويعيشها مستانس فيما يرضي الله

ورب العالمين ترى يحينا والشي الي فيه خير حقنا بيكون من نصيبنا ^_^

وربي يوفقج غاليتي

مشكوره اختي على هالكلام الطيب ريحتيني شوي….. والله يسمع منج يارب والله يكتبلنا اللي فيه الخير