جيف انتو بينياتي عساكن الا بصحه و عافيه ..
اليوم استوت لي سالفه والله اني انجرحت من الخاطر ..
قلبي يعورني لين الحين .. السالفه مب سالفة اني مسويه شي الغلط ..الحمد لله .. لكن الي حرجني تفكير هالناااس .. 
.. لين متى بيتم جيي ؟!؟!!
ربيعتيه من ايام الجامعة عقب المغرب متصلتبي .. تسولف اونها ..
قالت لي هااا فلانـــه وينج انتي مختفيه و يوم انتيمع ما تين و مادري اشووو ..
قلت لها تدرين ماعندنا بشكاره و اشتغل و يا امايه و من يستوي المغرب خلاص انا حيلي منهد ..
قالت هيييييييه الله يعطيج العافيه .. الا انتو اشوو قاصرنكم ما تيبوون بشكاره ..
بنيات بوظحلكم شي .. نحن خلال هالسنتين الي طافن والله الشاهد ان يبنا فوق الـ١٥ بشكاره .. الي شردت و الي ماتبا و الي مناحسه و اخر وحده الي صدق صدق امايه عافت عن عقبها البشكارات وحده طلع فيها مرض معدي و خطيييير بعد .. ربكم سلمنا ..
و من عداها امايه قالت انا مابغي بشاكير .. انا بشتغل اروحي .. صح تعب لكن القلب مرتاح .. قلت لها خيير و انا بعاونج ..
ابويه فديته والله انه مب مقصر علينا ابددد ابددد .. روحه يحتشر على امايه يقولها بيبلج بشكاره .. و كمن مره بعد يايبلها بشكاره بدون مايشاورها .. صدق امايه متعقده .. زين انها وافقت على الطباخ ..
المهم نرجع للربيعه هاي .. والله خساره عليها اسم ربيعه ..
قالت انتي من صدقج الحين اتنظفين و تخمين و تغسلين الحمامات (كرم الله ويوه القاريين) .. قلت لها هيه يعني انا مانظف عن حد غريب .. انظف عن هليه .. مافيها شي !!!!
قالت والله انج بتمين جيه طول عمرج .. !!! انا هنييه شرات الي حد راش عليه ماي بارد ..
و امج مابتيوزج و بتخليج عندها بس عشان تساعدينها !!!!
قلت لها فلانه انا مرتاحه انتي شو حارنج ..
غيرت السالفه و خلاف ردت على الطير يلي ..
جان تجرحني و تقولي .. انتي اذا تميتي جي الي بياخذج بيخليج بشكاره عنده و بييب فوقج وحده تتامر عليج .. و بحكم اني قبل كنت مخطوبه .. ردت وزادت ملح ع اليرح و قالت مالومه فلان يوم غيير رايه عنج ..
انا مقهوووره من شي وااااحد بسسسس ..
الحين يوم اني اساعد امايه و اشل عنها بس عشان ما تتعب غديت بشكاره ؟؟؟؟
و يوم اني بعرس و بخدم ريلي .. بكون بشكاره ؟؟؟؟
ولا لازم يكون عندي صف بشكارات عشان اغدي حرمه و برستيجي مايطيح !!
الحمد لله انا مهتمه بعمريه و برستيجي عال العال هههه و على سنقة عشره على قولة يارتنا ..
بس يوم اني بساعد بمسح ببرستيجي الارض ؟؟؟؟؟؟
والله قلبي يعورني ..
ما عليج حياتوو
لا تقهري روحج ياما بتشوفي ناس جي ^_^
بس انتي خلج اكبر عن هالاشيا
وصدقيني الريال يدور الحرمه الي جي ترى انتي مميزة لأنه نادر ما يتحصل ناس جي الحين
الحمدلله الدنيا بخير و محد بياخذج غير الي يستاهلج ^_^
وأمج لها حق عليج تساعديها و الحمدلله اهم شي هي راضية عليج
ومن ناحية ربيعتج ما عليج من رمستها ^_^
يا انه مقهورة منج يا انه بس تبي تنرفزج يا انه روحها مضايقه و طلع حرتها فيج ^_^
واجعل لأخيك 70 عذرا بس انتي خلج واثقه من نفسج
دامج برستيج و سبيشل بعد
وربي يوفقج و يجدم لج الخير
وصدق شي يقهر وبالذات انه من اربيعتج
وانا بقولج شي يا حلوه ^^ ماعليج منها والله هاى منقهره وبعدين ما فيها شي انج اتساعدين الوالده
بالعكس الصراحه شي حلو انج اتساعدين امج في امور البيت وهالشي بعد لصالحج لانه عقب اكيد بتكونين عايشه ويا ريلج ف بتكون عندج خبره ع الاقل وهاى اربيعتج محتره منج ومنقهره وشكلها اتغار ولا هي ما بتقول هالشي مني والدرب لانه صدق هاي رمسه ما تنقال بصراحه بس ماعليج سويلها طااف محترم وقولي الله يسامحها ^_^ يمكن روحها عقب اتحس انه اللي قالته لازم ما ينقاال ^^ والسموحه اختي طولت عليج
هذه مب ربيعه أسفه بس صدقج كلام يقهر
لا تحطين بالج انتي تساعدين امج وهلج وهالرمسه ما تطلع ابد .. والوالده الله يحفظها لكم صح كلامها يا اختي الخادمات الحين عمله نادره اذا تلاقين وحده زينه ..
الله يهديها وأن شاء الله بيرقج بواحد احسن من خطيبج الاول .
تحسين ان هالشي غلط ؟! .. تحسين ان قيمتج نزلت من يوم اشتغلتي فالبيت ؟؟! .. تحسين انج ندمانه ؟؟!!
اذا كان (( لا )) فاقوولج ياا عزيزتي ..
الناس ترا وجهات نظر وتراهم يعقوون الرمسه وتراهم ما عايشين الي انتي عايشتنه ،،، ليش متاثره بكلامها لهدرجه يعني عطيها كلمه وحده وسكتييهاا (( انا ما اسوي شي غلط ولا حرام انا اسوي شغله من وراااهااا ابر بامي وآآخذ اجر واساعد واعاااون فالبيت واشكل اسااس مهم فيه ))،،،
هيه نعم خلج وااثقه اذا انتي هااذا قراارج ،، ولا تتاثريين براي الناس @.@
انا براايي اللي تسوينه مب حرام ولا عيب وجزااج ربي الف خييير…..^^
واغسل المواعين واغسل الحمامات واخم بعد
والحمدالله عايشين مرتاحين لا مشاكل ولاخرابيط
^___^
أنا معرسه وفي بيت بروحي .. وأطبخ وأسوي بروحي .. بين فتره وفتره أييب بشكارات بيت أمي ينظفون ..
بس بعد أنظف وراهم ما أعرف ..
والحمدالله مرتاحه بالعكس .. يوم أشتغل في بيتي عادي ..