قصتي للعضه وللنفع ولكل البنات الي يعانون من الكوابيس والخوف

بدش بالموضوع على طول ومابي اطول عليكم ,, انا الله يسلمكم من خمس سنين وانا احلامي قشره ,, اتمنى انام بدون حلم شين ولا كابوس وكل احلامي عن الجن والسحر ,, تعبت وصرت اكره انااام,,, واقول يا رب ما احلم حلم شين ,, وغير اني كنت افز من النوم خايفه ومرات انام عند امي وابوي وانا عمري 19 سنه والحين عمري 24 سنه تخيلو,, اخر حلم حلمته كانه واحد خانقني ويصرخ باذني وانا احاول اقرى القران مو قادره لانه مختنفه وقمت ميته خوف ,, وغير احلااام وايييد مرت علي

يوم من الايام كنت اشكي لاحد اعرفه بالمسنجر وكانت صديقه من دوله عربيه وما كنت اعرفها وايد مجرد شي صطحي وقالت هذا الدعاء لو قريتيه ببين اذا انتي فيج جن ولا ممسومه ولا من هالكلام ,,, ما عجبني كلامها وحسيت مادري شلون ما ارتحت ,, وقلت القى نظره على قولتهم ,,الغريب انه هالشي ما قريته كله مجرد لمحته وكان في حروف وكنها طلاسم ,, ومن قريته والله ثم والله حسيت لاعت جبدي ودارت فيني الدنيا وحسيت روحي بتطلع واحساس ما عمري مريت فيه ,, من الخوف ركضت تحت عند ابوي وحسيت خلاص اليوم بموت وبموت بوسط اهلي ولو صار شي هم حوالي ,,, شافني تعبانه ومو قادره قالي انتي فيج شي؟؟؟ ما عرفت اسكت وقلت له السالفه ضحك ما اهتم بالموضوع لانه ما هقى الموضوع جذي ,,, قام بصلي وخفت اقعد بروحي ركضت وراه قلت له يبا تكفى لا تخليني بروحي واول مره بحياتي ابوي يشوفني بهالوضع وحس في شي جايد,, قالي امشي اقرى عليج الرقيه وابوي دوم يقراها خفت الصراحه وقلت لا لا مابي ويابلي ماي مقري عليه وشربته وحسيت نفسي احسن ,,, وبعدين اصر علي وقالي امشي اقرى عليج الرقيه ,, وقلت له انزين لو انا فيني شي انت تقدر تطلعه ؟ والله يا بنات بهالاسلوب لانه صج كنت خايفه قالي ما عليج ,,, وقرى علي والحمدلله ما صار شي بس كنت ارجف من نزلت الصاله وقعدت عند ابوي وانا جسمي يرجف ,,, من بعد الرقيه حسيت شوي احسن وتميت منسدحه وحسيت اني مو طبيعيه واليوم نفسه خفت انام بروحي وتميت اطلع من غرفتي لين غرفه اختي ما اعرف انام خايفه,,, وبعدين نمت بس ابد نومي مافيه راحه كلش

خذيت الرقيه من ابوي اليوم الثاني وتميت اقراها وقالي لازم تقرينها 40 يوم ,,, تميت اقراها يوميااا ,,, وقبل النوم صرت اقرى المعوذتين كل وحده 3 مرات وقل هو الله احد 3 مرات وايه الكرسي والفتحه وبعدها سبحان الله 33 مرات والحمدلله 33 مره والله اكبر 34 مره