القصة انه ربيعتي وافدة من عائلة محترمة وتحب مواطن وهو يحبها ويريد يتزوجها لكن أمه ماتبيها لأنها وافدة وتبيه يتزوج مواطنة هي تعرفها بس هو قلبو معلق مع ربيعتي والمواطنة مايعرفها ومايبي يظلمها ويتزوجها بس عشان خاطر أمه…..
في البداية قعد فترة طويلة وهو يقنع أمه وخلاها تكلم البنت وبعد عدة محاولات الام وافقت موافقة مبدئية وحطت شروط وهي أنه يعيشو معها في البيت مع انه البيت مافيه مجال غير غرفة صغيرة ماتكفي وبدون حمام والشرط الثاني انها تترك الشغل وتبيع سيارتها وممنوع تسوق مع انه الام تشتغل وتسوق سيارة وكمان ممنوع تدخل بأي شي في البيت ولو تقول الام أي شي لازم تنفذو حتى لو طلبت انها تحرق ثيابها لازم تنفذ .. وربيعتي لأنها تحبه وافقت على هالشروط التعجيزية وما قالت لأهلها عن هالشروط عشان ما يوقفو بطريق الزواج… وبعد ماخبرت الاهل أم المواطن غيرت رأيها وقالتلو بغضب عليك اذا بتتزوجها ×××××××××
المواطن محتار مين بدو يرضي مايريد أمه تغضب عليه ومايريد يخسر اللي يحبها مع انه مافي سبب مقنع انه أمه ترفض البنت ومافي أي مجال الام تقتنع…
ربيعتي الحين قالتلو انها ماتبيه يعمل أي شي من دون رضى أمه واذا يبي يتزوجها لازم أمه ترضى وتبي بيت لوحدها حتى لو كان غرفة وصالة لأنه من حقها تعيش حياتها مش في غرفة صغيرة يادوب تتسع لتخت كبير مع انه راتبو اوكي يقدر يستأجر .
ربيعتي وايد مضايقة وتحبو والعمر يمشي ومب قادرين يعملو شي
مع العلم انها لما اتعرفت عليه ماكان مواطن هو مولود في الدولة و وأهلو طول عمرهم عايشيين في الامارات ويتكلمون نفس اللهجة ونفس العادات والتقاليد يعني صعب تفرقهم عن المواطنين الاصليين!!!!!!
وصبرت معو لحتى اتحسن وضعو وأخذ الجنسية,,,,
ما أعرف شو أنصحها ؟ ساعدوني عزيزاتي
مشكله بعد هاي
الله يعيينهاا
الي بدايتة غلط ينتهي بغلط .. وربيعتج تعرفمن سنيييييييييين
وكان امبينهم كلام والله اعلم طلعاات
هالشي اولا حراااااااااااااام ..
وثنيا ليش تذل عمرهاا وطيح كرامتهاا ؟؟..!!
خلهاا مثل غيرهاا من البنات لين اييها من يعزهاا ويقدرهاا
ودام انهاا عارفه انه مابينوبهاا من هاالزواج غيرالمشاكل والمذله
ليييييييييييييييييييش؟؟ شي غيره ملايين
……….
اما الولد
امه ماتبا البنت وحطت له كل الصعوبات عشان ماياخذهاا ..
وهو عنده رضى امه مهم ..وعسى ان تكرهوا شيئاا وهو خيراا لكم
..
يعني شو تبا تزوجه غصبا عن اهله ترى بيتم وياها فتره عقب بيهداهاا وبيرد لاهله ..
ترى الظفر مايطلع من اللحم
خلهاا تحط عقلهاا براسهاا وتفكر بالمستقبل لقداااام
..
والله يسهل امورهاا
اختي الغالية ,, شرات ما قالت الاخت الي قبلي الي أولــه غلط آخرتـــه غلط … 
والانسان يتوب لله سبحانـــه وتعالى , واصلا حب قبل الزواج مب حب لإن ما يي من العشرة , بل من الشكليات والصورة الي الانسان يبغى يرسمها عند الآخر في ذهنـــه لا غير ,, من يتم الزواج سرعان ماتسقط الاقنعـــة ويكتشف الانسان انه يحب شخص ثاني كان زين معاه ويقوله على كل شي هي سمعا وطاعـة ^_^ ! ..
ومن ترك شيئا لله عوضـــه بخير منه ^_* ,, اذا الريال مب قد قراراتــه ,, وأمه هي الي تسيره ! ,, رضى أمـــه ابرك له ,, واذا الريال قد قراراته ويقدر يقنع أمه يمكن يقدرن يرتبطون ,, بس للاسف الثقة امبينهم بتكون صعبـــة..
والله يهدي الجميع ,, خلهم يستخيروا ,, ويتوبوا
وخلها هي تتقرب وايد من الله , قيام الليل والاستغفار والصدقة واذا هذا الريال فيه خير حقها بيكون من نصيبها
!
وقذف النساء المحصنات من الكبائر ^_^ …
خاصة انج قلتي أكثر البنات مامعناته على الاقل 85 بالمئة ,, وما أظن وصلنا لهذي الحالة في بلدانا العربية الحمدلله ^_^