خوياتي جيف حالكن شو امسيتهن ؟!؟ 
ربكن الا بخير و سهاله
حبيباتي اليوم عندي بشاره الحمد لله
و البشاره هي اني انخطبت و لله الحمد *استحي*
والله الحمد لله مليوووووون مره الحمد لله
لان هل المعرس هم الي مختاريني انا من بد بنات العايله
الحين اكيد تتخبرون و تقولون يالله خلصينا مب خخخخ 
خواتي ماعرف اوافق ولا لأ
صحيح اني انتظر هاللحظه بفارغ الصبر و من متى اتحلم و اتخيل عمريه اغدي عروس
كم ليله قضيتها ادعي الله و اناجيه بانه يرزجني بولد الحلال
بس يوم يا وقت الجد احس اني ارتبكت و خفت
اقولكم قلبي بغا يضهر من الزياغ يوم امايه تخبرني هههههه
استخرت و الحمد لله و بعدني بستخير
بس لين الحين ماحس بشي يعني لاني مرتاحه ولاني خايف بس اميل شويه للراحه
امايه قالت لي خذي الوقت الي تبينه و فكري على مهلج و قد ما تقدرين صلي الاستخاره
اهل المعرس مايونا بعدهم بس عندنا عرس فهالفتره الي بتي و اتوقع بيشوفوني فيه
بس احس اني مب واثقه 
متى بعرف اني اوكي موافقه
انا متوكله على الله بس ماعرف
اخاف والله اخاف
الي معور قليبي اني بودر هليه و بخليهم و بسير اعيش عنهم في بيت غير ويا ناس غير
يعني احس اذا قلت لا السبب بيكون اني مابغي افارق هليه
و الي مطمنني و مخلني اميل للموافقه هو ابويــه فديته يعرف ابو المعرس عدل مدل ع قولتهم و رابين مع بعض و روحاتهم و يياتهم وهم صغاريه مع بعض فـ عارفنهم و عارف اطباعهم و مش متخوف ابدا
امايه و ابويه قالو لي هالشي راجع لج بتوافقين ولا بترفضين نحن ما بنغصبج على شي بس بعد اخــــــــــــاف احس يوم قالو لي هالكلام خلوني ارتبك زياده !!!! *انا ناقصه اناااااا*
آآآآخ مخي بينقع والله الحين من يومين هب راقده عدل و السبه هالسالفه خخخخخ
ادري مايسوا عليه
حتى نفسيتي منسده عن الأكل
والله تقولون عنز بيودونها المقصب *بصيح*
اذا استخرتي وحسيتي بالرآاااحه وقلبج مطمن تووكلي على الله ،،
واذا حسيتي عمرج مب مرتاحتله ،، فالزواج قسمه ونصيب
ررربي يووووفقج
ملّيتـــ و انــا انتظْـــر ،، ملّيتـــ ،،
<~ يااا يااا . .
باقي تستخيري . . وتتوكلي على ربج . .!
والله يقدم لج اللي فيه خير !!
كل هالمشاعر لازم بتحسي فيها حبوبه . .!!
شي طبيعي . .
وبتحسين بكآبه كل مآتقعدي تفكرين !!
الاستخاره فالبدايه انا كنت احس نفسج مره ومرتين والمره الثالثه حسيت براحه . .
نفس المراحل مريت بها قبل شهور . .
ف طبيعي جدا لاتحاتيين
وربي يوفقج وييسر لج الغلا
فرحت لج = )
محشووومه ختيه ،، وألف ألف ألف مبروووووووووووووووووووووووووووووووووك
وهذآ الي حلمتي فيه تحقق بعد شو تبيــن ؟!
اذا ابوج يعرفهم والولد زين ،، وآفقي ،، وبعد لا تنسيــن تستخيريــن
وحتى لو تزوجتي انتي مابتخلين هلج بتزورينهـم دووووم ،،
مآعليج لا تمين جي مكتأبه انا اول مانخطبت كنت جي مثلج بس الحين عآدي تعودت
ولا احسسس اني مرتبكه ،، خليهآ حق ايام العرس ههههههههههههههههه
الله يوووووووووفقج ختيه
اختي انتي استعيلتي بطرح الموضوع الانه ما صار شي رسمي الا رمسة حريم
وثانيا اهلج راضين وابوج موافق ومرتاحين من الناس و استخرتي كافي انج توكلتي على رب العالمين
وان شا الله خير ويوووفقج ويهنيج